1 Timoti 1:5 - Aria New Testament

⁵ E bokongon ka Ida Tapolngon wai ke ite ma itaparere osep ine ma due aitno lisak dagar lokono ke Yesus e tidong itau lokono ke Ida Tapolngon bitna. E ma tile langka urok elio ka itau e elio ka soulu e tidue elio itau vala. E elio ka langane ma sruk aitno lisak ma isak lana isak ke osep leklou.

1 Timoti 1:5 ပူးပေါင်းရင်းမြစ်များ

Matyu 12:35

Osep ka itau tididi aitno lisak ka itau e tidue elio itau e osep ka soulu tididi aitno lisak ka soulu e tidue elio soulu.

Matyu 5:8

“Osep ka aitno lisak la ke Ida Tapolngon vala aitno lisak itau itau kesua ma tivati Ida Tapolngon.

Aposel 15:9

Elio tonari nis ite Ida Tapolngon aitno kene ke osep ka pula keniye ka aitno lisak dagar ke Yesus. Ari aitno lisak la dagar ke Yesus deka Ida Tapolngon sak urok elio epmes ina.

Aposel 23:1

Deka Pol bitna nekek ke osep kaunsil ina e wai ke isak langane. “Sipmi umoklingen. Ke oglou me iding ke eknikane ke Ida Tapolngon bitna ngadidi ila pelengon e aitno lungong kro ke lou elio gesa kovok.”

Aposel 24:16

Eknikane ngong arit ngong ma ngadong itau lama ngadue elio soulu ke Ida Tapolngon bitna e ke osep amtarsak blang.”

Pas ka Pol sogoe uti la ke osep Rom ina 10:4

Krais polou ke ite kodong deka ari iye due Moses ila sogongon ka oglou plau ite ila arit polou yagos. Deka plau ite kovok. E Ida Tapolngon due osep ka aitno lisak dagar ke Krais tipolou itau e osuk ke bitna.

Pas ka Pol sogoe uti la ke osep Rom ina 12:9

Umu lana umu ke osep leklou e umayak ine sakam. Ma aitno lumu itau lokono ke isak. E ma umekis dagar ke elio ka itau vala e umopul dogur ke elio soulu bitna bitna.

Pas ka Pol sogoe uti la ke osep Rom ina 14:15

E langka emngen wan gesa ka lem aten gesa aitno mter langka wan ari soulu ke Ida Tapolngon bitna deka omdue elio soulu ke iye. E langka omdue langane wom lana wom ke lem aten kovok. Kesua Krais lana iye ke lem aten tonari e mete kodong ma kli ila elio epmes ina. Deka wom lana wom ke lem aten vala e omdue elio soulu ke iye sakam.

Pas ka Pol sogoe uti la ke osep Rom ina 9:1

Ngawai pelengon lokono e ngayak kovok. Kesua ngong Krais ila gute bokongon ina. Ano Itau plau aitno lungong ma ngakaranga ngaile elio itau e elio soulu deka ngaile ngayak kovok e ngawai lokono vala.

1 Korin 13:1

Elio tonari langane. Langka ngawai ke tokples bitna bitna e ke ensel urok pelengon e dau ngong lana ngong ke osep kovok elio langane bitna langka ngong langka belo ka wai omba adai vala e langka kude ka wai adai.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

1 Timoti 1:18

Erigu Timoti aitno lungong mter ke pelengon ka oglou osep napaprangan ina tiwai ke wom ke elio ka ma omdue. E ngawai ke wom ke pelengon ma emdidie. Deka langka emdidi osep napaprangan ina urok pelengon omdong dagar e ma ommole elio soulu.

1 Timoti 1:19

Ke elio langane aling aling ma omdong dagar e ma aitno lugom dagar lokono ke Yesus ma emile langane. Lem elio soulu gesa vri ke wom ke Ida Tapolngon bitna kovok. Osep leklou tile ke elio itau e dau tipul dogur ine. Mase aitno lisak ila dagar dong dagar kovok e isak langka sip ka la nabak sep ke asar.

1 Timoti 3:9

E tikis Ida Tapolngon ila pelengon dagar ka nis ite ke aitno lite ila dagar. E ma tile elio ka itau e elio ka soulu e tidue elio ka itau vala.

