1 Pita 5:1 - Aria New Testament

¹ Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Pita 5:1 ပူးပေါင်းရင်းမြစ်များ

Luk 24:48

E ma umapalongo osep urok ke wan ka umavati.

Aposel 1:22

Ma iterere gute ka oglou iye dong kap ite ke alo ka Jon paunim Yesus lila me ke oklou ka iye tito la egim. Ma iterere gute kene ka vati Yesus ila bokongon batne la gurno. Deka ma iye lua ite ke udo bokongon. E ma itogosok itaparere osep pula ke elio ka Yesus mole metengen deka poga tito ke ina denga.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 11:30

Deka tipaur urok mani ke Barnabas orwo Sol. Deka isak orwo tipaure la ke osep plaungan ina ka aitno lisak dagar ke Yesus ka tidong ke omur Judia.

Aposel 14:23

Deka ari tirere osep leklou ke armok kene kene ma tiplau Ida Tapolngon ila osep. Deka tiwai itau pula ke Ida Tapolngon ine e tipli inarak ngangon kesua tiwaiki aitno lisak la ke Ida Tapolngon vala. Deka ari tiwai ke osep ka tirere isak Ida Tapolngon ila osep inarak plaungan langane. “Ida Puda ka aitno lumu dagar ke iye kodong ma plau umu e kere umu itau ke lumu elio isuk isuk.”

Aposel 15:4

Pol orwo Barnabas tipolou ke Jerusalem deka Ida Tapolngon ila osep e osep aposel e osep ka tiplau Ida Tapolngon ila osep ke armok ari aitno lisak itau ke isak orwo e tikere isak itau. Deka tipalongo osep ke urok bokongon ka Ida Tapolngon lua isak ine.

Aposel 15:6

E osep aposel e osep ka tiplau Ida Tapolngon ila osep tiduni pulu ma timter pelengon pulu ine.

Aposel 2:32

Devit ila pelengon ane la ke gute Yesus. Oglou Yesus mete deka pampamu ine la munu ke ina denga. Deka Ida Tapolngon due poga tito ke ina denga e eknikane imavati iye blang.

Aposel 20:17

Pol dong ke Miletus e ari iye due omon gesa la ke osep ka tiplau Ida Tapolngon ila osep ka tidong ke Efesus ma time tiduni pulu kap iye.

Aposel 20:28

Eknikane umu ka Ano Itau rere umu Ida Tapolngon ila osep inarak plaungan umaplau umu itau. Umekere Ida Tapolngon ila osep itau lokono. Kesua Otno Arang ina marau kli inarak elio epmes ina.

Aposel 21:18

Oklou silang imogosok Pol imala imavati Jems. Ari osep ka tiplau Ida Tapolngon ila osep tidong kap Jems blang.

Aposel 3:15

Deka umodue Yesus ka iye elio itau ina poloungon batne deka umomluk iye ma iye mete. Iye mete deka Ida Tapolngon due poga tito ke ina denga. E imi ane imavati iye.

2 Korin 5:1

Iteile pampamu lite langka ninu molo ina. Langka ninu tonari polou yagos Ida Tapolngon ma kere ninu oku ina ke ite ka osep tiurie kovok. Ninu oku ina tonari dong vala dong ke omur heven.

2 Korin 5:8

Aitno lite mter langane deka itodong dagar e itawaiki itosongon pampamu lite e itala itodong kap Ida Puda ke ila omur.

Filipai 1:19

Aitno lungong neser kesua ngaile lumu pmingen itau e Yesus Krais Ano ila luangan ma lua ngong ma ngasongon kalabus ane.

1 Timoti 5:1

Langka gute namor due elio soulu amwai pelengon amnga ke iye kovok. Aurou. E ommosi iye ke pelengon molil molil vala e omdue anit ke iye langka iye ngap abo. E omdue elio itau ke osep arang ka isak dau auram langka omdue ke ngap saiver e ngap titovro.

1 Timoti 5:19

Langka gute kene vala sin elio vri ke gute plaungan ina deka amkaranga emklingen ila pelengon kovok. E langka osep orwo koke eklu tiwai tivati elio tonari deka ma amkaranga emklingen ke isak.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Taitus 1:5

Oglou alo ka itodong ke aidunu Krit itababrum udo boko-ngon kovok. Deka ngasongon wom omdong ke Krit ma ambabrum bokongon ka dau dong. Ngawaiki emrere osep leklou ma tiplau Yesus ila osep ke armok armok ka tidong ine langka oglou ngawai ke wom ine.

Filemon 1:9

E dau ma ngadue langane kovok. Ngapmi wom ine vala kesua ngong lana ngong ke wom. Ngong Pol ngong gute namor e ngong Krais Yesus ila gute meriang ina e ke batne ane osep tidue ngong ngasep ke kalabus.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

1 Pita 1:7

Tokngon bitna bitna tonari polou ke umu ma tok aitno lumu ila dagar langka iye wan lokono koke aurou. Iteile gol karanga polou yagos e dau langka osep tiwaiki tile gol tonari gol lokono tidue eiou ngene ma tile langka wan sasi dong ine koke aurou. E aitno lite ila dagar mole gol lokono deka tokngon tonari tok aitno lumu ila dagar. Deka ke oklou ka Yesus Krais iding me Ida Tapolngon ma kakai angainmu e due anit ke umu.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.

1 Jon 3:2

Lou saten. Ngong lana ngong ke umu e ngawai ke umu langane. Oku ane ite Ida Tapolngon titno. E iteile mase ma itodong langka wansua kovok e dau iteile langane. Alo ka Krais me polou ma itodong eriar langka iye kesua ma itavati iye malak deka ma iteile omur ke iye.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.