1 Pita 2:12 - Aria New Testament

¹² Umodong airavu ke osep epmes ina e ngawaiki umodue elio isuk isuk ka itau vala. Umodue elio itau vala e langka tisin elio soulu vri ke umu ma tivati lumu elio itau e ma tikakai Ida Tapolngon angaine tito la egim ke oklou ka iye ma me e wade osep ine.

1 Pita 2:12 ပူးပေါင်းရင်းမြစ်များ

Matyu 10:25

Langka osep disaipel urok elio eriar langka urok parere-ngen are itau e langka osep ka wokboi nating urok elio eriar langka inarak puda are itau blang. Langka osep tisir ngong Belsebul ma tiwai langane ke umu blang.”

Matyu 5:11

“Alo ka osep tiwai soulu ke umu e tiwai pelengon soulu ka yakngan ke umu e tidue agegeng ke umu kesua umu lou osep aitno lumu itau itau.

Matyu 5:16

Umobublo langka lam ma osep tikaranga tivati lumu elio itau e tikakai Pmomu ka dong ke omur heven angaine.”

Matyu 9:8

Alo ka osep pula pula tivati elio ka Yesus due tilim ke iye e tikakai Ida Tapolngon angaine kesua iye kar arit langane ke osep.

Luk 1:68

“Ma itakakai Ida Puda ka Ida Tapolngon angaine tito la egim. Iye osep Israel ina Inarak Tapolngon e iye me ke ila osep e kli urok elio epmes ina.

Luk 19:44

Ma tiuri umu kap titnomu ke taklak ma umemete ke armok aitno. Ma tidardar lumu ninu ma opmu kene napal munu ke opmu silang kovok. Ma tidue langane kesua batne umeile taim alo ka Ida Tapolngon me e waiki lua umu kovok.”

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Jon 13:31

Alo ka Judas songon ninu kodong Yesus wai langane. “Taim polou ma ngong ka Gute Ka Polou Langka Osep lou arit e lou elio itau lokono ma polou malak ke osep amtarsak. E ma osep tidue anit ke Ida Tapolngon batne ke Gute Ka Polou Langka Osep.

Aposel 15:14

Saimon wai ke ite ine kodong. Iye wai ke elio ka Ida Tapolngon aitno kro mgongen ke osep ka isak osep Yuda ina kovok deka iye rere isak leklou ma isak ila osep.

Aposel 24:13

Elio ka tisine vri ke ngong batne dong ge? Aurou. Sinngen elio ka tisine vri ke ngong batne dong kovok.

Aposel 25:7

Deka tidue Pol me polou ke Festus bitna. E osep Yuda ina ka oglou tisongon Jerusalem e time kodong tivri lelei ke Pol e tisin elio soulu lokono pula vri ke iye. E urok sinngen elio adai vala kesua batne dong ine kovok.

Aposel 28:22

E imi ane imawaiki imeklingen lem pelengon ma imeile aitno lugom. Kesua osep ka pula keniye tiwai soulu ke osep ka tididi elio oku ina.”

Pas ka Pol sogoe uti la ke osep Rom ina 12:17

Langka osep tidue elio soulu ke umu umokoli urok elio soulu batne kovok. Aling aling aitno lumu mter ma umodue elio ka osep pula aitno lisak mter isak elio itau.

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Pas ka Pol sogoe uti la ke osep Rom ina 14:18

E gute ka didi Krais ila elio tonari ma Ida Tapolngon aitno itau ke ila elio e ma osep pula aitno lisak itau ke iye blang.

Pas ka Pol sogoe uti la ke osep Rom ina 15:9

Silang blang langane. Krais me ma iye lua osep leklou ka isak osep Yuda ina kovok. Deka ma tikakai Ida Tapolngon angaine kesua batne aitno due isak e iye lua isak. Ida Tapolngon ila pelengon wai lang-ane. “Krais wai ke Ida Tapolngon langane. ‘Ma ngakakai angain wom airavu ke osep ka isak osep Yuda ina kovok. Ma ngadue sakul ka kakai angain wom.’”

1 Korin 14:25

E ila elio soulu ka dong kukwop ke aitno ma polou malak. Deka iye ma grum kamla e due otuk ine duru ke taklak e ma lotuim Ida Tapolngon. Deka iye ma wai malak langane. “Ngaile omur Ida Tapolngon dong kap umu.”

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 13:7

Imawai itau ke Ida Tapolngon ma iye lua umu ma umodue elio soulu kovok. Langka osep aitno lisak itau ke limem bokongon koke aitno lisak soulu ine are wan gesa kovok. Wan ka omba langane. Imawaiki umodue elio itau.

2 Korin 8:21

Kesua imawaiki imodue wan ka itau e osuk ke Ida Puda bitna e ke osep amtarsak blang.