2 Timoti 1:3

Oglou lou seia tidue Ida Tapolngon ila bokongon e urok bokongon itau e osuk ke bitna e wan gesa vri ke isak ine kovok. E eknikane ngong blang langane. Aling aling aitno lungong itau ke wan ka Ida Tapolngon due e ke oklou e epmes ngawai itau ke Ida Tapolngon ke wom e omtongu sisir wom.

2 Timoti 1:5

Ngaile omur aitno lugom dagar ke Yesus e aitno lugom orwo ine kovok. Aitno lugom dagar ke Yesus eriar langka lem apa Lois e aiya Yunis.

2 Timoti 2:22

Osep auram aitno leklou urok elio bitna bitna soulu. E ngawaiki ompul dogur ke elio soulu tonari. E emdidi Ida Puda ila elio ka langane vala. Aitno lugom dong dagar ke Ida Puda e wom lana wom ke osep e omgosok isak aitno lumu epen pulu. Omdue langane kap Ida Puda ila osep ka aitno lisak itau lokono e tiwai itau ke Ida Puda.

Taitus 1:15

Langka osep aitno lisak dagar ke Ida Tapolngon deka aitno lisak itau kodong. Deka urok wan bitna bitna keniye dong itau blang. E langka osep tididi elio soulu e aitno lisak dagar ke Yesus kovok urok wan gesa itau kovok. Kesua aitno lisak amum lokono ke Ida Tapolngon bitna e tikaranga tiwade elio itau e elio soulu kovok. Deka wan gesa dong itau ke isak kovok.

Hibru 10:22

E iye ris aitno lite ke ina marau ma elio soulu vri ke ite kovok. Ane langka iye ris pampamu lite ke aki ka wan sasi dong ine kovok. Deka aitno lite kene ke Ida Tapolngon e aitno lite ila dagar dong dagar e itopolou olwo boto ke Ida Tapolngon.

Hibru 13:18

Aling aling umawai itau ke imi ma Ida Tapolngon lua imi. E imeile omur wan gesa vri ke imi kovok e aling aling imawaiki imodue elio itau vala.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Jems 4:8

Umala olwo boto ke Ida Tapolngon e ma iye polou olwo boto ke umu. Umu ka umodue elio epmes ina umosongon lumu elio epmes ina langka gute ka grong limla. E umu ka aitno lumu orwo ke Ida Tapolngon aitno lumu mter ke elio itau vala.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 3:16

E ngawaiki umodue elio itau vala ma elio gesa pes umu kovok. Deka langka osep tisin elio soulu vri ke umu e tiwai soulu ke lumu elio itau ka umodue batne ke Krais ma isak mnak isak ke urok pelengon.

1 Pita 3:21

Aki tonari nisngen ke aki ke elio paunimngen ina. E elio paunimngen ina nisngen ke elio ka Ida Tapolngon lua umu ke lumu elio epmes ina. E aki ke elio paunimngen ina langka ris tarna lumu kovok. Aurou. Ane langka pelengon ka umawai ke Ida Tapolngon ma umedidi iye ma umodong itau ke bitna. Ida Tapolngon due Yesus Krais poga tito ke ina denga e ke batne langane umodong itau ke bitna.

1 Pita 4:8

Wan ka omba umu lana umu pulu lokono. Kesua langka umu lana umu pulu e supmu leklou tidue elio soulu ke umu ma aitno lumu mter ine kovok.

2 Pita 1:7

Umodue mada ke lumu osua e umu lana umu ke osep.

1 Jon 3:10

Ke batne langane itakaranga iteile osep seisei isak Ida Tapolngon ila osep e osep seisei isak Satan ila osep. Osep ka aling aling tidue elio itau e osuk kovok isak Ida Tapolngon ila osep kovok. E silang blang osep ka isak lana isak ke sisrok kovok isak Ida Tapolngon ila osep kovok blang.

1 Jon 3:23

E Ida Tapolngon ila pelengon dagar ka me ke ite langane. Aitno lite dagar ke Otno Arang Yesus Krais e ite lana ite pulu langka iye wai ine.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.