1 Pita 3:5 - Aria New Testament

⁵ Oglou apmang ka aitno lisak dagar ma Ida Tapolngon didi ila promis tibares isak langane. Tini urok soboget.

1 Pita 3:5 ပူးပေါင်းရင်းမြစ်များ

Luk 2:37

Deka ila boget mete e Ana dong asap batne la lama alo ka ina tobor polou 84. E aling aling iye dong ke Ida Tapolngon ila ninu e songone kovok. Iye pli ina ngangon ma aitno la ke Ida Tapolngon e wai itau ke iye e lotuim iye ke oklou e epmes.

Aposel 9:36

Alo ari ke armok Jopa apmang kene dong ka aitno dagar ke Yesus ka angaine Tabita. E langka osep tiwai pelengon Grik deka tisir apmang tonari angaine Dorkas. Apmang tonari ila elio itau lokono. Oklou pula iye due elio itau e kar wan adai ke osep e tidue batne kovok.

Efesus 5:33

E pelengon tonari ina pelengon silang blang langane. Osep arang ka pasinga ma isak lana isak ke sasarak eriar langka isak lana isak ke isak kensak kensak. E umu apmang ka pasinga umodue anit ke lumu soboget.

1 Timoti 2:10

E ma apmang tidue elio bitna bitna ka itau langka apmang ka aitno lisak dagar ke Ida Tapolngon tidue. Elio ane langka urok baresngen ka itau.

1 Timoti 2:15

E langane. Langka apmang aitno lisak dagar ke Krais aling aling e tikar aitno lisak ke iye ma tidong itau. E tididi elio itau langka isak lana isak ke osep leklou e tiplau isak itau. Deka ma Ida Tapolngon lua isak alo ka tidivir mimi.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

1 Timoti 5:5

Langka apmang ka sasap batne tidong kensak vala ma apmang tonari tidue elio langane. Ma aitno lisak dagar lokono ke Ida Tapolngon ma iye lua isak e kere isak itau. Deka ke oklou e ke epmes ma tiwai itau ke Ida Tapolngon e tipmi iye ma iye lua isak.

Hibru 11:11

Sara aitno dagar ke Ida Tapolngon blang. Lama iye opon e lapun kodong Ida Tapolngon lua iye ma iye divir mimi. Kesua aitno dagar ma Ida Tapolngon didi ila pelengon ka wai ma Sara divir mimi.

1 Pita 1:3

Ma itakakai Ida Tapolngon ka iye Ida Puda Yesus Krais timla angaine tito la egim. Ida Tapolngon aitno due ite omba lokono. Deka iye due Yesus Krais poga tito ke ina denga e due ite itopolou oku langka mimi edimor. Elio ane due aitno lite dagar ma Ida Tapolngon kar ite ke wan ka iye wai ine kodong.