1 Pita 3:20 - Aria New Testament

²⁰ Ansak tonari isak ansak ke osep ka tipul dogur ke Ida Tapolngon ila pelengon alo ka Noa uri sip ombatno. Alo ari tidue elio soulu pula e dau Ida Tapolngon wade isak ine kovok e iye dong para ma tibauluk aitno lisak ke urok elio soulu. Iye para la lama Noa uri sip kodong. Iye uri sip kodong deka osep lumeklu vala tisep ke sip tonari. Tisep kodong deka ongon ombatno polou e isak lumeklu vala tidong itau ke sip.

1 Pita 3:20 ပူးပေါင်းရင်းမြစ်များ

Matyu 7:14

E ekreng bitna ka mosongon ina daudeng lokono e ekreng are engil lokono ma itedidie. E osep awal boto vala tididie.”

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Aposel 2:41

Pita napapra ke isak yagos deka osep pula langka inarak sasa 3,000 aitno lisak la dagar ke ila pelengon. Deka tineklep ke osep ka oglou aitno lisak la dagar ke Yesus kodong. Deka osep aposel tipaunim isak.

Pas ka Pol sogoe uti la ke osep Rom ina 9:22

Ida Tapolngon ila elio lang-ane blang. Osep pula tidue elio epmes ina bitna bitna ka due aitno engil ke isak. Deka iye waiki aitno ila engil due osep tonari ma osep pula tivati ila arit. Lama iye waiki due elio langane lokono iye due langane kovok. Aurou. Iye dong dau tauni ine e lokono aitno ila engil due isak kovok.

Efesus 5:26

Krais pli tarna e kasip amunte. Deka eriar langka iteris pampamu lite ma tipolou eip Krais waiki ris aitno lite ke ila pelengon ma aitno lite tipolou itau lokono. Krais ris ite ka ila osep ke ila pelengon kesua iye waiki due ite itopolou itau lokono ke iye tona bitna.

Hibru 11:7

Noa aitno dagar ke Ida Tapol-ngon e Ida Tapolngon palongo iye ke wan ka mase ma polou ka iye ile ine kovok. Ida Tapolngon wai deka Noa due anit ke iye e uri sip ombatno ma iye kap ila osua tidong itau ine. Noa aitno dagar deka ila elio tonari nis osep ka tidong ke taklak urok elio soulu. E Noa polou itau e osuk ke Ida Tapolngon bitna langka osep leklou ka aitno lisak dagar ke iye.

1 Pita 1:22

Umedidi pelengon ka lokono e Ida Tapolngon due lumu elio epmes ina noklok la deka umodong itau lokono. E aitno lumu omba e umu lana umu lokono ke Ida Tapolngon ila osua. E ngawaiki umu lana umu omba ke isak.

1 Pita 1:9

Aitno lumu neser langane kesua umeile Ida Tapolngon lua umu ke lumu elio epmes ina. Ke batne langane aitno lumu la dagar ke Krais.

1 Pita 2:25

Iye due elio langane kesua oglou umodong langka sipsip ka tilila ulik ulik vala. E eknikane iye due umu umeiding ke iye e iye polou lumu Gute Plaungan Ina e iye plau aitno lumu itau langka gute plaungan ina plau ila sipsip itau.

1 Pita 3:19

Iye ano e iye la napapra ke osep ka ansak tidong ke omur ka kalabus.

1 Pita 4:19

Deka langane. Langka Ida Tapolngon didi aitno e songon agegeng polou ke ite ma aitno lite dong dagar ke iye e itodue elio itau. Kesua iteile omur Ida Tapolngon ma kere ite itau e didi ila pelengon keniye.

2 Pita 2:5

Mase osep ka tidong oglou ari tipul dogur ke Ida Tapolngon e tidue elio soulu deka iye ules isak ine. E iye lua gute Noa ka napapra Ida Tapolngon ila elio itau e osuk ke isak. Iye lua Noa kap ila osua lumorwo blang vala ma tidong itau alo ka ongon ombatno kading taklak ka pula keniye.

2 Pita 3:15

E aitno lumu mter ke elio ka Ida Puda aitno omba ke umu e iye dong para ke umu. Iye due langane ma osep aitno lisak la dagar ke iye e iye lua isak ke urok elio epmes ina. E Ida Tapolngon kar ilengen ke ida tovro Pol ka ngong lana ngong ke iye deka iye sogo ine ke umu blang.