1 Tesalonaika 2:2 - Aria New Testament

² Umeile alo ka imeme ke umu dau kovok imodong ke Filipai. E are osep tidue agegeng ke imi e tiwai soulu ke imi. E alo ka imeme ke umu osep pula tiwaiki tidangdang imi ma imanapapra Ida Tapolngon ila omon itau ke umu kovok. E dau Ida Tapolngon due aitno limi dagar lokono e imevri dagar e imanapapra omon itau ke umu.

1 Tesalonaika 2:2 ပူးပေါင်းရင်းမြစ်များ

Aposel 14:3

­Pol orwo Barnabas tidong tauni ke Aikoniam e tiwai dagar pula ke osep ari. Alo ari Ida Puda lua isak ke ila arit deka tilua osep pula ke elio arit ina. Deka osep pula tivati elio arit ina tonari e tile omur ine e tiwai langane. “Urok pelengon ka la ke Ida Tapolngon ila makaingan pelengon lokono.”

Aposel 14:5

Deka osep Yuda ina e osep leklou blang ka isak osep Yuda ina kovok tigosok urok ngongle tiwaiki tidue asmel ke Pol e Barnabas. Tiwaiki tidue opmu ma timluk isak ine.

Aposel 16:12

Imopolou ke Neapolis deka imosongon sip. E imasala armok tonari e imala imedidi ekreng e imopolou ke armok Filipai ka osep Rom ina tiplaue. Ari Filipai mgo ke armok keniye ka tidong ke provins Masedonia. E imodong ine oklou leklou.

Aposel 16:19

E alo ka apmang tonari ina puda tivati elio ane tile omur ma tikaranga tidue mani batne ke apmang tonari blang kovok. Deka tikis Pol e Sailas dagar e tidadai isak tipolou ke osep ka tiplau armok amtarsak ka tidong ke duningen ina omur ke armok.

Aposel 16:37

Deka Pol koli osep polis-man urok pelengon e wai ke isak langane. “Narep osep timluk imi ke osep pula amtarsak lama tiklingen limem pelengon kovok. E tidue imi imesep ke kalabus. Imi ane osep Rom ina e eknikane osep ka tidue agegeng ke imi tiwaiki tibisi urok elio e tiwaiki imala vala. Umo-klingen. Umawai ke isak ma isak tona time e tidue imi deka tipaur imi imala.”

Aposel 17:1

Pol orwo Sailas isak kla ke armok Amfipolis e armok Apolonia. E mase tipolou ke armok Tesalonaika ka osep Yuda ina urok duningen ina ninu gesa dong ine e tidong ke armok tonari.

Aposel 17:17

E Pol la sep ke osep Yuda ina urok duningen ina ninu deka iye gosok osep Yuda ina e osep Grik ina ka tidue anit ke Ida Tapolngon tiwai pulu ke Ida Tapolngon ila pelengon. Ari ke oklou pula iye la polou ke omur ka osep tiduni pulu ine e iye gosok osep ka tidong ine tiwai pulu ke Ida Tapolngon ila pelengon.

Aposel 19:8

Ari Pol la sep ke osep Yuda ina urok duningen ina ninu e napapra ke isak dagar ke Ida Tapolngon ila pelengon e ulou tarna kovok. Iye due elio langane iding ke taiko eklu. Ari iye waiki sruk aitno lisak ke elio ka Ida Tapolngon plau osep.

Aposel 4:13

Osep kaunsil ina tiklingen urok kolingen e aitno lisak mter tidue skul kovok. Deka tidigrik ine e tile omur isak orwo tiulou tarna lisak kovok. Deka aitno lisak mter oglou tidong kap Yesus.

Aposel 4:20

Umoklingen. Ma imodong vala kovok kesua batne oglou imavati Yesus ila elio bitna bitna e imeklingen ila pelengon. E eknikane imanapapra ine.”

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

2 Korin 3:12

Aitno limi dagar e imapara ke elio oku ina ka Ano Itau due polou deka imanapapra ine e imoulou tarna limi kovok.

Kolosi 2:1

Ngawaiki ma umeile langane. Ngaboko engil lokono ma ngalua umu kap osep ka tidong ke sios ke armok Laodisia e osep leklou blang ka tivati ngong dau kovok.

1 Tesalonaika 1:5

Omon itau ka imanapapra ine ke umu polou ke umu langka pelengon adai vala kovok. Aurou. Ano Itau sruk aitno limi deka imanapapra ke ila arit. E aitno limi dagar langka omon tonari iye pelengon lokono. E umeile elio ka imodue ka lua umu alo ka imodong kap umu.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

Pas ka Jut sogoe 1:3

Sipmi ka ngong lana ngong ke umu. Ke mgongon aitno lungong mter langka ngasogo pas ke umu ka wai ke elio ka Ida Tapolngon lua ite ke udo elio epmes ina. E eknikane aitno lungong mter ma ngasogo pelengon silang ke umu ka langane. Ida Tapolngon kar ila pelengon ke ite ka ila osep deka aitno lite la dagar ine deka ngawaiki umoboko engil ma aitno lumu ila dagar dong dagar. E ngawaiki umopul dogur ke osep ka tiwai pelengon leklou ke umu. Kesua Ida Tapolngon kar ila pelengon ke ite aling kene e ila pelengon segesege kovok.