1 Pita 5:5 - Aria New Testament

⁵ Umu auram aitno umeini osep ngongle urok pelengon. Umu ka pula keniye umepes umu kenmu kenmu langka umeini umu pulu. Ida Tapolngon ila pelengon wai langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

1 Pita 5:5 ပူးပေါင်းရင်းမြစ်များ

Luk 22:26

E umodue elio langane sakam. Gute ka omba ke umu ma iye dong langka ina tobor awal boto e gute ka mgo ma iye dong langka gute bokongon ina.

Pas ka Pol sogoe uti la ke osep Rom ina 12:10

Ma umu lana umu lokono ke osep ka Ida Tapolngon ila osep kesua lumu osua kene vala. E umakakai supmu angainsak e umodue anit pulu.

Pas ka Pol sogoe uti la ke osep Rom ina 13:14

Eknikane iteneklep ke Ida Puda Yesus Krais e itakana ila elio. E aitno lumu mter ke elio soulu ka pampamu lumu waiki due kovok.

Efesus 5:21

Umu kenmu kenmu ume-didi aitno lumu ke lumu elio bitna bitna kovok. Aurou. Umodue anit ke Yesus ila osep keniye e umodue elio ka itau vala ma isak keniye aitno lisak itau ine. Umodue elio langane kesua umodue anit ke Krais.

Filipai 2:3

Umu kenmu kenmu aitno lumu mter ke umu tona vala e umawaiki umakakai angainmu kovok. Aurou. Umodong moli ke osep leklou e aitno lumu mter langka urok elio mole lumu elio.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

1 Timoti 5:1

Langka gute namor due elio soulu amwai pelengon amnga ke iye kovok. Aurou. E ommosi iye ke pelengon molil molil vala e omdue anit ke iye langka iye ngap abo. E omdue elio itau ke osep arang ka isak dau auram langka omdue ke ngap saiver e ngap titovro.

Hibru 13:17

Umodong moli ke osep ka tiplau umu e umeini urok pelengon. Kesua tidue urok bokongon ka tiplau umu e mase ma tiwai ke Ida Tapolngon ke wan ka tidue. Umeini isak ma aitno lisak itau ke urok bokongon e bokongon tonari opru isak kovok. Kesua langka urok bokongon opru isak elio are ma lua umu kovok.

Jems 4:6

Ida Tapolngon makai ite ke ila makaingan ka ombatno. E ila pelengon wai blang langane. “Ida Tapolngon aitno itau ke osep ka tikakai isak tona angainsak kovok e iye makai osep ka tipes angainsak.”

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.

1 Pita 4:1

Oglou Krais polou langka itosep e namani elio soulu ka osep tidue ke iye. Deka ngawaiki umu arit umu e aitno lumu mter langane blang kesua alo ka umanamani agegeng ke osep umawaiki umodue elio epmes ina kovok.

1 Pita 4:5

Mase ma Ida Tapolngon wade osep tonari ke elio soulu ka tidue. Ma iye wade osep ka timete kodong e osep ka dau tidong.