1 Pita 2:24 - Aria New Testament

²⁴ Krais mana ke ina akai e mete e kasip amunte. E Ida Tapolngon due udo elio epmes ina munu pes Krais pampamu ine ma aitno lite oglou ina mete e itakaranga itodue elio itau e osuk vala. Osep timluk Krais e pampamu ine amal amal ma iye lua ite ma itopolou itau blang.

1 Pita 2:24 ပူးပေါင်းရင်းမြစ်များ

Matyu 27:26

Deka Pailat songon Barabas ke isak e wai ma osep tiules Yesus deka tikar iye ke osep ma tinilim iye ke ina akai.

Matyu 5:20

Ngawai lokono ke umu langane. Langka lumu elio itau ke Ida Tapolngon bitna e mole osep Farisi ina e osep ka tile itau ke Moses ila sogongon urok elio kovok ma umesep ke omur heven ka Ida Tapolngon plaue kovok.”

Matyu 8:17

Iye due langane ma pelengon ka gute napaprangan ina Aisaia wai ine polou lokono. Iye wai langane. “Iye due udo paiangan yagos e due ite itopolou itau blang.”

Mak 15:15

Pailat klingen urok pelengon deka iye didi aitno lisak ine kesua iye waiki aitno lisak itau ke iye. Deka iye songon Barabas ke kalabus deka iye la. Deka Pailat kar pelengon ke osep ola ina ma tiules Yesus omba. Iye wai ma isak tiules iye ma yagos deka ma tinilim kamla e limla ke ina akai ma iye mana ine e mete.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 19:1

Deka Pailat wai ma osep ola ina tiules Yesus.

Aposel 10:35

Eknikane Ida Tapolngon aitno itau ke osep ka pula keniye ka tidong ke omur ka pula keniye ka tidue anit ke iye e tidue elio itau.

Aposel 10:39

Imavati ila elio keniye ka iye due ke osep Yuda ina urok omur e ke Jerusalem. Tidue burwa ke iye deka iye mana ke ina akai deka mete.

Aposel 13:29

Osep ari tidue burwa ke iye eriar langka oglou osep napaprangan ina tisogo ine deka urok sogongon polou lokono. Deka osep leklou tipi nil ke kamla e limla e tidue duru ke ina akai deka tipaur pampamu ine la munu ke ina denga.

Aposel 5:30

Oglou umodue agegeng ke Yesus e umenilim kamla e limla ke ina akai deka iye mana ine e mete. Iye mete deka udo seia Inarak Tapolngon ila arit due Yesus poga tito ke ina denga.

Pas ka Pol sogoe uti la ke osep Rom ina 6:11

E Ida Tapolngon waiki aitno lumu mter umemete ma elio epmes ina plau umu blang kovok. E silang blang iye waiki ma umodue elio epmes ina bitna bitna aling kene blang kovok. Ida Tapolngon waiki aitno lumu mter umodong kap Yesus Krais e iye waiki umodue elio isuk isuk langka iye due.

Pas ka Pol sogoe uti la ke osep Rom ina 6:13

E umadangdang pampamu lumu lama umodue elio epmes ina bitna bitna ine. Umadangdang pampamu lumu keniye ma umodue elio epmes ina ine kovok. Ida Tapolngon waiki pampamu lumu dong itau vala. Kesua umodong eriar langka osep ka oglou timete deka mase tipoga titito ke inarak denga. Ma umakar pampamu lumu ke Ida Tapolngon ma iye plau isak e ma umodue elio itau ine vala.

Pas ka Pol sogoe uti la ke osep Rom ina 6:16

E umeile omur langka umawaiki gute gesa vri mgo ma iye plau umu ma umoklingen ila pelengon e ma umodue ila bokongon. Deka umopolou lumu plaungan tonari ila osep bokongon ina umu. E silang blang langane. Langka umedidi elio epmes ina vala ma elio epmes plau umu e ma umemete ine. E langka umedidi Ida Tapolngon ila elio itau vala ma iye due umu umopolou itau e osuk ke bitna.

Pas ka Pol sogoe uti la ke osep Rom ina 6:2

Aurou. Ma itodue elio epmes ina kovok. Kesua itemete kap Yesus kodong. E ma itodue elio epmes ina bitna bitna kovok kesua osep ka timete kodong tikaranga tidue elio epmes ina kovok.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

Pas ka Pol sogoe uti la ke osep Rom ina 6:7

Kesua osep ka timete kodong elio epmes ina ila arit karanga plau isak blang kovok.

