Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Pita 2:7 - Aria New Testament

7 Deka umu ka aitno lumu dagar ke Krais umeile omur iye opmu ka itau lokono. Ida Tapolngon ila pelengon wai blang langane. “Osep ka osep ka tiuri ninu ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu.”

အခန်းကိုကြည့်ပါ။ ကော်ပီ




1 Pita 2:7
26 ပူးပေါင်းရင်းမြစ်များ  

Deka Yesus wai ke isak langane. “Umeritim Ida Tapolngon ila pelengon ka wai langane kovok i? ‘Osep ka tiuri ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu. E Ida Puda due wan tonari polou e aitno lite mter iye itau itau lokono.’


Ma iye due bublongon bublo ke osep ka isak osep Yuda ina kovok e ma osep tidue anit ke lem osep Israel ina.”


E Simeon wai ma Ida Tapolngon aitno itau itau ke isak e wai ke tna Maria langane. “Emklingen. Ida Tapolngon rere mimi ane ma iye due osep Israel ina pula tigene batne ke iye e iye due osep pula titito batne ke iye blang. E iye dong nisngen ke Ida Tapolngon aitno e ma osep pula tiwai soulu ke iye.


E Yesus bitna nekek ke isak e pmi isak langane. “Pelengon ka osep tisogoe ke Ida Tapolngon ila pelengon palma lana ine lange? Pelengon tonari langane. ‘Osep ka tiuri ninu ninu tipli opmu ane. E dau opmu ane iye opmu mgongon ina ka due opmu leklou ka tiuri ninu ine tinepir pulu.’


E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”


“Gute Agripa ka emvri mgo ke omur gesa ngavati ano ka omur heven ina yagos e ngapul dogur ine kovok. Aurou. Ngaklingen ine vala.


E iye wai blang langane. “Ida Tapolngon wai ke osep Israel ina langane. ‘Oglou kodong ngawaiki aitno lite epen pulu e dau umopul dogur ke ngong e talapmu klingen lou pelengon kovok.’”


Umepmi Ida Tapolngon ma iye lua ngong itau. Ma iye dangdang osep epmes ina ka tidong ke omur Judia lama tidue elio soulu ke ngong. E umepmi Ida Tapolngon ma iye due osep Jerusalem ina aitno lisak itau ke bokongon ka ngalua isak ine.


Ke osep ka ma kla ke omur hel amnangan tonari langka wan ka mete ila amnangan e ke osep ka Ida Tapolngon lua isak kodong amnangan tonari langka wan ka ila mosongon dau dong ila amnangan itau. E sei karanga ke bokongon tonari? Imakaranga ine kovok.


Umeneklep ke Krais deka umodue mosongon ka lokono lokono batne ke iye. Ila arit ombatno e iye mole e plau ano ka pula keniye ka tiplau wan bitna bitna.


Emile oglou ite blang iteile omur ke Ida Tapolngon kovok e itotuk ila pelengon. Alo ari Satan pagolgol aitno lite deka itedidi Ida Tapolngon ila pelengon kovok. Deka itodong langka elio epmes ina plau ite e itedidi elio soulu. E aitno lite itau ke elio soulu e itedidi pampamu lite. Itedidi elio ka aitno lite amnga e aitno lite soulu ke osep leklou e itangale urok wan bitna bitna. Aitno lite engil ke osep e aitno lisak engil ke ite blang.


Apmang Rahap ka iye apmang ekreng palma ina aitno dagar ke Ida Tapolngon. E iye lua osep esim ina orwo ka time ma tivati armok tonari. Deka iye mete kap osep armok ina ka tipli Ida Tapolngon kovok. Aurou.


Deka ite arit ite ma itakaranga itesep ke omur ka itomtong ine. Lama gute gesa airavu ke ite karanga sep ke omur tonari kovok kesua iye didi elio soulu ka oglou osep Israel ina tidue.


Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.


Umopolou ke Ida Puda ka iye dong langka opmu ka ila mosongon dong ine. Osep pula tipli iye e dau Ida Tapolngon rere iye e vati iye langka wan ka itau lokono.


E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