1 Tesalonaika 4:5 - Aria New Testament

⁵ Lama pampamu lumu e aitno lumu tipagei umu e umodue okwa langka osep ka tile Ida Tapolngon kovok tidue.

1 Tesalonaika 4:5 ပူးပေါင်းရင်းမြစ်များ

Matyu 6:32

Umeile langane. Osep ka tile Ida Tapolngon kovok aling aling aitno lisak kro pula ke wan bitna bitna tonari. Pmomu ka dong ke omur heven ile wan bitna bitna tonari lua umu ke lumu mosongon ke taklak ane.

Luk 12:30

Osep ka isak osep Yuda ina kovok tikrim ke wan tonari e aitno lisak mter pula ine. E Pmomu ile wan tonari lua umu ke lumu mosongon ke taklak ane.

Aposel 17:23

Alo ka ngalila ke armok ane ngavati sapingen bitna bitna ka umolotuim isak. E silang blang ngavati bota gesa ka umodue elio opmu ina ine. E ke bota tonari sogongon gesa dong ka wai langane. ‘Bota ane tapolngon gesa ka ite dau iteile ine kovok ila wan.’ Umoklingen. Tapolngon are ka umeile omur ine kovok e umolotuim eknikane ma nganapapra ke umu ine.”

Pas ka Pol sogoe uti la ke osep Rom ina 1:24

Osep tonari aitno lisak soulu lokono vala e Ida Tapolngon pul dogur ke isak ma tididi aitno lisak vala. Deka tidue elio ka soulu lokono pulu langka itosep udo elio lokono kovok. Tidue elio soulu pulu ke pampamu lisak vala.

Pas ka Pol sogoe uti la ke osep Rom ina 1:26

Osep tonari tipul dogur ke Ida Tapolngon e tidue elio soulu vala. Deka iye pul dogur ke isak ma tidue elio ka soulu lokono langka ite mnak ite ine. Ari apmang tipli osep arang e tidue elio kap isak kovok. E aitno lisak la ke apmang leklou blang e tidue elio kap isak.

Pas ka Pol sogoe uti la ke osep Rom ina 1:28

­E silang blang langane. Aitno lisak mter langka amtarsak uli Ida Tapolngon ma tidong itau lokono. Deka Ida Tapolngon pul dogur ke isak ma aitno lisak tipolou soulu lokono ma tidue elio bitna bitna ka Ida Tapolngon waiki osep tidue kovok.

1 Korin 1:21

Ida Tapolngon ile omur ke wan bitna bitna deka ila ilengen ombatno lokono. E iye didi ila ilengen tonari e dangdang osep ke elio ka tididi aitno lisak ma tile omur ke iye. Imanapapra Ida Tapolngon ila pelengon ke osep e Ida Tapolngon aitno itau ma iye lua osep ka aitno lisak la dagar ke iye ke urok elio epmes ina. E osep ka tididi aitno lisak tiwai pelengon ka imanapapra ine iye pelengon adai vala.

1 Korin 15:34

Umeile umu itau e umosongon lumu elio epmes ina bitna bitna e umodue elio itau vala. Umodue elio soulu e supmu leklou tile ke Ida Tapolngon dau kovok. Ngawai pelengon ane ke umu ma umu mnak umu ke lumu elio soulu.

Galesia 4:8

Oglou umeile Ida Tapolngon kovok e umodong langka wokboi nating ke wan ka isak tapolngon kovok.

Efesus 2:12

Alo ari umu dau umeneklep ke Krais kovok. E ari umodong ke osep Israel ina urok osua kovok e umeneklep ke osep Israel ina kovok. Ari Ida Tapolngon ila kontrak ka iye wai promis ka la ke osep Israel ina ine me ke umu kovok. Umu tona umodong adai vala e umeile Ida Tapolngon kovok. E umapara ke wan gesa ka itau ka mase ma polou kovok.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

1 Pita 4:3

Ke oglou kodong umodue elio epmes ina bitna bitna ka osep epmes ina tidue. Ari umodue elio epmes ina e elio ulik ulik ka pampamu lumu waiki umodue. Umeinim aki dagar ma omtomu balilu e umodue rogo ka umodue elio okwa ine. E umodue rogo omba ka umeinim aki dagar e umodue elio soulu ine. E aitno lumu la ke sapingen bitna bitna ka Ida Tapolngon aitno soulu lokono ke isak.