1 Tesalonaika 2:8 - Aria New Testament

⁸ Imi lana imi omba ke umu deka imawaiki imanapapra Ida Tapolngon ila omon itau ke umu. E silang blang langka osep tiwaiki tidue agegeng ke imi aitno limi kro ine kovok. Kesua aitno limi itau lokono ke umu.

1 Tesalonaika 2:8 ပူးပေါင်းရင်းမြစ်များ

Luk 7:2

E gute ola ina ka plau osep ola ina buno kene dong ke armok tonari e ila gute bokongon ina paia e isuk boto iye mete. E gute tonari aitno omba ke ila gute bokongon ina.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 10:1

Sipmi. Ke aitno lungong ngawaiki Ida Tapolngon lua lou osua ka osep Israel ina ke urok elio epmes ina. Deka ngapmi Ida Tapolngon ine ma iye lua isak.

Pas ka Pol sogoe uti la ke osep Rom ina 15:29

E alo ka ngauti ke umu ma ngalua umu ke kerengen ka Krais lua ngong ine.

2 Korin 12:15

E aitno lungong neser ma ngakar lou wan keniye ke umu e ngakar ngong blang ke umu ma ngalua umu ine. Ngong lana ngong omba ke umu. E lange? Ma umu lana umu sasi boto ke ngong i?

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 4:19

Dirgu. Eknikane blang nganamani omba lokono langka apmang ka namani mimi ngen iye. Umu Ida Tapolngon titno kodong e dau ngawaiki umopolou eriar langka Krais.

Filipai 1:8

Ida Tapolngon ile ngawaiki ngavati umu lokono e ngong lana ngong omba ke umu langka Krais Yesus lana iye ke umu.

Filipai 2:17

Aitno lumu ila dagar iye langka elio opmu ina ka umodue ke Ida Tapolngon. E langka osep timluk ngong ngamete e ngau marau baser langka oglou osep tibaser aki wain ke wan ka tidue elio opmu ina ine are wan gesa kovok. Ma aitno lungong neser e ngawaiki aitno lumu neser ine blang.

Filipai 2:20

Kesua gute gesa dong kap ngong ka dong langka Timoti kovok. Timoti aitno kene kap ngong e iye waiki kere umu langka ngawaiki ngakere umu.

Filipai 4:1

Sipmi. Ngong lana ngong ke umu e ngawaiki ngavati umu kesua aitno lumu la dagar ke Yesus batne ke lou bokongon. Alo ka aitno lungong mter ke umu aitno lungong itau ke umu e aitno lungong neser ke umu. Sipmi. Ngawaiki umevri dagar ke Ida Puda vala.

Kolosi 1:28

E imanapapra Krais ila omon itau ke osep keniye. E imedidi ilengen ka itau e imeile omur imawai osuk ke isak e imaparere isak kesua imawaiki ma tineklep ke Krais e tipolou osep ngongle ke aitno lisak ila dagar.

Kolosi 1:7

Gute Epafras iye napapra omon itau ke umu e umeile ine. Epafras iye Krais ila gute bokongon ina ka itau e iye due bokongon eriar langka imi e imi lana imi ke iye lokono. Iye lua umu e due Krais ila bokongon itau.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

Filemon 1:1

Ngong Pol e ngadong ke kalabus ane kesua batne ngaboko ke Krais Yesus ila bokongon. Ngong imorwo Timoti imosogo pas ane uti ke wom Filemon. Wom limem aten lokono e omdue bokongon eriar langka imi.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

1 Jon 3:16

Yesus lana iye ke ite e pli tarna deka mete ma lua ite. E ila elio tonari nis ite ke elio ka ma ite lana ite ke sudo. Ma itepli tarna lite ma itolua osep leklou.