1 Pita 5:8 - Aria New Testament

⁸ Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

1 Pita 5:8 ပူးပေါင်းရင်းမြစ်များ

Matyu 13:39

E oul ka me ser londo sasi iye Satan e alo ka osep tipi wan iye alo ka taklak yagos. E osep ka tipi wan itau isak Ida Tapolngon ila ensel.

Matyu 24:42

Io umaplau umu itau kesua umeile oklou ka Upu Puda ma iding me kovok.

Matyu 25:41

“Deka iye ma wai ke osep ka tidong ke galna gala langane. ‘Umu ka Ida Tapolngon mulu umu umosongon ngong e umala ke eiou ka dong vala dong ka Ida Tapolngon rere ke Satan e ila angelo soulu.

Matyu 4:1

E Ano Itau mgo ke Yesus ke omur ka dong adai vala ma Satan tok iye.

Matyu 4:11

Deka Satan songon iye e ensel me tilua iye ke ngangon e langane.

Mak 4:15

Osep leklou tidong langka wit londo ka tiduru timunu ke ekreng. Osep ka langane tiklingen pelengon tonari e lokono Satan paiavu aitno lisak deka tile lana ine kovok.

Luk 21:34

“E umaplau umu itau lama aitno lumu bon ke wan bitna bitna e umodue elio kepisngen ina e umeinim aki dagar ma omtomu balilu e aitno lumu mter pula ke wan ka taklak ina vala. Kesua oklou tonari ma suong polou ke umu alo ka aitno lumu mter ine kovok langka aure due ongwa suong.

Luk 21:36

E aling aling umodong umaplau umu itau e umawai itau ke Ida Tapolngon ma lumu arit dong ma umakaranga umepren ke elio bitna bitna ka ma tipolou. E ma umevri ke Gute Ka Polou Langka Osep bitna.”

Luk 22:31

E Yesus wai blang langane. “Saimon emklingen. Satan pmi Ida Tapolngon ma iye karanga tok aitno lumu ila dagar langka gute uri wit otna ke egim ma engen ipu wit tarna la. E Ida Tapolngon songon iye ma iye due.

Jon 8:44

Umopolou ke pmomu Satan e umawaiki umedidi pmomu aitno vala. Ke oglou lila me ke eknikane ila aiding iye gute ka due burwa e iye kis pelengon lokono kovok kesua pelengon lokono dong ke iye kovok. Alo ka iye wai pelengon yakngan iye didi ila aiding vala kesua iye gute yakngan ina e iye pelengon yakngan batne.

2 Korin 2:11

Ngadue langane lama Satan karanga yak ite e mole ite. Kesua iteile omur ke Satan aitno e ke ila elio bitna bitna ka iye waiki due.

Efesus 4:27

Umeile umu itau lama umoklok ekreng bitna ke Satan ma iye tok umu.

Efesus 6:11

E umekere umu itau eriar langka osep ola ina tikere isak itau. Osep ka tidue ola titnei klos pait ka osep ola ina urok klos pait. Deka umu ka Yesus ila osep umekere umu itau ma umadangdang Satan ila elio yakngan ina bitna bitna ke umu ma umodong dagar vala.

1 Timoti 2:15

E langane. Langka apmang aitno lisak dagar ke Krais aling aling e tikar aitno lisak ke iye ma tidong itau. E tididi elio itau langka isak lana isak ke osep leklou e tiplau isak itau. Deka ma Ida Tapolngon lua isak alo ka tidivir mimi.

1 Timoti 2:9

Pelengon silang blang lang-ane. Ngawaiki ma apmang titnei klos ka itau ka karanga ke isak vala. E ma tipol aparsak e tibares ke baresngen bitna bitna kovok. E titnei klos ka ina klingen omba kovok e tibares ke opmu gol kovok. Ngawaiki aitno lisak la ke urok klos e urok baresngen aling pula kovok.

1 Timoti 3:11

Gute tonari esna blang ma aitno mter ke elio itau ma iye due. E iye due adis e kopuk gute silang dogurne kovok. Iye inim aki dagar ma bitna balilu kovok e boko itau ke wan keniye ka iye due.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Taitus 2:2

Amparere osep arang ka namormor ma tinim aki dagar ma amtarsak balilu kovok. Ma tile isak itau e tididi elio itau vala. E tivri dagar ke aitno lisak ila dagar e ke elio ka isak lana isak ke osep ka pula keniye. E langka wan gesa polou ka opru isak ma tivri dagar ine.

Taitus 2:4

Tiparere apmang pasinga oku ina ma aitno lisak la ke sasarak e titorok blang.

Taitus 2:6

E amwai ke osep ka auram aitno ma isak blang tiplau isak itau vala.

Jems 4:7

Deka umu kenmu kenmu umeini Ida Tapolngon vala. E umopul dogur ke Satan ila tokngon e ma iye ulou ke umu.

1 Pita 1:13

Ke batne langane ngawaiki umekere aitno lumu ma aitno lumu mter ke elio isuk isuk ka umodue e umaplau umu itau. Umu arit umu ma umapara ke kerengen ma umodue alo ka Yesus Krais me polou malak.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

Pelengon kukwopngon 12:10

Deka ke omur heven nga-klingen gute kreine wai omba langane. “Eknikane Ida Tapolngon lua ite e ila arit polou malak e iye dong plau osep ka pula keniye. E gute ka ila Krais ka oglou iye rere ma iye me lua osep ke urok elio epmes ina polou malak blang. Deka tisapir gute ka sin elio vri ke Ida Tapolngon ila osep ke Ida Tapolngon bitna ke oklou e epmes ke omur heven e tiuri iye duru ke taklak.

Pelengon kukwopngon 12:12

Deka omur heven e umu ka umodong ine umodue sandirngen omba ke elio tonari. E umu ka umodong ke taklak e ke misuon umekepes umu itau. Kesua Satan duru ke umu e aitno engil lokono kesua iye ile isuk boto ma taim ka iye karanga yak osep ma polou yagos.”

Pelengon kukwopngon 12:9

Deka Maikel isak tisapir mota isak ke omur heven. E mota ina sirngen orwo. Sirngen kene Satan e sirngen silang Gute Ka Sin Elio Vri Ke Osep. Iye yak osep ka pula keniye e due isak tidue elio epmes ina. Maikel kap ila ensel tiuri mota kap ila angelo soulu tiduru ke taklak.

Pelengon kukwopngon 20:10

Deka Ida Tapolngon uri Satan ka yak osep la ke eiou ombatno ka opmu salfa ka eiou ngene dong ine blang. Ongwa kevena kene ina kap gute napaprangan yakngan ina tidong ke eiou ombatno tonari blang e tarna lisak doro doro e ma tingangir ke oklou e epmes dong vala dong.

Pelengon kukwopngon 20:2

Deka iye kis mota ka ombatno dagar. Mota tonari ka iye dong ke oglou oglou lokono. Iye angaine Satan e angaine silang Gute Ka Sin Elio Vri Ke Osep. Deka ensel pou iye ke sen omba la lama iding ke tobor 1,000 mela yagos.