1 Pita 3:17 - Aria New Testament

¹⁷ Langka Ida Tapolngon waiki umanamani agegeng lama umodue elio itau are wan gesa kovok. E elio langane mole elio ka umanamani agegeng langka umodue elio soulu.

1 Pita 3:17 ပူးပေါင်းရင်းမြစ်များ

Matyu 26:39

E iye la isuk boto e munu ke taklak e bitna pes taklak e iye wai itau langane. “Livou langka empi elio soulu ka osep ma tidue ke ngong are itau e dau ngawaiki ngadidi aitno lungong kovok e ngawaiki ngadidi aitno lugom vala.”

Matyu 26:42

E aling orwo iye la isuk boto e wai itau langane. “Livou langka elio soulu ane karanga songon ngong kovok lama nganamani ine ngawaiki ngadidi aitno lugom.”

Aposel 18:21

Mase iye songon isak e wai ke isak langane. “Langka Ida Tapolngon waiki ngabauluk ke umu blang ma ngabauluk ke umu. E langka aurou ma ngabauluk kovok.” Deka iye sep ke sip e sip songon Efesus la.

Aposel 21:14

Pol wai dagar langane deka imeile limem pelengon mter aitno kovok. E imawai langane. “Aurou. Emdidi Ida Puda aitno vala.”

1 Pita 1:6

Oklou aling aling aitno lumu neser ke elio tonari vala. Lama oku ane tokngon bitna bitna polou ke umu e aitno lumu kro ine isuk boto vala.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 2:20

E langka osep tiules umu batne ke elio soulu ka umodue deka umanamani ine e umodong dagar ine elio ane lua umu? Aurou. E langka umodue elio itau vala e dau osep tiules umu ine deka umanamani ine e umodong dagar ine elio ane due Ida Tapolngon aitno itau ke umu.

1 Pita 3:14

E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.

1 Pita 4:15

Umaplau umu itau lama osep tidue agegeng ke umu batne umodue elio soulu. Elio soulu tonari langka umodue burwa ke osep koke umapanako osep urok wan koke umodue elio soulu leklou koke umawaiki umavati e umeile omur ke wan bitna bitna ka osep leklou urok wan vala.

1 Pita 4:19

Deka langane. Langka Ida Tapolngon didi aitno e songon agegeng polou ke ite ma aitno lite dong dagar ke iye e itodue elio itau. Kesua iteile omur Ida Tapolngon ma kere ite itau e didi ila pelengon keniye.