Efesus 2:3

Oglou ite blang itodong kap osep tonari e itodong soulu eriar langka isak tidong soulu. E itedidi aitno lite oglou ina e itodue elio epmes ina bitna bitna ka aitno lite mter ine e pampamu lite waiki itodue. Deka itanamani ine kesua Ida Tapolngon aitno engil lite eriar langka aitno engil ke osep epmes ina keniye.

Efesus 4:22

Deka umosongon lumu elio epmes ina bitna bitna ka oglou tiplau umu. Umosongon elio tonari kesua elio epmes ina bitna bitna tonari due aitno lumu soulu lokono e paiavu umu.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Filipai 4:8

Sipmi. Ngawaiki ngawai ke umu sasi boto blang deka lou pelengon yagos. Ngawaiki aitno lumu mter ke elio ka lokono vala e elio ka osep tidue anit ine e elio ka osuk ke osep amtarsak. E elio ka Ida Tapolngon aitno itau ine e elio ka due osep lana isak pulu e elio ka osep aitno lisak itau ine. Aitno lumu mter ke elio ka itau lokono e elio ka due osep aitno lisak itau ine.

1 Tesalonaika 4:12

Umoboko langane deka lumu wan bitna bitna tidong e ma umepmi osep leklou ma tilua umu kovok. E silang blang osep ka tidong dogur ke sios ma tidue anit ke umu kesua lumu elio itau.

1 Timoti 2:2

E itepmi iye blang ke osep ka tivri mgo ke omur omur e ke osep gavman ina blang. E ite ka pula keniye ma itodong itau e aitno lite dong epen pulu. Ma itodue anit ke Ida Tapolngon e itedidi elio itau ka Ida Tapolngon aitno itau ine.

1 Timoti 4:12

E Timoti. Ngap tobor pula kovok. Deka langka osep tiwaiki tiklingen ke wom kovok are itau kovok. E dau aitno lugom kro ine kovok. Omdue elio itau vala ma osep Kristen tivati lem elio e ma tikanae. Ma omdue elio itau ke lem pelengon e ke lem mosongon e ke elio ka wom lana wom ke osep leklou. E aitno lugom dong dagar ke Yesus e amdangdang pampamu lugom ke elio epmes ina bitna bitna.

1 Timoti 5:10

E isak langka apmang ka osep tile isak tidue elio itau vala. Ngawai ke elio itau langka tiplau titorok itau e tikar ngangon ke osep kaulei e tidong moli e tilua osep Kristen leklou. E tilua osep ka agegeng polou ke isak e tidue bokongon bitna bitna blang ka itau. Ma omsogo apmang ka langane angainsak.

Hibru 13:18

Aling aling umawai itau ke imi ma Ida Tapolngon lua imi. E imeile omur wan gesa vri ke imi kovok e aling aling imawaiki imodue elio itau vala.

Hibru 13:5

E aitno lumu mter langka umawaiki umodue mani vala kovok. E aitno lumu epen ke wan ka dong kap umu. Kesua Ida Tapolngon ila pelengon wai langane. “Ma ngasongon umu kovok e ma umodong adai vala kovok.”

Jems 3:13

Gute gesa dong kap umu ka aitno mter itau ke elio bitna bitna e ila ilengen itau koke aurou? Langka gute langane dong kap umu ma iye due elio isuk isuk ka itau e iye pes iye tona. Deka osep ka tivati iye ma tile gute tonari ile omur itau.

1 Pita 2:15

Ida Tapolngon waiki umodue elio ka itau e osuk. Umodue langane deka osep ka kaka tikaranga tiwai ulik ulik ke lumu elio kovok.

1 Pita 3:16

E ngawaiki umodue elio itau vala ma elio gesa pes umu kovok. Deka langka osep tisin elio soulu vri ke umu e tiwai soulu ke lumu elio itau ka umodue batne ke Krais ma isak mnak isak ke urok pelengon.

1 Pita 4:11

Langka gute due kerengen ma iye napapra ke osep deka iye napapra Ida Tapolngon ila pelengon vala. E langka gute due kerengen ma iye lua osep leklou ke bokongon bitna bitna deka ma iye didi Ida Tapolngon ila arit ine. Umodue langane ma wan ka pula keniye ka umodue kakai Ida Tapolngon angaine tito la egim batne Yesus Krais dong. Krais angaine omba lokono e ila arit dong vala dong. Lokono.

2 Pita 3:11

Ngawaiki aitno lumu mter itau. Mase wan tonari ma polou yagos e oku ane umu kenmu kenmu umodue elio isuk isuk ka lange? Ma umodue elio isuk isuk ka itau ka Ida Tapolngon aitno itau ine.