1 Tesalonaika 3:8 - Aria New Testament

⁸ Deka eknikane imeile umodong dagar ke Ida Puda e aitno limi itau e limem mosongon polou itau lokono.

1 Tesalonaika 3:8 ပူးပေါင်းရင်းမြစ်များ

Jon 15:4

Deka umodong kap ngong e ma ngadong kap umu. Langka galou wain tetna dong dagar ke palma ma iye karanga usu otna. E langka galou wain tetna dong dagar ke palma kovok iye karanga usu otna kovok. E eriar langane ke umu blang. Langka umodong dagar ke ngong kovok umakaranga umodue elio itau kovok.”

Jon 15:7

“Langka umodong dagar ke ngong e lou pelengon dong ke aitno lumu umepmi ngong ke wan bitna bitna ka umawaiki umodue e ma wan tonari tipolou langka umepmi ngong ine.

Jon 8:31

E Yesus wai ke osep Yuda ina ka aitno lisak dagar ke iye langane. “Langka umedidi lou parerengen umodong lou disaipel lokono.

Aposel 11:23

Barnabas la polou ke Antiok deka iye vati elio itau ka Ida Tapolngon due ke osep tonari e aitno neser ine. Deka iye wai dagar ke isak langane. “Oklou aling aling aitno lumu dagar lokono ke Ida Puda e aitno lumu kene ke iye e aitno lumu orwo ke iye sakam.”

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

1 Korin 16:13

E ma umaplau umu itau e umodong dagar lokono ke aitno lumu ila dagar ka la ke Ida Tapolngon. Ma umodong dagar e ma umoulou tarna lumu ke wan gesa kovok.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Efesus 3:17

Ngapmi Ida Tapolngon ma Krais dong vala dong ke aitno lumu. Ngapmi Ida Tapolngon ma aitno lumu ila dagar dong dagar ke iye. Ngapmi Ida Tapolngon ma iye lua umu ma umeile omur iye lana iye omba ke umu. Deka umu langka akai ka vri ke taklak e gigitno kis dagar ke taklak.

Filipai 1:21

Aitno lungong langane. Langka ngadong ke mosongon ane ngadong kap Krais e langka ngamete kodong ma ngadue wan ka itau lokono.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 4:1

Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

Kolosi 1:23

E ma umevri dagar ke aitno lumu ila dagar. Lama wan gesa nak umu e umosongon elio ka umapara ke wan itau lokono. Umonogrum umapara ke wan itau lokono alo ka umoklingen omon itau. Osep tinapapra omon itau ke osep ka pula keniye ka tidong ke taklak e ngong Pol ngapolou omon itau tonari ina gute bokongon ina blang.

1 Tesalonaika 3:7

Sipmi. Imeklingen aitno lumu ila dagar dau dong dagar. E elio langane due aitno limi dong itau lokono ke elio soulu bitna bitna ka opru imi.

Hibru 10:23

E itapalongo osep ke aitno lite ila dagar e ke wan itau lokono ka itapara ine. Deka itekis dagar ine e aitno lite orwo ine kovok. Kesua iteile Ida Tapolngon didi ila pelengon keniye ka iye wai ine kodong.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

Hibru 4:14

Ida Tapolngon Otno Arang Yesus iye udo gute loulou ina ka mgo e iye dong ke omur heven. Deka ite ma itodong dagar ke aitno lite ila dagar.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

2 Pita 3:17

Sipmi. Ngong lana ngong ke umu e ngawai langane. Umeile elio tonari kodong deka umaplau umu itau lama umedidi osep ka tidar Ida Tapolngon ila pelengon e tipagolgol aitno lumu ke urok pelengon yakngan. E lama umodong dagar ke aitno lumu ila dagar kovok.

Pelengon kukwopngon 3:11

Ma ngame suong ke umu. Deka umekis dagar ke aitno lumu ila dagar lama gute gesa pi upu prais.’”

Pelengon kukwopngon 3:3

Omtomu sisir pelengon ka oglou umoklingen ine e umekise dagar. E umedidie itau e umabauluk aitno lumu ke lumu elio epmes ina. Langka umakaranga umetipa e umetito kovok ma ngame ke umu suong langka gute panakongon ina me suong. E umakaranga umeile alo ka ma ngame kovok.