1 Pita 5:3 - Aria New Testament

³ Umodue elio ka opru osep ka Ida Tapolngon kar isak ke umu ma umaplau isak kovok. E umodue elio itau ma tivati umu e tiwaiki tikana lumu elio itau.

1 Pita 5:3 ပူးပေါင်းရင်းမြစ်များ

Jon 13:15

Ngadue elio ane ma umavati ngong e umakana lou elio ka ngadue ke umu.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

1 Korin 11:11

E ke Ida Puda ila osua apmang vala tidong kovok e arang blang vala tidong kovok. Aurou. Apmang dong ma iye lua ila boget e gute arang dong ma iye lua ila asap.

1 Korin 3:5

Deka umeile umu itau. Apo-los iye gute sei? E ngong Pol ngong gute sei? Imorwo Ida Tapolngon ila osep bokongon ina vala. E Ida Puda kar imi kenmi kenmi limem bokongon. Limem bokongon ma due umu ma aitno lumu dagar ke Krais.

1 Korin 3:9

Imorwo Ida Tapolngon ila osep bokongon ina. E umu langka Ida Tapolngon ila yage. E umu blang langka Ida Tapolngon ila ninu.

2 Korin 1:24

Ngawaiki imaplau aitno lumu ila dagar kovok. Aurou. Umodong dagar kodong ke aitno lumu ila dagar. E imoboko kap umu ma aitno lumu neser.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Filipai 3:17

Sipmi. Ma umakana lou elio bitna bitna ka umavati ngong ngadue. E umavati elio ke osep ka tididi limem elio e umakana isak blang.

Filipai 4:9

Ngaparere umu ke pelengon pula e umekis dagar ine kodong. Deka ngawaiki umedidi pelengon ka oglou umoklingen ine ke ngong e ka umavati ngong ngadue. Umodue langane deka Ida Tapolngon ka due aitno lite epen ma dong kap umu.

1 Tesalonaika 1:7

E umenis elio itau ke osep ka pula keniye ka aitno lisak dagar ke Krais ke provins Masedonia e provins Akaia ma tikana lumu elio.

2 Tesalonaika 3:9

Imakaranga imodue wan bitna bitna adai ke umu. E dau imawaiki imodue langane kovok kesua imawaiki imenis umu ke elio itau ma umakana limem elio.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

Taitus 2:7

Deka Taitus ke wan ka pula keniye ka omdue ma omdue elio itau ine vala ma osep tivati lem elio isuk isuk itau e tikanae. Alo ka amparere osep amwai osuk vala e omdue anit ke Ida Tapolngon ila pelengon.

1 Pita 2:9

E Ida Tapolngon rere umu ma umodong ila osep. E Ida Tapolngon ka vri mgo ke ite e plau ite rere umu ila osep loulou ina. E iye rere umu ila osua ka itau itau lokono. Iye rere umu ila osep kesua iye waiki umanapapra osep pula ke ila elio itau ka iye due. Iye gi umu ma umosongon lumu elio epmes ina e umesep ke ila bublongon ka itau lokono. Ila bublongon tonari itau itau lokono.