1 Tesalonaika 3:4 - Aria New Testament

⁴ Alo ka imi dau imodong kap umu imawai ke umu langane. Ma osep tidue agegeng bitna bitna ke ite. E umeile elio langane polou kodong.

1 Tesalonaika 3:4 ပူးပေါင်းရင်းမြစ်များ

Matyu 24:25

Umoklingen. Ngawai ke umu oku ane ke wan ka ma polou.

Aposel 17:1

Pol orwo Sailas isak kla ke armok Amfipolis e armok Apolonia. E mase tipolou ke armok Tesalonaika ka osep Yuda ina urok duningen ina ninu gesa dong ine e tidong ke armok tonari.

Aposel 17:13

Osep Yuda ina ka tidong ke Tesalonaika tiklingen omon Pol napapra Ida Tapolngon ila pelengon ke osep ka tidong ke Beria blang. Deka tisongon Tesalonaika e kla ke Beria e ari tisruk osep matamur aitno lisak e aitno lisak tipolou soulu ke Pol orwo Sailas.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

1 Tesalonaika 2:14

Sipmi. Agegeng polou ke umu eriar langka polou ke Ida Tapolngon ila osep ka tineklep ke Yesus Krais ka tidong ke omur Judia. Lumu osua tidue agegeng ke umu langka osep Yuda ina tidue ke Ida Tapolngon ila osep ka tidong ke omur Judia.

1 Tesalonaika 2:2

Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.

2 Tesalonaika 2:5

Oglou alo ka ngadong kap umu ngawai ke umu ke wan tonari. Lange? Omtomu uli ine kodong i?

2 Tesalonaika 3:10

Alo ka imodong kap umu imakar pelengon langane ke umu. Langka gute gesa waiki boko kovok ma iye karanga ngen kovok.