1 Pita 4:17 - Aria New Testament

¹⁷ Taim ka Ida Tapolngon wade osep urok elio isuk isuk polou kodong. E mgo iye wade ila osep urok elio isuk isuk. Deka mase ma iye wade osep ka aitno lisak dagar ke omon itau kovok. Deka lange? Langka iye wade ila osep paide deka wansua ma polou ke osep ka aitno lisak dagar ke iye kovok?

1 Pita 4:17 ပူးပေါင်းရင်းမြစ်များ

Luk 23:31

Kesua langka osep tidue elio langane ke ngong ka langka akai ka olune dong ine ma tidue wansua ke umu ka umodong langka akai ka kakrak?”

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 2:9

Ma elio soulu e agegeng ka soulu due osep ka pula keniye ka tidue elio soulu vala. Ma due osep Israel ina mgo mase ma due osep ka isak osep Yuda ina kovok.

Galesia 3:1

Umu osep Galesia ina umu manga manga. Imenis Yesus Krais ke umu kodong. Deka umavati langka iye mana ke ina akai e mete ke osep amtarsak. Deka sei nak aitno lumu?

Galesia 5:7

Oglou umeile itau ke Krais ila ekreng. Deka sei dangdang umu ma umeini pelengon ka lokono kovok?

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

2 Tesalonaika 1:8

Deka ma iye due agegeng ke osep ka tipul dogur ke Ida Tapolngon e osep ka tididi omon itau ka la ke Ida Puda kovok.

1 Timoti 3:15

E langka ngame paide kovok amvati pelengon ka ngasogoe ma emile elio itau ka ite ka Ida Tapolngon ila osep itedidie. Ite ka Ida Tapolngon ila osep itodong langka Ida Tapolngon ka dong vala dong ila sios. E sios langka kadanga komdungo ina ka dagar e kis dagar ke Ida Tapolngon ila pelengon.

Hibru 11:8

Abraham aitno dagar ke Ida Tapolngon. E Ida Tapolngon wai ke iye ma iye songon ila omur e la dong ke omur silang ka mase ma polou ila omur. Deka iye didi Ida Tapolngon aitno e la ke omur silang lama iye ile omur tonari kovok.

Hibru 2:2

Oglou Ida Tapolngon kar pelengon kene ka karanga segesege kovok ke ila ensel e ila ensel tikare ke Moses deka Moses sogoe ma osep Israel ina tididie. E langka tididie kovok deka Ida Tapolngon ules isak ine.

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 5:9

Elio tonari polou ke iye deka iye polou gute ka lua osep ke urok elio epmes ina. Deka iye lua osep ka tini iye ke urok elio epmes ina dong vala dong.

1 Pita 2:5

Umu blang umodong langka opmu ka urok mosongon dong ke isak ka Ida Tapolngon Ano Itau uri ila ninu ine. E umopolou osep loulou ina ka itau lokono e ke Yesus Krais angaine langka umodue elio opmu ina ke umu kenmu kenmu. Deka ma Ida Tapolngon aitno itau ine.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.