E Yesus koli wai langane. “Ina lange empmi ngong ke wan ka itau? Ida Tapolngon vala iye itau. Emini e emdidi Moses ila pelengon dagar langka amwaiki omdue mosongon ka dong vala dong.”
E gute ka waiki ila mosongon dong ke taklak ane ma iye bure e ma ila mosongon imina. E gute ka pli tarna e mete kesua batne iye didi ngong e Ida Tapolngon ila omon itau ma ila mosongon dong.
Osep leklou tiwai langane. “Ngadidi Ida Tapolngon aitno itau lokono e ngadue elio isuk isuk ka itau.” E dau langka iye plau ila pelengon ka iye wai ine kovok iye yak iye tona ke elio ka iye wai iye didi Ida Tapolngon. Deka elio ka iye wai iye didi Ida Tapolngon aitno iye elio adai vala.
Umopolou Ida Tapolngon ila osep kodong deka umepli elio soulu bitna bitna. Elio langka umayak osep e umawai pelengon gesa e dau aitno lumu silang ine e aitno lumu rim e umodue adis e lumu pelengon mter osep aitno lisak.