Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Tesalonaika 2:9 - Aria New Testament

9 Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

အခန်းကိုကြည့်ပါ။ ကော်ပီ




1 Tesalonaika 2:9
35 ပူးပေါင်းရင်းမြစ်များ  

Aitno lumu lange? Ma Ida Tapolngon lua e kere osep ka iye rere isak ila osep alo ka tiwai itau ke iye ke oklou e epmes koke aurou? Ma iye dong tauni deka lua isak koke aurou?


Deka ila boget mete e Ana dong asap batne la lama alo ka ina tobor polou 84. E aling aling iye dong ke Ida Tapolngon ila ninu e songone kovok. Iye pli ina ngangon ma aitno la ke Ida Tapolngon e wai itau ke iye e lotuim iye ke oklou e epmes.


Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.


Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”


E eknikane umeile umu itau lokono lama elio soulu polou ke umu. Umoklingen. Ngakar pelengon dagar ke umu oklou aling aling iding ke tobor eklu e aitno lungong vri ke umu e ngakngis ke umu.”


Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.


Ma ngadong langka Krais Yesus ila gute bokongon ina gesa e ngaboko ke osep ka isak osep Yuda ina kovok. Ke bokongon tonari ka ngadue nganapapra Ida Tapolngon ila omon itau ke isak. Ngadong langka gute loulou ina gesa e ma ngapaur omon itau ke osep ka isak osep Yuda ina kovok. Ma tipolou langka Ida Tapolngon ila osep ka itau ka aitno itau ke isak. Deka Ida Tapolngon Ano Itau due isak tipolou langka Ida Tapolngon ila osep ka itau lokono.


E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.


E imoboko engil lokono ke lipmi va e bokongon opru imi. Osep tiwai soulu ke imi e imepmi Ida Tapolngon ma iye kere isak. Tidue elio soulu ke imi e imawai ine kovok e imodong vala.


E ngakaranga ngadue elio langane. E dau ngadue kovok. E eknikane blang ngasogo pas ane ma ngadue wan ke umu kovok. Aurou. Ngawaiki ngamete paide lama ngadue langane. Lama osep tipi lou elio ka ngakaranga ngawai langane batne.


E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.


Imi aposel imakaranga imodue ipem ngangon e ipem aki langka ipem klingen ke limem bokongon koke aurou?


Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.


E silang blang alo ka ngadong kap umu e lou wan isuk boto vala ngapang ke umu kovok. Aurou. Sipmi ka time ke provins Masedonia tilua ngong ke wan bitna bitna. Oglou ngawaiki lou bokongon pes umu kovok e eknikane blang ngawaiki lou bokongon pes umu kovok.


E silang blang imodong dagar lokono alo ka osep timluk imi e alo ka tidue imi imesep ke kalabus. Osep leklou aitno lisak soulu ke imi e tisruk osep aitno lisak ma tiwaiki tipaiavu imi. E imoboko engil lokono e imakaranga imomunu kudung itau kovok e sapanga due imi.


Deka alo ka ngadong ke armok Tesalonaika e lou mani isuk boto umapagei mani ke ngong aling orwo eklu langare.


Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.


Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.


E alo ka imoboko imawaiki umu koke osep leklou umakakai angainmi ine kovok. Aurou.


Aling aling ke oklou e epmes imepmi Ida Tapolngon ma imakaranga imavati umu blang. Imawaiki imavati umu ma imakaranga imapalongo lumu ke pelengon bitna bitna ka dau umeile omur ine kovok.


Pelengon lokono tonari Ida Tapolngon ila omon itau ka iye kare ke ngong ma nganapapra ine. Omon itau tonari me ke Ida Tapolngon ka ila elio keniye itau itau. Deka omon tonari itau itau blang.


Ida Tapolngon dong vala dong e iye waiki lua osep ka pula keniye e dau iye karanga lua osep ka aitno lisak dagar ke iye vala. Aitno lite dagar lokono ke iye e itapara ma iye due elio itau ke ite. Deka aling aling ma itoboko engil ke ila bokongon.


Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.


Oglou lou seia tidue Ida Tapolngon ila bokongon e urok bokongon itau e osuk ke bitna e wan gesa vri ke isak ine kovok. E eknikane ngong blang langane. Aling aling aitno lungong itau ke wan ka Ida Tapolngon due e ke oklou e epmes ngawai itau ke Ida Tapolngon ke wom e omtongu sisir wom.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