1 Pita 2:6 - Aria New Testament

⁶ Oglou osep tisogo Ida Tapolngon ila pelengon ka wai langane. “Ngadue opmu ka due ninu nepir pulu dong ke omur Saion. E ngarere iye e iye itau itau lokono. E osep ka aitno lisak dagar ine ma iye due elio itau ke isak e didi ila pelengon dagar ka iye wai ine e isak mnak isak ine kovok.”

1 Pita 2:6 ပူးပေါင်းရင်းမြစ်များ

Matyu 12:18

“Umavati. Ngarere gute ane ma iye boko ke ngong. Ngong lana ngong ke iye e aitno lungong itau ke wan ka iye due. Ma ngakar iye Anngong e iye napapra osep ka pula keniye ke elio ka ma ngadue elio itau ke isak.

Mak 12:10

Deka Yesus wai blang langane. “Lange? Umeritim Ida Tapolngon ila pelengon ka gute napaprangan ina gesa sogo ine koke aurou? Iye sogo langane. ‘Osep ka tiuri ninu tipli opmu are. E dau opmu are iye opmu mgongon ina ka due opmu leklou ka tiuri ninu ine tinepir pulu.

Luk 20:17

E Yesus bitna nekek ke isak e pmi isak langane. “Pelengon ka osep tisogoe ke Ida Tapolngon ila pelengon palma lana ine lange? Pelengon tonari langane. ‘Osep ka tiuri ninu ninu tipli opmu ane. E dau opmu ane iye opmu mgongon ina ka due opmu leklou ka tiuri ninu ine tinepir pulu.’

Luk 23:35

Osep tivri e tipalem wan ka polou e osep kaunsil ina tidue apok ke iye e tiwai langane. “Iye lua osep leklou e oku ane langka iye gute ka Ida Tapolngon rere Krais ma iye lua osep ma iye lua iye tona blang.”

Jon 7:38

Ane langka Ida Tapolngon ila pelengon ka wai langane. ‘Langka gute aitno dagar ke ngong ma aki ka mosongon ina polou ke aitno e baser la.’”

Aposel 1:16

Deka Pita wai ke isak langane. “Sipmi. Umoklingen lou pelengon ane. Oglou Ano Itau due Devit aitno deka iye sogo ke Judas ila elio ma iye due ke Yesus. Mase Yesus dong deka Judas la mgo ke osep e iye lai Yesus ina eriar langka oglou Devit sogo ine.

Pas ka Pol sogoe uti la ke osep Rom ina 10:11

Ida Tapolngon ila pelengon wai osep keniye ka aitno lisak dagar ke Inarak Luangan Yesus ma isak mnak isak ine kovok.

Efesus 1:4

Oglou oglou ari alo ka Ida Tapolngon dau tapol taklak ka pula keniye kovok iye rere ite ka ila osep kodong ma iteneklep ke Krais. Iye rere ite ma itodong itau lokono e ma elio kene gesa vri lite kovok.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

2 Timoti 3:16

Ida Tapolngon Ano Itau due osep aitno lisak deka tisogo Ida Tapolngon ila pelengon. E pelengon tonari parere ite ke wan ka lokono e nis ite ke udo elio isuk isuk ka dau itau kovok e mosi udo elio isuk isuk tonari e parere ite ma itodue elio isuk isuk ka itau vala.

1 Pita 2:4

Umopolou ke Ida Puda ka iye dong langka opmu ka ila mosongon dong ine. Osep pula tipli iye e dau Ida Tapolngon rere iye e vati iye langka wan ka itau lokono.

1 Pita 2:8

E Ida Tapolngon ila pelengon silang blang wai langane. “Osep kamsak tinaplai ke opmu ane deka tigene ine.” Kamsak tinaplai e tigene kesua aitno lisak dagar ke Ida Tapolngon ila pelengon kovok. Agegeng ane langka oglou Ida Tapolngon wai ma polou ke isak.

2 Pita 1:20

Mgo ngawaiki umeile omur ke pelengon ane. Itakaranga itedidi ite tona aitno lite ma itawade Ida Tapolngon ila pelengon ka osep napaprangan ina tisogoe kovok.

2 Pita 3:16

Iye sogo ke elio tonari ke ila pas keniye. E alo ka itedidi ila sogongon leklou ite opru ite ma iteile omur ke ila pas lana ine. E osep leklou aitno lisak kaka e aitno lisak orwo ke Ida Tapolngon deka tipagolgol sogongon tonari lana ine. Eriar langka tipagolgol Ida Tapolngon ila pelengon keniye lana ine. E agegeng ma polou ke isak ine.