1 Tesalonaika 5:2 - Aria New Testament

² Umeile omur Ida Puda ila baulukngon ma suong polou langka gute panakongon ina me panako ke epmes alo ka osep aitno lisak mter ine kovok.

1 Tesalonaika 5:2 ပူးပေါင်းရင်းမြစ်များ

Matyu 25:13

Deka Yesus babrum ila pelengon lang-ane. “Umaplau umu itau kesua umeile oklou koke aua alo ka Gute Ka Polou Langka Osep ma iding me kovok.”

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

1 Korin 1:8

Ma Ida Puda due aitno lumu ma aitno lumu dong dagar la lama oklou ka iye ma iding blang. Deka ke alo ari ma Ida Puda Yesus Krais vati elio gesa vri ke ite kovok.

1 Tesalonaika 5:4

E sipmi umodong ke aivoro kovok ma umedigrik alo ka oklou tonari polou langka gute digrik langka iye vati gute panakongon ina me kovok.

2 Tesalonaika 2:2

Langka osep leklou tiwai Ida Puda ila oklou polou kodong aitno lumu la ke urok pelengon kovok. E anmu nesik sakam. Langka tiwai Ano Itau nis isak ine aitno lumu la ine kovok. Koke tiwai langka imawai ine koke imosogo pas ine aitno lumu la ine kovok.

2 Pita 3:10

E Ida Puda ila oklou ma polou suong e polou alo ka osep aitno lisak mter ine kovok eriar langka gute panakongon ina me suong. Ke oklou tonari ngus omba ma polou e sirva la yagos. E eiou ka engil lokono ma ngen wan ka pula keniye ka dong ke taklak ma isak e taklak yagos.

Pelengon kukwopngon 16:15

Deka ngaklingen Ida Puda wai langane. “Umoklingen. Ma ngame ke umu alo ka aitno lumu mter ine kovok langka gute panakongon ina me. Deka langka gute bitna oluk e ila klos dong olwo boto ke iye ma aitno itau itau. Deka iye albus iye e mnak iye ke osep amtarsak kovok.”

Pelengon kukwopngon 3:3

Omtomu sisir pelengon ka oglou umoklingen ine e umekise dagar. E umedidie itau e umabauluk aitno lumu ke lumu elio epmes ina. Langka umakaranga umetipa e umetito kovok ma ngame ke umu suong langka gute panakongon ina me suong. E umakaranga umeile alo ka ma ngame kovok.