1 Pita 4:19 - Aria New Testament

¹⁹ Deka langane. Langka Ida Tapolngon didi aitno e songon agegeng polou ke ite ma aitno lite dong dagar ke iye e itodue elio itau. Kesua iteile omur Ida Tapolngon ma kere ite itau e didi ila pelengon keniye.

1 Pita 4:19 ပူးပေါင်းရင်းမြစ်များ

Luk 23:46

E Yesus daiku omba langane. “Livou ngakar anngong ke wom.” Iye wai langane deka iye mete.

Aposel 7:59

Isak dau tiuri opmu e timluk Stiven ine deka iye wai itau ke Ida Puda langane. “Ngau Puda Yesus omdue anngong.”

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 3:17

Langka Ida Tapolngon waiki umanamani agegeng lama umodue elio itau are wan gesa kovok. E elio langane mole elio ka umanamani agegeng langka umodue elio soulu.

1 Pita 3:20

Ansak tonari isak ansak ke osep ka tipul dogur ke Ida Tapolngon ila pelengon alo ka Noa uri sip ombatno. Alo ari tidue elio soulu pula e dau Ida Tapolngon wade isak ine kovok e iye dong para ma tibauluk aitno lisak ke urok elio soulu. Iye para la lama Noa uri sip kodong. Iye uri sip kodong deka osep lumeklu vala tisep ke sip tonari. Tisep kodong deka ongon ombatno polou e isak lumeklu vala tidong itau ke sip.