1 Pita 5:9 - Aria New Testament

⁹ Umevri dagar ke aitno lumu ila dagar e umopul Satan ila tokngon. Kesua umeile omur supmu ke omur ka pula keniye tinamani agegeng eriar langka umanamani agegeng.

1 Pita 5:9 ပူးပေါင်းရင်းမြစ်များ

Luk 22:32

E ngawai itau ke Ida Tapolngon ke wom ma aitno lugom ila dagar dong dagar. E alo ka ambauluk e emiding ke ngong ngawaiki omdue lem osua aitno lisak ila dagar tidong dagar lokono.”

Jon 16:33

Ngawai pelengon ane ke umu ma aitno lumu karanga tidong epen batne ke ngong. Ke taklak ane ma umanamani elio soulu e dau aitno lumu tidong dagar kesua ngamole osep ka pula keniye ka tidong ke taklak.”

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

1 Korin 10:13

E langane. Tokngon bitna bitna ka tipolou ke umu ane isak eriar langka tokngon bitna bitna ka tipolou ke osep ka pula keniye. E Ida Tapolngon didi ila elio itau e songon tokngon gesa ma polou ke umu kovok ka umakaranga ine kovok. Langka tokngon gesa polou ke umu ma Ida Tapolngon mosi ekreng e lua umu ma umepren ke tokngon tonari e ma iye due umu umakaranga umevri dagar ine.

Efesus 4:27

Umeile umu itau lama umoklok ekreng bitna ke Satan ma iye tok umu.

Efesus 6:16

E gute ola ina kalke osua ma iye dangdang ola ka ina oul urie la ine. E ke umu lumu osua aitno lumu ila dagar ka la dagar ke Ida Tapolngon. Deka umekis dagar ke aitno lumu ila dagar. Kesua ma dangdang Satan ila ola ka tinevlikvlik ka iye uri isak ke umu.

Kolosi 2:5

Pampamu lungong dong kap umu kovok e dau ke aitno lungong ane langka ngadong kap umu. E aitno lungong itau ma ngavati umu umevri dagar e aitno lumu dagar lokono ke Krais.

1 Tesalonaika 3:3

Lama elio ka osep tidue agegeng ke umu due aitno lumu kro ine. Umeile Ida Tapolngon rere ite ma itanamani elio soulu langane.

1 Timoti 6:12

Gute ka aitno dagar ke Krais iye langka gute ka due resis. Deka omsuong engil ma ommole resis e omdue lem mosongon ka dong vala dong. Omdue mosongon tonari kodong alo ka emvri e ampalongo ke osep pula amtarsak langane. “Aitno lungong dagar ke Krais.”

2 Timoti 3:12

Pelengon ane lokono. Osep ka tineklep ke Krais Yesus e tiwaiki tididi Ida Tapolngon ila elio keniye ma osep tidue agegeng ke isak.

2 Timoti 4:7

Ngaboko dagar ke Ida Tapolngon ila bokongon e ngong langka gute ka arit iye ma iye suong ke resis e isuk boto lou resis yagos. E aitno lungong ila dagar dau dong dagar.

Hibru 11:33

Aitno lisak dagar ke Ida Tapolngon e tidue elio langane. Tidue evlei ke osep ola ina leklou e timole isak. E tidue elio ka itau e osuk ke osep pula. E tikis wan ka Ida Tapolngon wai dagar ma iye kare ke isak. E alo ka osep tiuri isak ke laion deka Ida Tapolngon dangdang laion orsak.

Hibru 12:8

Ida Tapolngon mosi titno ka pula keniye. E langka iye mosi umu kovok deka umu titno kovok e umu somolong vala.

Jems 4:7

Deka umu kenmu kenmu umeini Ida Tapolngon vala. E umopul dogur ke Satan ila tokngon e ma iye ulou ke umu.

1 Pita 1:6

Oklou aling aling aitno lumu neser ke elio tonari vala. Lama oku ane tokngon bitna bitna polou ke umu e aitno lumu kro ine isuk boto vala.

1 Pita 2:21

Ke oglou Krais namani agegeng ka osep tidue ke iye ma iye lua umu. E Ida Tapolngon rere umu ma umakana Krais ila elio itau tonari.

1 Pita 3:14

E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 6:11

Deka osep ke omur heven tikar molo alang ka okou ke osep tonari isak kensak kensak. E tiwai ke isak langane. “Umu ma umomtong boto gesa da. La lama osep timluk osep leklou ka tiboko eriar langka oglou umoboko ine blang. Kesua Ida Tapolngon iye rere osep sesue ka ma osep timluk isak ma timete.”

Pelengon kukwopngon 7:14

E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.