1 Tesalonaika 1:3 - Aria New Testament

³ Aitno limi langane. Imawai itau ke Ida Tapolngon ka Pmada kesua aitno lumu ila dagar sruk aitno lumu deka umodue elio itau. E umu lana umu ke osep ka pula keniye deka umoboko dagar ma umolua osep. E umapara ke Ida Puda Yesus Krais ma iye iding me.

1 Tesalonaika 1:3 ပူးပေါင်းရင်းမြစ်များ

Jon 14:15

“Langka umu lana umu ke ngong ma umeini lou pelengon.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Aposel 10:31

Iye polou ke omtongu deka iye wai ke ngong langane. ‘Kornilius oglou amwai itau ke Ngap Tapolngon. Iye klingen lem pele-ngon kodong e bitna sisir ke lem elio itau ka oglou omlua osep ka urok wan isuk boto vala.

Aposel 3:19

Eknikane umabauluk aitno lumu ke lumu elio epmes ina e aitno lumu la dagar ke Yesus. Langka aitno lumu la dagar ke Yesus ma Ida Tapolngon sak lumu elio epmes ina la. Deka ma tivri ke umu kovok.

Pas ka Pol sogoe uti la ke osep Rom ina 12:12

Umapara ke Ida Puda ma iye lua umu ke wan bitna bitna e ma aitno lumu itau lokono ine. E langka elio soulu polou ke umu ma umevri dagar ine. E aling aling ma umawai itau ke Ida Tapolngon.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

Pas ka Pol sogoe uti la ke osep Rom ina 15:4

Pelengon ka pula keniye ka oglou osep tisogoe ke Ida Tapolngon ila pelengon tisogoe ma pelengon tonari parere ite. Pelengon ma due aitno lite dagar e ma due ite itevri dagar e itapara ke alo ka Ida Tapolngon ma due ite.

Pas ka Pol sogoe uti la ke osep Rom ina 16:26

Eknikane Ida Tapolngon ka ila poloungon kovok ila omon itau dong kap ite e iteile ine. Iteile ine kesua osep napaprangan ina tisogo ine deka urok sogongon tonari dong ke ite. Ida Tapolngon due aitno lisak deka tisogo ine ma osep ka pula keniye ka tidong ke omur ka pula keniye talsak klingen ine e aitno lisak karanga la dagar ine.

Pas ka Pol sogoe uti la ke osep Rom ina 16:6

Umawai “oklou itau” ke apmang Maria. Iye due bokongon omba lokono ka lua umu.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

1 Korin 15:58

E langane. Sipmi. Ma umo-dong dagar ke Ida Tapolngon ila elio e aitno lumu orwo ine sakam. Umodong umoboko dagar ke Ida Puda ila bokongon vala. Kesua Ida Puda ila bokongon ka umodue ma la adai kovok. Aurou. Ma dong vala kesua bokongon tonari Ida Puda ila bokongon.

2 Korin 2:17

Osep pula leklou tiboko langka Ida Tapolngon ila pelengon iye wan ka tidue burong ine. E imi langka isak kovok. Aurou. Ida Tapolngon rere imi ila osep bokongon ina e imawai pelengon lokono ke Krais angaine e imawai ke Ida Tapolngon bitna.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Galesia 6:9

Deka ite ma itodue elio itau e tarna lite meingen ine kovok. Langka itoboko engil deka alo ka ngangon anino ma itodue ngangon itau lokono.

1 Tesalonaika 3:6

Io Timoti vati umu kodong deka songon umu e bauluk ke imi. E iye wai ke lumu elio. Iye wai aitno lumu dong dagar e umu lana umu ke osep. Iye wai aling aling omtomu sisir ke imi e aitno lumu itau ke imi. E umawaiki umavati imi eriar langka imi blang imawaiki imavati umu. Deka omon tonari due aitno limi itau.

2 Tesalonaika 1:11

Aitno lumu la dagar ke Ida Tapolngon e aling aling imawai itau ke Ida Tapolngon ke umu. Imepmi iye ma iye due umu umakaranga umodue elio itau ka iye waiki umodue. Imawaiki iye lua umu ke ila arit ma umakaranga umodue elio itau keniye ka umawaiki umodue. Umawaiki umodue elio itau kesua aitno lumu la dagar ke Ida Tapolngon.

2 Tesalonaika 1:3

Sipmi. Aling aling imawai tenkyu ke Ida Tapolngon e iye sruk aitno limi ma imawai itau ke umu. E elio ane ka itodue iye elio itau. Kesua aitno lumu ila dagar polou dagar lokono e umu lana umu pulu deka aling aling elio langane res polou omba lokono. E Ida Tapolngon waiki itodue elio langane. E ma imakakai Ida Tapolngon angaine tito la egim ine.

1 Timoti 1:14

E Ida Puda Krais Yesus makai ngong omba lokono. E iye sruk aitno lungong ma aitno lungong dagar ke iye. E iye due aitno lungong la ke osep leklou blang.

1 Timoti 2:3

Pmingen ka langane itau lokono ke Ida Tapolngon ka iye Ida Luangan blang bitna e aitno itau ine.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 11:17

Ke oglou Ida Tapolngon wai dagar ke Abraham langane. “Lem napakngan ma tipolou pula pula lokono batne ke etim arang Aisak.” Ida Tapolngon wai dagar ke Abraham langane e mase iye tok Abraham e wai ke iye langane. “Omdue elio opmu ina ke etim arang Aisak.” Abraham aitno dagar ke Ida Tapolngon e iye redi ma iye due elio opmu ina ke Aisak.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Hibru 4:11

Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.

Hibru 6:15

E Abraham dong para e kerker kovok e ile mase ma iye due wan ka Ida Tapolngon wai promis ine.

1 Pita 3:4

E ngawaiki umodue elio langka umabares aitno lumu vala. Umodong molil molil e aitno lumu epen vala. Umodue elio langane deka Ida Tapolngon vati umu langka umabares ke baresngen ka itau ka dong vala dong.

1 Jon 3:18

Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.

1 Jon 3:21

Sipmi ka ngong lana ngong ke umu. Langka aitno lite mulu ite kovok deka itakaranga itodong ke Ida Tapolngon bitna e itelim kovok.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.

1 Jon 5:3

Langka ite lana ite ke Ida Tapolngon ma iteini ila pelengon dagar. E ila pelengon dagar opru ite kovok.

Pelengon kukwopngon 2:19

‘Ngaile wan bitna bitna keniye ka umodue kodong. E ngaile umu lana umu ke osep ka pula keniye e aitno lumu dagar ke ngong e umodue bokongon langka umolua osep leklou. Ngaile umevri dagar lokono ke elio ka polou ka opru umu. Oglou umodue elio itau. Deka eknikane lumu elio itau res polou pula.’”

Pelengon kukwopngon 3:10

Umedidi lou pelengon itau kodong e umevri dagar ke elio ka tipolou ka opru umu. Deka ma ngaplau umu itau ke taim ka tokngon polou ke osep ka pula keniye ke taklak e tinamani elio soulu.