1 Tesalonaika 4:4 - Aria New Testament

⁴ Umu kenmu kenmu umodong itau kap lumu sasap e umodue elio itau ka Ida Tapolngon e osep blang aitno lisak itau ine.

1 Tesalonaika 4:4 ပူးပေါင်းရင်းမြစ်များ

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Pas ka Pol sogoe uti la ke osep Rom ina 1:24

Osep tonari aitno lisak soulu lokono vala e Ida Tapolngon pul dogur ke isak ma tididi aitno lisak vala. Deka tidue elio ka soulu lokono pulu langka itosep udo elio lokono kovok. Tidue elio soulu pulu ke pampamu lisak vala.

Pas ka Pol sogoe uti la ke osep Rom ina 12:1

Sipmi. Ida Tapolngon aitno due ite kodong deka ngawai dagar ke umu langane. Ma umakar pampamu lumu ke Ida Tapolngon langka wan ka ila wan. Alo ka umu dau umodong ma umodong langka Ida Tapolngon ila osep ka itau lokono ma umodue elio itau ka Ida Tapolngon aitno itau ine. Umodue langane deka elio ka langane langka aitno lumu la dagar ke Ida Tapolngon vala.

Pas ka Pol sogoe uti la ke osep Rom ina 6:19

­Ma ngakar pelengon ane ke umu ma kere lou pelengon tonari. Kesua lou pelengon tonari lana ine opru umu. Oglou aitno lumu itau ke elio epmes ina bitna bitna vala e umodue elio epmes ina pula ka soulu lokono. E eknikane aitno lumu itau ke elio itau vala. E ngawaiki elio itau plau pampamu lumu vala ma umopolou Ida Tapolngon ila osep ka itau.

1 Korin 6:15

Lange? Umeile langane ko-vok? Pampamu lumu kene kene Krais pampamu ine ongwa ine. E langka ngadue Krais pampamu ine ongwa ine e ngadue neklep ke apmang ekreng palma ina elio langane itau? Aurou lokono.

1 Korin 7:2

E dau elio okwa polou pula. Deka langane. Wan ka itau ma gute kene kene due ila asap e ma apmang kene kene due ila boget blang.

1 Korin 7:9

E langka tikaranga tiplau pampamu lisak itau kovok deka ma tigi. Lama elio isungon polou langka eiou ke pampamu lisak.

2 Korin 4:7

E Ida Tapolngon due ila pelengon sep ke imi osep aposel pampamu limi ka isak wan adai langka ulo. Elio langane dong ma osep tikaranga tile arit me ke Ida Tapolngon e me ke imi kovok.

Filipai 4:8

Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

1 Pita 3:7

E umu arang aitno lumu mter itau ke lumu sasap. Umodong kap isak e aitno lumu mter urok arit eriar langka lumu arit kovok. Deka umodue anit ke isak kesua Ida Tapolngon kar umorwo mosongon ka itau. Umodue langane deka alo ka umawai itau ke Ida Tapolngon ma iye klingen lumu pelengon.