1 Pita 4:10 - Aria New Testament

¹⁰ Umedidi kerengen ka Ida Tapolngon kare ke umu kenmu kenmu deka umolua osep leklou ine. Umu Ida Tapolngon ila osep bokongon ina deka umolua umu pulu ke kerengen ka iye kare ke umu.

1 Pita 4:10 ပူးပေါင်းရင်းမြစ်များ

Matyu 20:28

Kesua Gute Ka Polou Langka Osep me ma osep tidue wan ka lua iye tona kovok. Aurou. Iye me ma iye lua osep e mete ma iye kli osep urok elio epmes ina.”

Matyu 24:14

E osep ma tinapapra omon itau ka la ke omur ka Ida Tapolngon plaue ke omur ka pula keniye ke taklak ma osep tikaranga tiklingen ine deka taklak ina yagosngon ma polou.”

Matyu 24:21

Kesua ke alo ari agegeng ombatno ma polou ka mole agegeng ka tipolou alo ka Ida Tapolngon tapol taklak la lama iding ke oku ane. E agegeng ma polou langane blang kovok.

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Matyu 25:17

E gute ka due 2,000 kina due burong ine blang e iye due 2,000 kina silang.

Matyu 25:44

E ma tikoli tiwai langane. ‘Ipem puda lesen imavati sapanga due wom koke aki vel wom koke wom langka gute kaulei koke wom ten wom ovuk koke ampaia koke omdong ke kalabus e imala imolua wom kovok?’

Mak 10:45

Ngong ka Gute Ka Polou Langka Osep ngame kesua lou bokongon lua osep ka pula keniye. Ngame ma ngapli tarna lungong e ngamete ma ngakli osep urok elio epmes ina. E ngame batne ngawaiki osep tilua ngong ke urok bokongon bitna bitna kovok.”

Luk 12:42

E Ida Puda koli wai langane. “Gute bokongon ina sei ka ile itau e didi ina puda ila pelengon e ina puda rere ma iye mgo plau ila osep bokongon ina leklou e ma iye kar inarak ngangon ke isak alo ka ina puda rere?

Luk 19:13

E iye gi ke osep songotno ke ila wokboi nating e kar mani gol kene ke isak kene kene e wai ke isak langane. ‘Umodue burong ke mani ane la lama ngaiding ngame.’

Luk 8:3

E Joana e Susana e apmang pula leklou isak kla kap iye blang. Apmang Joana iye gute Kusa ka plau Herot ila ninu ila asap. Apmang tonari tikar urok wan bitna bitna ma tilua Yesus e ila disaipel ine.

Pas ka Pol sogoe uti la ke osep Rom ina 15:25

E eknikane ngawaiki nga-la ke Jerusalem ma ngalua Ida Tapolngon ila osep ka tidong ke armok tonari.

Pas ka Pol sogoe uti la ke osep Rom ina 15:27

Tididi aitno lisak vala e tituktuk mani tonari e tikare ke isak. Elio ka langane itau lokono kesua osep Israel ina tilua osep leklou mgo ke Ida Tapolngon ila pelengon. Deka elio ka osep leklou tilua osep Israel ina ke urok wan ane elio itau lokono.

1 Korin 15:10

E Ida Tapolngon makai ngong e due ngong ngapolou ila aposel gesa deka ngadong langane. Ida Tapolngon ila makaingan ka me ke ngong la adai vala kovok. Aurou. Ngaboko dagar lokono deka lou bokongon mole osep aposel leklou urok bokongon. E ngong tona ngadue bokongon tonari kovok. Aurou. Ida Tapolngon makai ngong e lua ngong deka ngaboko ke ila bokongon.

1 Korin 3:10

Ida Tapolngon ila makai-ngan due ngong e ngapolou langka gute ka ile omur lokono ke ninu ina uringen. E ngasinsin opmu ka ninu napal munu ine. E gute silang uri ninu napal munu ke opmu tonari. Io osep pula ma tikere isak itau ke elio ka tiuri ninu ine.

1 Korin 4:7

Sei bitna ngen wom langka wom gute namor? Omdue lem wan ka pula keniye ke Ida Tapolngon. E langka lokono omdue wan ka pula keniye ke Ida Tapolngon limla deka ina lange amkakai angain wom ine?

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

2 Korin 9:1

Umeile kodong ke mani ka la ke Ida Tapolngon ila osep ka tidong ke omur Judia. E ma ngasogo ine blang kovok.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

2 Timoti 1:18

Ngawaiki ma Ida Puda makai iye ke oklou ka Ida Puda wade osep ka pula keniye ine. E emile omur oglou alo ka ngadong ke armok Efesus iye lua ngong itau lokono.

Taitus 1:7

E emile gute ka plau sios plau Ida Tapolngon ila bokongon. Deka ngawaiki iye due elio itau vala ma osep ka pula keniye tikaranga tivati elio soulu gesa vri ke iye kovok. Aitno mter langka angaine omba e iye karanga pagei osep kovok. E aitno nevlik kovok. Iye inim aki dagar ma bitna balilu kovok. Aitno amnga suong deka iye mluk osep kovok. E aitno vri ke mani vala kovok.

Hibru 6:10

Ida Tapolngon didi ila elio itau vala e wade osep urok elio isuk isuk ine. Deka ma bitna sisir ke lumu elio itau e elio ka umu lana umu ke iye alo ka oglou umolua ila osep. E eknikane umu dau umolua isak blang.

1 Pita 5:10

Ida Tapolngon iye makaingan batne e iye gi umu ke Krais angaine ma umodong kap iye ke ila bublongon ka dong vala dong. Lama oku ane umanamani agegeng mase ma agegeng yagos e Ida Tapolngon ma due umu umodong itau blang. E iye due aitno lumu ila dagar dong dagar lokono e due umu ma umevri dagar.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.