1 Pita 4:9 - Aria New Testament

⁹ Langka supmu leklou time ke lumu ninu deka umekere isak itau. E umongurngur ine kovok.

1 Pita 4:9 ပူးပေါင်းရင်းမြစ်များ

Pas ka Pol sogoe uti la ke osep Rom ina 12:13

Langka Ida Tapolngon ila osep leklou urok wan isuk boto vala deka umolua isak. E langka osep kaulei time tipolou ke umu deka umekere isak itau.

Pas ka Pol sogoe uti la ke osep Rom ina 16:23

Gute Gaius wai “oklou itau” ke umu. Iye plau ngong itau lokono ke ila ninu. E Ida Tapolngon ila osep ka tiduni pulu ke ila ninu tiwai “oklou itau” ke umu blang. Gute Erastus ka plau mani ke gavman ka dong ke armok ane wai “okou itau” ke umu. E udo aten Kwartus blang wai “oklou itau” ke umu.

2 Korin 9:7

Deka gute kene kene aitno mter itau ke wan ka iye waiki kare ke osep leklou. Lama gute aitno soulu ke wan ka iye kare koke osep tipagei iye ke wan ka iye kare. Kesua Ida Tapolngon aitno itau ke osep ka aitno lisak neser alo ka tikar urok mani ke osep leklou.

Filipai 2:14

Ke wan bitna bitna ka umodue ma umongurngur e opmu mluk pulu sakam.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Filemon 1:14

E ngawaiki ngaplau wom ine kovok. Aurou. Ngawaiki iye dong e lua ngong e dau ngawaiki emdidi aitno lugom langka amwaiki iye lua ngong koke aurou.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Hibru 13:2

E omtomu sisir langane. Alo ka osep kaulei time ke umu deka umekere isak itau. Kesua umeile oglou ensel leklou tipolou e osep tivati isak langka isak osep kaulei. E tikere isak itau e tile isak ensel kovok.

Jems 5:9

Sipmi. Ngawaiki umongurngur pulu kovok. Kesua langka umodue elio langane Ida Tapolngon ma wade umu ine. Umoklingen. Isuk boto Ida Tapolngon ka wade ite ma me.