1 Tesalonaika 4:1 - Aria New Testament

¹ Sipmi. Ma imababrum limem pelengon ane. Oglou imaparere umu ke elio isuk isuk ka umodue ma Ida Tapolngon aitno itau ine. E umedidi elio tonari kodong. E eknikane imawai dagar ke umu ke Ida Puda Yesus angaine ma aling aling umodue elio langane lokono.

1 Tesalonaika 4:1 ပူးပေါင်းရင်းမြစ်များ

Jon 15:2

E Livou blou galou wain palma tonari tetna ka tiusu otna kovok e uri isak la. E galou wain palma tetna ka tiusu otna Livou pi elilo ka sasi ma tetna tonari usu otna pula.

Aposel 20:27

Kesua oglou nga-napapra Ida Tapolngon ila pelengon keniye ke umu e ngabisi ine kovok.

Pas ka Pol sogoe uti la ke osep Rom ina 8:8

Osep ka elio oglou ina pagei isak vala ma Ida Tapolngon aitno itau ke isak kovok.

1 Korin 11:23

Pelengon ka ngakare ke umu ngadue ke Ida Puda vala. Pelengon langane. Ke epmes ka Judas lai Ida Puda ina ine Yesus due bret.

1 Korin 15:1

Sipmi. Ngawaiki ngasruk aitno lumu ke omon itau ka oglou nganapapra ke umu. Alo ari aitno lumu la dagar ke omon itau deka umodong dagar ine.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 10:1

Osep leklou tiwai ke umu langane. “Alo ka Pol dong kap umu langka iye pes iye vala e alo ka iye dong mawa iye wai dagar.” Deka ngawai ke umu ma aitno lumu mter ke Krais ila elio e umoklingen lou pelengon. Krais ila elio langane. Ila elio molil molil e iye due mada ke osep.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

2 Korin 5:9

Aimana lite langane. Lama itodong ke pampamu lite ane koke itosongone itawaiki ma Ida Puda aitno itau ke elio ka itodue.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 6:1

Sipmi. Ngawaiki umeile lang-ane. Langka lumu aten gesa due elio epmes ina deka umu ka umedidi Ano Itau umodue elio itau ke iye e umolua iye ma iye mosi ila elio epmes ina. E umaplau umu itau lama Satan tok umu deka umu blang umegene ke elio epmes ina.

Efesus 4:1

Osep leklou tidue ngong ngadong ke kalabus ane kesua ngaboko ke Ida Puda ila bokongon. E Ida Tapolngon rere umu ila osep umu deka ngawai dagar ke umu langane. Umodue elio itau ka iye waiki umodue ma lumu elio isuk isuk keniye itau.

Efesus 4:20

E alo ka umoklingen ke Krais umoklingen ke elio soulu bitna bitna tonari kovok.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 1:9

Aling aling ngawai itau langane. Ngawaiki elio ka umu lana umu ke osep res polou omba e ngawaiki umeile omur ke wan bitna bitna itau e aitno lumu mter ke wan malak lokono.

Filipai 3:14

E ngong arit ngong ma ngadue wan ka Ida Tapolngon rere ke ngong langka gute ka suong dagar ke resis ma iye due prais. Prais tonari udo mosongon ka dong vala dong ka Ida Tapolngon rere ke ite ke Krais Yesus.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 2:6

Eriar langka aitno lumu la dagar ke Krais Yesus kodong ma iye Upu Puda deka ma umodong ke iye e umelila kap iye.

1 Tesalonaika 3:12

Imawaiki Ida Puda due umu ma umu lana umu pulu e umu lana umu ke osep ka pula keniye. Ma umu lana umu ke osep eriar langka imi lana imi ke umu.

1 Tesalonaika 4:2

Umeile pelengon ka imawai lumu ine kodong. Pelengon tonari Ida Puda Yesus ila pelengon.

1 Tesalonaika 5:12

Sipmi. Imekel umu langane. Umodue anit ke osep ka tiboko kap umu. Ida Puda rere isak ma timgo ke umu e tiparere umu ke Ida Tapolngon ila pelengon.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

2 Tesalonaika 2:1

Sipmi. Eknikane imawaiki imawai ke umu ke taim ka Ida Puda Yesus Krais ma bauluk me e itoduni pulu kap iye e itodong kap iye. Imawaiki umoklingen itau ke pelengon ka imawai ine e umekis dagar ine.

2 Tesalonaika 3:1

Sipmi. Ngababrum lou pele-ngon langane. Ngawaiki umawai itau ke Ida Tapolngon ma iye lua imi. Ma Ida Puda ila omon itau kes lila suong ke omur omur. E osep aitno lisak la dagar ine eriar langka aitno lumu la dagar ine.

2 Tesalonaika 3:13

E sipmi imawaiki aling aling umodue elio itau vala e umodue ropo kovok.

1 Timoti 5:21

Deka Timoti. Ke Ida Tapolngon bitna e ke Krais Yesus bitna e ke Ida Tapolngon ila ensel amtarsak ngawai dagar ke wom langane. Ma omboko dagar ke wan ka ngawai ke wom ine. Ke wan ka pula keniye ka omdue ma omdue elio eriar ke osep ka pula keniye.

2 Timoti 4:1

Mase ma Krais Yesus duru ke taklak blang e plaue e iye ma wade osep ka dau tidong e osep ka timete kodong urok elio. E ngawai dagar ke wom ke iye e Ida Tapolngon amtarsak langane.

Hibru 11:6

E langka aitno lite dagar ke Ida Tapolngon kovok deka itakaranga itodue elio gesa ka Ida Tapolngon aitno itau ine kovok. Kesua gute ka waiki polou olwo boto ke Ida Tapolngon ma aitno dagar ke elio ka Ida Tapolngon dong e iye kar wan itau itau ke osep ka tikrim ke iye e tipado iye.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 13:22

Sipmi. Ngawaiki umo-klingen lou pelengon ka ngasogoe. Kesua ngawaiki ngadue aitno lumu dong dagar e pas ane bolbolo vala.

2 Pita 3:18

Ngawaiki Ida Puda ka Ida Luangan Yesus Krais ila makaingan res polou omba ke aitno lumu e umeile iye itau. Eknikane itakakai angaine tito la egim e mase ma itakakai angaine tito la egim dong vala dong. Lokono.

1 Jon 3:22

E langka itepmi Ida Tapolngon ke wan bitna bitna deka iye koli udo pmingen. Iye due langane kesua iteini ke ila pelengon e itodue elio isuk isuk ka aitno itau ine.