1 Timoti 1:1 - Aria New Testament

¹ Ngong Pol ka Krais Yesus rere ngong ila aposel gesa. Ida Tapolngon lua ite ke udo elio epmes ina e itapara ke Krais Yesus ma itavati iye e itodong kap iye.

1 Timoti 1:1 ပူးပေါင်းရင်းမြစ်များ

Luk 1:47

E anngong neser ke Ida Tapolngon ka Ngau Luangan.

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

1 Korin 1:1

Ngong Pol ka Ida Tapolngon didi aitno e rere ngong Krais Yesus ila aposel gesa. Ngong imorwo udo aten Sostenes imosogo pas ane.

1 Korin 9:17

Langka ngadidi aitno lungong e ngadue bokongon ane ma ngadue klingen ine. E Ida Puda kar bokongon ane ke ngong ma ngadue.

2 Korin 1:1

Ngong Pol ngong Krais Yesus ila aposel gesa. Ida Tapolngon didi aitno e rere ngong aposel. Ngong imorwo udo aten Timoti imosogo pas ane uti ke umu ka pula keniye ka umodong ke Ida Tapolngon ila sios ke Korin kap Ida Tapolngon ila osep ke armok keniye ke provins Akaia.

Galesia 1:1

Ngong Pol ka aposel gesa. Osep tipagei ngong koke tidue ngong ma ngaboko ke osep aposel urok bokongon kovok. Aurou. Ngaboko langane kesua Ida Puda Yesus Krais kap Ida Tapolngon ka Pmada tirere ngong aposel. Ida Tapolngon tona iye gute ka due Krais mole ina denga.

Galesia 1:11

Sipmi. Ngawai osuk ke umu langane. Omon itau ka oglou ngawai ke umu ine iye pelengon ka polou ke gute gesa aitno kovok.

Kolosi 1:27

Ida Tapolngon didi aitno e nis ila osep ke pelengon ka oglou dong kukwop ma tile omur ine. Pelengon tonari itau lokono e karanga lua osep ka pula keniye. Pelengon ka kukwop langane. Krais dong kap umu e ma umapara ke iye ma iye me kum umu e umala umodong kap iye ma umodue wan ka pula keniye ka omur heven ina.

2 Tesalonaika 2:16

Ida Puda Yesus Krais iye tona kap Ida Tapolngon ka Pmada isak lana isak ke ite e timakai ite. E tisruk aitno lite ma itodong dagar e itodong itapara ke alo ka Ida Tapolngon ma due ite itodong itau kap iye.

1 Timoti 1:12

Ida Puda Krais Yesus kar arit ke ngong e aitno itau ke ngong e iye ile langka ma ngadue ila bokongon. Iye rere ngong ma ngadue bokongon tonari. Deka ngawai tenkyu ke iye.

1 Timoti 2:3

Pmingen ka langane itau lokono ke Ida Tapolngon ka iye Ida Luangan blang bitna e aitno itau ine.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

1 Timoti 4:10

Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.

Taitus 1:3

Deka taim ka iye rere kodong iye rere osep leklou ma tinapapra ila omon itau. Deka ke elio langane iye due ila pelengon polou malak ma osep tile omur ine. Deka Ida Tapolngon ka lua ite ke udo elio epmes ina rere ngong ma nganapapra ila omon itau.

Taitus 2:10

E tipanako wan ke osep ka tiplau isak kovok. E tidue elio itau e tididi osep ka tiplau isak urok pelengon vala. Langka tidue langane ma osep aitno lisak itau ke Ida Tapolngon ka iye Ida Luangan blang ila pelengon.

Taitus 2:13

E aitno lite dagar ke Ida Tapolngon e itapara ke oklou ka ite ma itavati iye e itapara ke Ida Luangan Krais Yesus ka iye itau lokono. Ma iye polou malak lokono deka itavati iye kap ila bublongon e ila arit.

Taitus 3:4

Itodong langane deka Ida Tapolngon ka iye Ida Luangan blang lana iye omba ke ite. Iye makai ite e nis ite ke wan ka iye due ke ite kodong.

Taitus 3:6

Ida Tapolngon tuktuk Ano Itau karanga ke ite kente kente kesua batne ke Ida Luangan Yesus Krais.

1 Pita 1:21

Deka aitno lumu dagar ke Ida Tapolngon batne ke Krais. Oglou alo ka Krais mete Ida Tapolngon due poga tito ke ina denga deka iye kakai Krais tito la egim. Iye due langane deka aitno lumu dagar ke Krais e umapara ma iye didi ila pelengon ka iye wai ine kodong.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

1 Jon 4:14

Itavati elio pula ka Pmada due kodong. Iye pagei Otno Arang me ke taklak ma iye lua osep ke urok elio epmes ina. E itapalongo osep ine.

Pas ka Jut sogoe 1:25

Ida Tapolngon ka Ida Luangan kene vala dong e lua ite ke udo elio epmes ina batne ke Ida Puda Yesus Krais. Ma itakakai angaine tito la egim. Iye Ida Plaungan ina e ila arit ombatno deka wan ka pula keniye dong moli ke iye. Oglou oglou ari iye dong e eknikane iye dong blang deka mase ma iye dong vala dong blang. Lokono.