1 Pita 4:1 - Aria New Testament

¹ Oglou Krais polou langka itosep e namani elio soulu ka osep tidue ke iye. Deka ngawaiki umu arit umu e aitno lumu mter langane blang kesua alo ka umanamani agegeng ke osep umawaiki umodue elio epmes ina kovok.

1 Pita 4:1 ပူးပေါင်းရင်းမြစ်များ

Mak 3:3

Yesus vati isak e ile aitno lisak. Deka iye wai ke gute ka limla mete langane. “Omo emvri ane.”

Pas ka Pol sogoe uti la ke osep Rom ina 6:11

E Ida Tapolngon waiki aitno lumu mter umemete ma elio epmes ina plau umu blang kovok. E silang blang iye waiki ma umodue elio epmes ina bitna bitna aling kene blang kovok. Ida Tapolngon waiki aitno lumu mter umodong kap Yesus Krais e iye waiki umodue elio isuk isuk langka iye due.

Pas ka Pol sogoe uti la ke osep Rom ina 6:2

Aurou. Ma itodue elio epmes ina kovok. Kesua itemete kap Yesus kodong. E ma itodue elio epmes ina bitna bitna kovok kesua osep ka timete kodong tikaranga tidue elio epmes ina kovok.

Pas ka Pol sogoe uti la ke osep Rom ina 6:7

Kesua osep ka timete kodong elio epmes ina ila arit karanga plau isak blang kovok.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Efesus 6:13

Deka umekere umu itau ke klos pait ka Ida Tapolngon kar isak ke umu ma umodue ola ine ke upu oul. Umekere umu itau ma alo ka taim soulu polou e Satan due ola ke umu deka umakaranga umadangdang ila ola e umevri dagar vala.

Filipai 2:5

Ngawaiki ma aitno lumu mter langka Krais Yesus aitno mter.

Hibru 12:3

Aitno lumu mter ke elio ka polou ke Yesus. Osep epmes ina aitno lisak engil ke iye e tidue elio soulu ke iye. E iye vri dagar ine. Deka tarna lumu meingen kovok ke elio ka umodong dagar ke elio soulu ka osep tidue ke umu e umosongon aitno lumu ila dagar kovok.

Hibru 4:10

Osep ka tisep ke Ida Tapolngon ila omur ka timtong ine ma tiboko blang kovok. Langka Ida Tapolngon mtong alo ka iye tapol wan ka pula keniye yagos.

1 Pita 2:21

Ke oglou Krais namani agegeng ka osep tidue ke iye ma iye lua umu. E Ida Tapolngon rere umu ma umakana Krais ila elio itau tonari.

1 Pita 3:18

Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.