1 Pita 3:11 - Aria New Testament

¹¹ Ma iye pul dogur ke elio soulu e due elio itau vala. Iye arit iye e boko engil ma aitno epen kap osep leklou.

1 Pita 3:11 ပူးပေါင်းရင်းမြစ်များ

Matyu 5:45

Umodue langane ma umodong Pmomu ka dong ke omur heven titno umu. Kesua iye due oklou tito ke osep ka itau e osep ka soulu e iye due aragu duru ke osep ka tidong itau ke bitna e ke osep ka tidong itau ke bitna kovok.

Matyu 5:9

“Osep ka tidue osep leklou aitno lisak tipolou epen pulu aitno lisak itau itau kesua ma osep tisir isak Ida Tapolngon titno.

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Mak 14:7

Langka osep ka urok wan bitna bitna isuk boto vala io ma tidong kap umu aling aling. Deka oklou lange ka umawaiki umodue elio itau ke isak umakaranga umodue. E langka ngong io mase ma ngadong kap umu kovok deka ma umakaranga umodue elio itau ke ngong blang kovok.

Luk 1:79

E bublo ke osep ka tidong ke aivoro e ka metengen kading isak langka wan ano kadinge ma bublongon tonari nis ite ke ekreng ma itodong aitno lite epen.”

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Luk 6:9

Deka Yesus wai ke osep langane. “Ngapmi umu langane. Wansua itau ma itodue ke oklou sabat? Itodue elio itau koke itodue elio soulu? Itolua gute koke itodue asmel ke gute?”

Jon 17:15

E ngawai itau ke wom ma empi isak ke taklak kovok. Aurou. Ngawaiki amplau isak itau ma Satan karanga due pogle ke isak kovok.

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 14:19

Ma itedidi elio bitna bitna ka due aitno lite epen pulu e elio isuk isuk ka ma due aitno lite ila dagar polou dagar lokono.

Pas ka Pol sogoe uti la ke osep Rom ina 5:1

Eknikane itopolou itau e osuk ke Ida Tapolngon bitna kodong kesua batne aitno lite ila dagar la ke Ida Puda Yesus Krais mgo. Deka iye lua ite e due Ida Tapolngon aitno epen ke ite batne ke iye.

Pas ka Pol sogoe uti la ke osep Rom ina 7:19

Ngawaiki ngadue elio itau e ngadue elio itau kovok. E ngadue elio epmes ina bitna bitna ka ngawaiki ngadue kovok.

Pas ka Pol sogoe uti la ke osep Rom ina 7:21

Ngadong langane. E nga-ile omur ke elio gesa ka dong ke pampamu lungong langane. Ngawaiki ngadue elio itau e ngadue elio soulu vala.

Pas ka Pol sogoe uti la ke osep Rom ina 8:6

Silang blang langane. Osep ka aitno lisak mter ke elio epmes ina bitna bitna vala ma timete ine. E osep ka Ano Itau plau isak ma tidue mosongon ka itau dong vala dong e ma aitno lisak tidong epen vala.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

Kolosi 3:15

Krais due aitno lumu epen kap iye. E elio ka aitno lumu epen kap iye nis umu ma umeile omur ke elio bitna bitna ka Krais waiki umodue. Kesua Ida Tapolngon waiki aitno lumu epen pulu e iye waiki elio tonari gom umu e umodong langka umu Krais pampamu ine ka kene vala. E aitno lumu itau ke Ida Tapolngon ine.

1 Timoti 6:18

Amwai dagar ke isak ma tidue elio bitna bitna ka itau ka lua osep leklou. Aling aling ma tidue tovro ke osep ka urok wan isuk boto vala.

Hibru 12:14

Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.

Hibru 13:16

E umodue elio itau ke osep leklou e langka osep urok wan isuk boto vala deka umotuk lumu wan e umolua isak ine. E omtomu uli ke elio tonari kovok kesua elio langane iye langka umodue lumu wan e umakare ke Ida Tapolngon e aitno itau ine.

Jems 4:17

Deka langane. Langka gute ile kodong ke elio itau ka ma iye due e dau iye due kovok iye due elio epmes ina.

1 Pita 3:12

Kesua Ida Puda vati e plau osep ka tidue elio isuk isuk ka itau e iye klingen isak alo ka tiwai itau ke iye. E iye pul dogur ke osep ka tidue elio soulu.”

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.