Pas ka Pol sogoe uti la ke osep Rom ina 7:6

E eknikane itodong langka itemete kap Yesus kodong. Itemete kap Yesus deka Moses ila sogongon karanga plau ite blang kovok. Kesua itemete ine kodong. E eknikane Ida Tapolngon kar ite elio oku ina ka Ano Itau ka karanga plau ite vala.

1 Korin 15:3

Pelengon ka omba lokono ka oglou Ida Puda kare ke ngong io ngakare ke umu langane. Krais mete ma klok udo elio epmes ina langka oglou Ida Tapolngon ila pelengon wai ine.

2 Korin 6:17

E Ida Puda wai blang langane. “Umosongon isak e umo-dong mawa ke isak lama umeneklep ke elio soulu. E ma aitno lungong itau ke umu ka lou osep.”

Galesia 3:13

Moses ila sogongon wai langane. “Ite ka pula keniye itedidi Moses ila sogongon keniye kovok e ma iteimina.” E Krais lua ite alo ka iye mana ke ina akai e mete e kasip amunte. Ida Tapolngon ila pelengon wai langane. “Ida Tapolngon vati osep ka timana ke akai langka osep ka agegeng polou lisak.”

Efesus 5:9

Osep ka tidong ke bublongon tidue elio ka itau e urok pelengon keniye lokono vala.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Kolosi 2:14

Oglou itadar Ida Tapolngon ila pelengon e itodue elio epmes ina bitna bitna ka tivri lite e iye sogo ite kente kente udo elio soulu ke ila buk. Deka alo ka Ida Tapolngon klok udo elio epmes ina la ane langka iye sak udo elio epmes ina ke ila buk ma isak yagos e tivri lite kovok. Elio ka iye lua ite langka iye nilim udo elio epmes ina bitna bitna ke Krais ina akai deka isak yagos.

Kolosi 2:20

Umemete kap Krais kodong e ano ka tiplau taklak ane tiplau umu kovok. Deka ina lange umu dau umelila langka isak dau tiplau umu? Ina lange umedidi urok pelengon bitna bitna?

Kolosi 3:3

Umemete kodong kap Krais e umeneklep ke iye. E umeile omur ke lumu mosongon itau keniye dau kovok e mase ma Ida Tapolngon due mosongon tonari polou malak.

Hibru 10:10

Yesus Krais didi Ida Tapolngon aitno deka pli tarna e mete langka iye wan ka osep tidue elio opmu ina ine. Iye due langane aling kene vala e Ida Tapolngon klok udo elio epmes ina la deka itopolou Ida Tapolngon ila osep batne ke iye.

Hibru 10:5

Alo ka Krais me ke taklak iye wai ke Ida Tapolngon langane. “Amwaiki osep tidue elio opmu ina koke tipaur wan bitna bitna ke wom kovok. Aurou. E emkere pampamu lungong vala ma ngadong ine.

Hibru 12:13

E umelila ke ekreng ka osuk ma kopmu sasi kovok. Aurou. Ma tipolou itau vala.

Hibru 7:26

Yesus iye udo gute loulou ina ka karanga lua ite ke udo elio isuk isuk keniye. Iye due elio itau vala e elio soulu gesa vri ke iye kovok. E Ida Tapolngon vati iye dong itau lokono vala. Ida Tapolngon due tito la ke omur heven e iye dong mawa ke osep epmes ina.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

Jems 5:16

E umawai malak pulu ke lumu elio epmes ina e umawai itau ke Ida Tapolngon ke lumu saten. Umodue langane deka Ida Tapolngon ma lua umu e due umu ka umapaia umopolou itau blang. Langka gute gesa ka dong itau e osuk ke Ida Tapolngon bitna wai itau ma Ida Tapolngon koli ila pmingen e lua iye ke wan ka iye pmi ine.

1 Jon 2:29

Umeile omur Krais dong itau e osuk. E osep ka tidue elio isuk isuk ka itau tipolou Ida Tapolngon ila osep kodong.

1 Jon 3:7

Lou mimi daudeng. Umaplau umu itau lama osep tiyak umu. Gute ka aling aling iye due elio ka itau e osuk vala dong itau e iye dong osuk ke Ida Tapolngon bitna eriar langka Krais dong itau e osuk.

Pelengon kukwopngon 22:2

Aki suong airavu ke armok ina ekreng omba. E ke aki tonari burla e burme akai dong ka isak akai ka mosongon ina. E akai tiusu otna aling songotno orwo ke tobor kene kene. Akai tiusu otna ke taiko kene kene e akai tonari urok elilo lua osep ka tidong ke omur omur ke taklak ke inarak paiangan.