1 Pita 4:2 - Aria New Testament

² E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Pita 4:2 ပူးပေါင်းရင်းမြစ်များ

Matyu 12:50

Gute gesa ka ini Livou ka dong ke omur heven iye ngau aiver koke luku koke nina.”

Matyu 20:4

E iye wai ke isak langane. ‘Umu blang umala umoboko ke lou yage e ma ngakli umu ke klingen itau.’

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 7:21

“Aitno lumu mter langane kovok. Osep keniye ka tisir ngong Ipem Puda ma tisep ke omur heven ka Ida Tapolngon plaue. Aurou. Osep ka tini Livou ka dong ke omur heven vala ma tisepe.

Mak 3:35

Gute sei ka didi Ida Tapolngon aitno iye ngau aiver e luku e nina.”

Mak 7:21

Kesua ke osep aitno lisak mter ke serimngen e isungon e panakongon e elio ka tipagam osep e elio ka tidue okwa.

Jon 1:13

Tipolou Ida Tapolngon titno batne ke elio ka sipmarak e titnarak tikaranga tidivir titorok koke elio ka aitno lisak waiki due langane koke elio ka osep leklou aitno lisak waiki due langane kovok. Aurou. Tipolou titno batne ke Ida Tapolngon aitno vala.

Jon 7:17

Langka gute waiki didi Ida Tapolngon aitno ma iye ile langka lou parerengen me ke iye koke ngadidi aitno lungong e ngawai ine.

Pas ka Pol sogoe uti la ke osep Rom ina 12:2

E umakana elio bitna bitna ka osep taklak ina tidue sakam. Umosongon Ida Tapolngon ma iye due aitno lumu tilumus tipolou oku. Alo ka aitno lumu tilumus tipolou oku ma umeile lokono ke Ida Tapolngon aitno. E ma umeile ke elio ka itau ka Ida Tapolngon aitno itau ine e ka wan gesa mole kovok.

Pas ka Pol sogoe uti la ke osep Rom ina 14:7

Ite kente kente itodong ane batne ke ite kente kente kovok. Aurou. Ida Puda vala due ite itodong. Deka itemete batne ke ite kente kente kovok. Aurou. Ma itemete batne ke Ida Puda vala. Langka itodong e langka itemete batne ke ite kente kente kovok. Aurou. Batne dong ke Ida Puda vala.

Pas ka Pol sogoe uti la ke osep Rom ina 6:11

E Ida Tapolngon waiki aitno lumu mter umemete ma elio epmes ina plau umu blang kovok. E silang blang iye waiki ma umodue elio epmes ina bitna bitna aling kene blang kovok. Ida Tapolngon waiki aitno lumu mter umodong kap Yesus Krais e iye waiki umodue elio isuk isuk langka iye due.

Pas ka Pol sogoe uti la ke osep Rom ina 6:2

Aurou. Ma itodue elio epmes ina kovok. Kesua itemete kap Yesus kodong. E ma itodue elio epmes ina bitna bitna kovok kesua osep ka timete kodong tikaranga tidue elio epmes ina kovok.

Pas ka Pol sogoe uti la ke osep Rom ina 7:4

Sipmi. Umoklingen lou pele-ngon. Umogosok Yesus umemete kodong. Deka Moses ila sogongon plau umu kovok. Kesua umeneklep ke Yesus ka oglou mete e Ida Tapolngon due poga tito ke ina denga. Deka iye Upu Puda e plau umu kesua iye waiki umodue Ida Tapolngon ila bokongon itau vala.

2 Korin 5:15

Gute tonari mete ma iye lua osep ka dau tidong ma aitno lisak mter ke isak vala kovok. Aurou. Ma aitno lisak mter ke gute ka mete e kasip amunsak deka iye poga tito ke ina denga.

Efesus 2:3

Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Efesus 4:17

E ngawai dagar ke umu ke pelengon ane kesua batne Ida Puda dong. Umodue elio epmes ina bitna bitna eriar langka osep ka isak osep Yuda ina kovok tidue sakam. Kesua tididi aitno lisak ka kaka lokono vala.

Efesus 5:17

Deka umodue elio ulik ulik langka osep ka isak manga manga tidue sakam. Umekrim ekreng ke elio ka Ida Puda waiki umedidie.

Efesus 6:6

Umoboko engil ke upu gute ila bokongon aling ka pula keniye. Umoboko engil lama iye karanga vati umu koke iye karanga vati umu kovok. Umodue elio langane kesua umu Krais ila osep bokongon ina. Deka umoboko engil ke upu gute ila bokongon eriar langka Ida Tapolngon waiki umodue.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 3:3

Umemete kodong kap Krais e umeneklep ke iye. E umeile omur ke lumu mosongon itau keniye dau kovok e mase ma Ida Tapolngon due mosongon tonari polou malak.

Kolosi 4:12

Gute Epafras ka iye lumu aten gesa e iye Krais Yesus ila gute bokongon ina wai “oklou itau” ke umu blang. Aling aling iye wai itau pula lokono ma Ida Tapolngon due umu ma umodong dagar langka osep ngongle ka umeile omur ke aitno lumu ila dagar. Iye wai itau ma umedidi Ida Tapolngon aitno ke wan ka pula keniye ka iye waiki umodue.

1 Tesalonaika 5:18

Umeneklep ke Krais Yesus kodong deka Ida Tapolngon waiki umawai tenkyu ke iye ke wansua ka polou ke umu. Langka isak elio itau koke elio soulu.

Hibru 13:21

Ngawaiki Ida Tapolngon kere umu ke wan keniye ka itau ma umakaranga umedidi aitno ke wan ka iye waiki umodue. Ngawaiki Yesus Krais due umu ma umodue elio isuk isuk ka Ida Tapolngon aitno itau ine. E ma itakakai Krais angaine tito la egim dong vala dong. Lokono.

Jems 1:18

Iye didi aitno e due ite itopolou ila osep alo ka iteklingen ila pelengon ka lokono. Ma ite langka titno ka ina sirngen sirngen ke wan ka pula keniye ka mase ma polou oku.

1 Pita 1:14

Umu Ida Tapolngon titno deka ma umeini ila pelengon vala. Oglou aitno lumu kaka e umedidi elio bitna bitna ka taklak ane ina e eknikane umedidi elio tonari sakam.

1 Pita 2:1

Umopolou Ida Tapolngon ila osep kodong deka umepli elio soulu bitna bitna. Elio langka umayak osep e umawai pelengon gesa e dau aitno lumu silang ine e aitno lumu rim e umodue adis e lumu pelengon mter osep aitno lisak.

1 Jon 2:17

Mase taklak ane e wan ka pula keniye ka taklak ina ma tipolou yagos. E gute ka didi Ida Tapolngon aitno ma dong vala dong.