1 Pita 3:18 - Aria New Testament

¹⁸ Aitno lumu mter ke Krais. Oglou iye mete aling kene batne ke udo elio epmes ina. Ite osep epmes ina e iye dong itau lokono. E iye mete ma iye paur ite ke Ida Tapolngon. Osep timluk Krais pampamu ine e iye mete deka Ida Tapolngon due poga tito ke ina denga e iye dong ano ke omur heven.

1 Pita 3:18 ပူးပေါင်းရင်းမြစ်များ

Matyu 27:19

E silang alo ka Pailat dau dong ke kova ka iye wade osep ine ila asap vai omon ke iye ka langane. “Omdue wan gesa ke gute ka itau e osuk are kovok kesua ngamunu kudung anngong e aitno lungong kro lokono batne ke iye.”

Matyu 27:24

Alo ka Pailat ile tiklingen ila pelengon kovok e isuk boto evlei omba polou iye due aki e ris limla ke amtarsak e wai ke isak langane. “Gute ane ina metengen batne dong ke ngong kovok. Ane lumu wan vala.”

Jon 16:10

E ma iye nis isak malak ke elio ka osuk e itau kesua ngala ke Livou e ma umavati ngong blang kovok.

Aposel 22:14

Deka iye palongo lou langane. ‘Ida Tapolngon ka udo seia Inarak Tapolngon rere wom ma emile aitno. Iye rere wom ma amvati gute ka ila elio itau lokono ka ila gute bokongon ina e iye rere wom ma emklingen ila pelengon.

Aposel 3:14

E dau umepli iye e ila elio kene gesa vri ke iye kovok. Iye tona ila elio keniye itau lokono vala. E dau umepmi Pailat ma iye songon gute gesa ka due burwa ma iye la e umawaiki Yesus mete.

Pas ka Pol sogoe uti la ke osep Rom ina 1:4

Mase iye me dong kap itosep. Alo ka iye dong kap ite Ano Itau dong ke aitno. Iye dong la lama iye mete deka osep tiyas iye ke ina denga e iye munu ine. Mase Ida Tapolngon didi ila arit e due poga tito e dong blang. Ila baulukngon nis itosep Ida Puda Yesus Krais iye tona Ida Tapolngon Otno Arang lokono.

Pas ka Pol sogoe uti la ke osep Rom ina 4:25

Oglou Yesus mete batne ma iye kli udo elio epmes ina. E Ida Tapolngon due poga tito ke ina denga. Deka iye due ite ka aitno lite dagar ine itopolou itau e osuk ke bitna.

Pas ka Pol sogoe uti la ke osep Rom ina 5:2

Iye lua ite e Ida Tapolngon ila makaingan kading ite batne ke Yesus ka aitno lite dagar ine kodong. Deka aitno lite neser ke iye kesua iteile omur ma Ida Tapolngon kakai ite kap Yesus.

Pas ka Pol sogoe uti la ke osep Rom ina 8:11

Oglou Yesus mete deka ari Ida Tapolngon due poga tito ke ina denga. E umu ka Ano Itau dong ke aitno lumu ma Ida Tapolngon due umu umopoga umetito ke upu denga. Ma iye due elio ke umu langka oglou iye due ke Yesus. E ma iye due pampamu lumu tipoga titito ke inarak denga.

Pas ka Pol sogoe uti la ke osep Rom ina 8:3

Oglou osep ka tididi Moses ila sogongon vala tipolou itau e osuk ke Ida Tapolngon bitna kovok. Kesua elio epmes ina dong ke pampamu lisak e tidar sogongon tonari vala. E Ida Tapolngon due ite itopolou itau e osuk ke bitna batne ke Otno Arang Yesus. Oglou Ida Tapolngon pagei Yesus ke itosep e ari iye dong langka itosep blang. E iye polou Ida Kasipngen ka kli itosep udo elio epmes ina.

2 Korin 1:24

Ngawaiki imaplau aitno lumu ila dagar kovok. Aurou. Umodong dagar kodong ke aitno lumu ila dagar. E imoboko kap umu ma aitno lumu neser.

2 Korin 13:4

Lokono. Alo ka osep tinilim Krais mana ke ina akai iye didi ila arit kovok. E oku ane Ida Tapolngon ila arit due poga tito ke ina denga. E imeneklep ke Krais e imi kenmi kenmi limem arit kovok. E dau alo ka imodong kap umu ma umeile omur Ida Tapolngon ila arit dong kap imi.

2 Korin 5:21

Alo ka Krais dong ke taklak iye due elio epmes ina kovok. E Ida Tapolngon waiki lua osep deka iye due udo elio epmes ina ina klingen munu pes Krais e iye kasip amunte. Iye due langane ma itakaranga itodong itau e osuk ke bitna batne ke Krais.

Galesia 1:4

Krais didi Ida Tapolngon ka Pmada aitno e soro pampamu ine ma lua ite ke udo elio epmes ina. Iye due langane ma lua ite ke elio soulu ka dong ke taklak ane.

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

Efesus 3:12

Iteneklep ke Krais kesua aitno lite dagar ke iye. Deka itakaranga itawai itau ke Ida Tapolngon e itoulou tarna lite ine kovok. E iteile omur iye klingen udo pelengon kesua batne aitno lite dagar ke Krais.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 9:14

Lama elio tonari dong Krais ina marau mole wan keniye inarak marau. Elio kene gesa vri ke Krais kovok deka ke Ano Itau ka dong vala dong iye pli tarna e mete langka osep tidue elio opmu ina ke iye. E iye due aitno lite polou itau lokono deka aitno lite mter kovok ke elio bitna bitna ka karanga lua ite kovok. E itodue Ida Tapolngon ka dong vala dong ila bokongon.

Hibru 9:26

Langka Krais mete aling pula nogrum ke alo ka Ida Tapolngon tapol wan ka pula keniye lila me iye namani doro aling pula. E alo ane iye polou ke taklak aling kene vala isuk boto ke taim ka Ida Tapolngon due wan ka pula keniye yagos. E iye kar iye tona ke Ida Tapolngon langka wan ka osep tidue elio opmu ina ine ma iye klok osep urok elio epmes ina.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

Jems 5:6

Umomulu osep ka tidue elio itau vala e umodue burwa ke isak. E tikaranga tidangdang umu ine kovok.

1 Pita 3:19

Iye ano e iye la napapra ke osep ka ansak tidong ke omur ka kalabus.

1 Pita 4:1

Oglou Krais polou langka itosep e namani elio soulu ka osep tidue ke iye. Deka ngawaiki umu arit umu e aitno lumu mter langane blang kesua alo ka umanamani agegeng ke osep umawaiki umodue elio epmes ina kovok.

1 Pita 4:6

Ke batne ane osep ka timete kodong tiklingen Ida Tapolngon ila omon itau alo ka dau tidong. E lama timete kodong langka osep taklak ina timete oku ane tidong ansak langka Ida Tapolngon dong ano.

1 Jon 1:9

E langka itapalongo malak ke udo elio epmes ina deka Ida Tapolngon ma sak isak kla. Ida Tapolngon ila elio langane. Iye didi ila pelengon ka iye wai ine kodong e due elio itau vala. Ma itopolou itau e osuk ke bitna.