1 Tesalonaika 4:3 - Aria New Testament

³ Ida Tapolngon waiki umodue langane. Umodue elio itau vala e umodong itau e umoulou ke elio okwa.

1 Tesalonaika 4:3 ပူးပေါင်းရင်းမြစ်များ

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 15:19

Kesua elio ka tipolou ke gute aitno langane. Iye serim e pagam osep e due okwa e isu kap apmang e panako wan e yakyak e wai soulu ke osep.

Matyu 5:32

E oku ane ngawai ke umu langane. Langka gute esna due okwa kovok e dau gute dar urok gingen iye due esna polou apmang ka due okwa. E langka gute silang gi apmang tonari iye due okwa blang.”

Matyu 7:21

“Aitno lumu mter langane kovok. Osep keniye ka tisir ngong Ipem Puda ma tisep ke omur heven ka Ida Tapolngon plaue. Aurou. Osep ka tini Livou ka dong ke omur heven vala ma tisepe.

Mak 3:35

Gute sei ka didi Ida Tapolngon aitno iye ngau aiver e luku e nina.”

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Aposel 15:20

Ma itosogo pas gesa ka dangdang isak langane. ‘Ma umangen ngangon ka kakai sapingen gesa angaine e ke elio langane umopolou soulu ke Ida Tapolngon bitna sakam. Ma umodue elio okwa e elio isungon sakam. Ma umangen marau e ongwa ka osep tiger agune e ka ina marau dau dong ine sakam.’

Aposel 15:29

Ma umangen ngangon ka kakai sapi-ngen gesa angaine e ke elio langane umopolou soulu ke Ida Tapolngon bitna sakam. Ma umangen marau e ongwa ka osep tiger agune e ka ina marau dau dong ine sakam. Ma umodue elio okwa e elio isungon sakam. Langka umadar pelengon ane kovok ma umodong itau. Limem pelengon ane yagos.”

Aposel 20:32

“E eknikane ngawai ke umu langane. Ida Tapolngon kis umu dagar e kere umu itau. E ila pelengon ka didi ila makaingan karanga due umu umodong dagar lokono e ma iye lua umu ke ila kerengen langka iye lua osep keniye ka iye rere isak ila osep.

Aposel 26:18

Ngapagei wom ke isak ma lem pelengon due osep ari amtarsak pal ma tibauluk aitno lisak ke urok elio epmes ina e aitno lisak la ke elio itau. E ma tisongon Satan limla e tidong ke Upu Tapolngon limla vala. Ma aitno lisak la dagar ke ngong e ma ngasak urok elio epmes ina la e ma tidong kap osep ka Upu Tapolngon rere isak ila osep itau lokono kodong.’”

Pas ka Pol sogoe uti la ke osep Rom ina 1:29

Osep ari tidue elio bitna bitna ka itau kovok. Aurou. Tidue elio bitna bitna ka elio epmes ina vala. Tingale osep urok wan e tidue elio soulu bitna bitna pulu. Aitno lisak rim ke osep urok wan e tidue burwa ke osep. Isak amnga isak pulu e tiyak osep ma tipi urok wan. E tipaiavu osep e tidue adis.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

1 Korin 1:30

E Ida Tapolngon due umu umeneklep ke Krais Yesus. E Krais tona udo ilengen ka itau batne. Krais due ite itopolou itau e osuk ke Ida Tapolngon bitna. Iye due ite itopolou Ida Tapolngon ila osep ka itau lokono. Deka udo elio epmes ina munu pes ite kovok.

1 Korin 7:2

E dau elio okwa polou pula. Deka langane. Wan ka itau ma gute kene kene due ila asap e ma apmang kene kene due ila boget blang.

2 Korin 12:21

Oglou umodue elio epmes ina langane. Umodue elio soulu kap apmang e umodue okwa e umodue elio soulu ke osep amtarsak. E eknikane aitno lungong kro lama ngapolou ke umu e umu dau umabauluk aitno lumu ke lumu elio soulu kovok. E Ida Tapolngon due ngong mnak ngong ke omtomu e ngakngis omba ke umu pula.

Galesia 5:19

Umeile kodong ke elio ka aitno lumu oglou ina. Elio tonari langane. Okwa e isungon e elio ka soulu lokono.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 4:2

Umeile pelengon ka imawai lumu ine kodong. Pelengon tonari Ida Puda Yesus ila pelengon.

1 Tesalonaika 4:4

Umu kenmu kenmu umodong itau kap lumu sasap e umodue elio itau ka Ida Tapolngon e osep blang aitno lisak itau ine.

1 Tesalonaika 5:18

Umeneklep ke Krais Yesus kodong deka Ida Tapolngon waiki umawai tenkyu ke iye ke wansua ka polou ke umu. Langka isak elio itau koke elio soulu.

1 Tesalonaika 5:23

Ngawaiki Ida Tapolngon ka due aitno lite epen due umu umopolou itau lokono. E ngawaiki iye kere anmu e aitno lumu e pampamu lumu ma umodong itau lokono. E ma elio soulu gesa vri ke umu kovok alo ka Ida Puda Yesus Krais bauluk me.

2 Tesalonaika 2:13

Deka sipmi Ida Puda lana iye ke umu e aling aling imawai tenkyu ke Ida Tapolngon ke umu. Ke oglou Ida Tapolngon rere umu ma iye lua umu ke lumu elio epmes ina e umopolou ila osep ka itau lokono. E Ano Itau due umu umopolou Ida Tapolngon ila osep e aitno lumu la dagar ke pelengon lokono vala.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 12:16

Umeile umu itau lama gute gesa airavu ke umu due elio isungon ina. Koke gute pul dogur ke Ida Tapolngon langka Iso pul dogur ke ila elio ka sirngen ina. Iso pli ila elio ka sirngen ina kesua sapanga due e iye waiki ngen ngangon vala.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.

1 Pita 1:2

Oglou ari Ida Tapolngon ka Pmada ile umu kodong e rere umu ila osep e Ano Itau lua umu ma umodong itau lokono ke Ida Tapolngon bitna. Iye due langane ma umeini Yesus Krais ka ina marau baser e kli lumu elio epmes ina. Ngawaiki Ida Tapolngon ila makaingan e elio ka iye due aitno lumu dong epen bon ke aitno lumu.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Jon 2:17

Mase taklak ane e wan ka pula keniye ka taklak ina ma tipolou yagos. E gute ka didi Ida Tapolngon aitno ma dong vala dong.

Pelengon kukwopngon 21:8

“E osep ka tilim ke wan bitna bitna koke osep ka tisongon aitno lisak ila dagar isak blang kla ke eiou ombatno. E osep ka tidue elio epmes ina bitna bitna ka soulo lokono e osep ka tipagam osep isak blang kla ke eiou ombatno. E osep ka tidue elio isungon e osep muso ina isak blang kla ke eiou ombatno. E osep ka tilotuim sapingen e osep yakngan ina isak blang kla ke eiou ombatno. Eiou ombatno tonari engil lokono e opmu salfa ka eiou ngene dong ine blang. Eiou tonari metengen orwo ina.”

Pelengon kukwopngon 22:15

E osep ka tidue elio isuk isuk ka soulu lokono e osep muso ina e osep ka tidue elio isungon e osep ka tipagam osep e osep ka tilotuim sapingen e osep yakngan ina ka tidue langane aling aling tidong dogur ke armok tonari e tikaranga tisepe kovok.