1 Pita 2:1 - Aria New Testament

¹ Umopolou Ida Tapolngon ila osep kodong deka umepli elio soulu bitna bitna. Elio langka umayak osep e umawai pelengon gesa e dau aitno lumu silang ine e aitno lumu rim e umodue adis e lumu pelengon mter osep aitno lisak.

1 Pita 2:1 ပူးပေါင်းရင်းမြစ်များ

Matyu 15:7

Umu osep ka aitno lumu orwo. Gute Aisaia napapra lokono ke umu langane.

Matyu 23:28

E umu blang umodue elio ma osep tivati umu langka umu osep itau e osuk e dau aitno lumu orwo e umu osep epmes ina blang.”

Matyu 24:51

E ma iye ules iye omba e due dong kap osep ka aitno lisak orwo. Ke omur ari osep tikngis omba e tisak orsak erine pulu kesua tarna lisak doro doro lokono.”

Matyu 7:5

Wom gute yakngan ina. Wan ka itau langane. Mgo empi akai palma omba ke emtem deka amkaranga amvati malak ma empi group ka dong ke gute silang bitna.”

Mak 12:15

Osep tonari tipmi Yesus langane e iye ile omur ke urok yakngan. Deka iye wai ke isak langane. “Ina lange umotok ngong? Umodue mani gesa ka itekli wan bitna bitna ine me ma ngavati.”

Luk 11:44

Aisudo ke umu osep Farisi ina. Kesua umu langka denga ka osep tivati kovok e tilila ine e tile ine kovok e ke elio ane tipolou amum ke Ida Tapolngon bitna.”

Luk 12:1

E alo ari osep pula pula langka tausen tausen tiduni pulu are e kamsak tipes pulu. Deka Yesus wai ke ila disaipel langane. “Umaplau umu itau ke osep Farisi ina urok elio ka langka yis. Yis tonari elio ka aitno lisak orwo e tiwaiki tiyak osep ke urok elio lokono.

Luk 6:42

Koke langka akai palma omba dong ke omtomu lange umakaranga umawai ke supmu langane? ‘Ma imepi group ka dong ke omtomu.’ E dau umeile akai palma omba dong ke omtomu kovok. Umu ka aitno lumu orwo e umayakyak umodue langane. Mgo umepi akai palma omba ka dong ke omtomu deka umakaranga umepi group ka dong ke supmu amtarsak.”

Jon 1:47

Alo ka Yesus vati Nataniel me olwo boto iye wai langane. “Gute ane gute Israel ina lokono e elio yakngan dong ke iye kovok.”

Pas ka Pol sogoe uti la ke osep Rom ina 1:29

Osep ari tidue elio bitna bitna ka itau kovok. Aurou. Tidue elio bitna bitna ka elio epmes ina vala. Tingale osep urok wan e tidue elio soulu bitna bitna pulu. Aitno lisak rim ke osep urok wan e tidue burwa ke osep. Isak amnga isak pulu e tiyak osep ma tipi urok wan. E tipaiavu osep e tidue adis.

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

1 Korin 5:8

Ane langka pelengon ano ka la ke udo mosongon. Udo mosongon ma didi osep ka tikere isak ke oklou tonari. Ma itosongon udo elio isuk isuk ka soulu. Langka gute gesa ka sapir yis ka oglou ina la ke ila ninu alo ka timosi isak ke urok rogo ina oklou. E ma itedidi elio langka itawai deka itedidi udo pelengon lokono. Elio tonari ma dong langka bret oku ka yis dong ine kovok.

2 Korin 12:20

Ma ngapolou ke umu e dau aitno lungong nesik lama lumu elio langka elio ka ngawaiki umodue kovok. E silang blang ngawaiki aitno lumu itau ke lou elio blang. Aitno lungong kro lama ngavati elio soulu ke umu ka langane. Opmu mluk pulu e aitno lumu rim ke osep leklou e aitno lumu nevlik amnga. E aitno lumu mter ke umu kenmu kenmu vala e umawai soulu ke osep e umodue adis. E aitno lumu mter langka umomole osep leklou e umodue elio ulik ulik vala.

Efesus 4:31

Umosongon elio ka amnga umu ke osep leklou. Umosongon elio ka aitno lumu nevlik amnga ke osep. Umosongon elio ka aitno lumu engil ke osep. Umosongon elio ka umawai omba e opmu tuk pulu kap osep e ke elio ka umoblou osep dogursak. Umosongon elio ka aitno lumu soulu ke osep. Umodue elio gesa ka soulu sakam.

1 Tesalonaika 2:3

E alo ka imawai ke umu imedidi pelengon yakngan kovok. E imodue elio soulu kovok e imayakyak umu kovok. Aurou.

1 Timoti 3:11

Gute tonari esna blang ma aitno mter ke elio itau ma iye due. E iye due adis e kopuk gute silang dogurne kovok. Iye inim aki dagar ma bitna balilu kovok e boko itau ke wan keniye ka iye due.

Taitus 2:3

E amparere apmang ka namormor blang ma tidue elio ka Ida Tapolngon aitno itau ine vala. Ma tidue adis ke osep leklou kovok. Aling aling tinim aki dagar ma amtarsak balilu kovok. E tiparere apmang pasinga oku ina ke elio itau vala.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Jems 1:21

Deka umasapir wan bitna bitna ka soulu e elio keniye ka soulu ka polou ke umu. E umepes umu kenmu kenmu e umedidi Ida Tapolngon ila pelengon ka dong ke aitno lumu. Kesua pelengon tonari karanga lua umu ke lumu elio epmes ina.

Jems 3:14

E langka aitno lumu rim ke osep leklou e aitno lumu vri ke umu kenmu kenmu deka umakakai angainmu kovok. Kesua langka aitno lumu langane umayak umu tona e umedidi pelengon ka lokono kovok.

Jems 4:11

Sipmi. Umawai soulu ke Ida Tapolngon ila osep leklou kovok. Gute ka wai soulu ke ila aten koke wade ila aten iye wai soulu ke Moses ila sogongon e wade sogongon tonari blang. E langka amwade Moses ila sogongon ane langka emdidi sogongon tonari kovok e omdong ommgo e amwade sogongon tonari.

Jems 4:5

Ida Tapolngon ila pelengon wai langane. “Ida Tapolngon kar Ano Itau ke ite deka Ano Itau aitno kro ke ila osep lama aitno lisak la ke wan ka taklak ina vala.” Aitno lumu lange? Ida Tapolngon ila pelengon tonari pelengon adai? Aurou.

Jems 5:9

Sipmi. Ngawaiki umongurngur pulu kovok. Kesua langka umodue elio langane Ida Tapolngon ma wade umu ine. Umoklingen. Isuk boto Ida Tapolngon ka wade ite ma me.

1 Pita 2:16

Umodong fri e dau ngawaiki aitno lumu mter langane kovok. Itodong fri e itakaranga itodue elio soulu bitna bitna ka itawaiki itodue. Aurou. E ngawaiki umodong Ida Tapolngon ila wokboi nating.

1 Pita 2:22

Iye due elio epmes ina gesa kovok e iye wai pelengon yakngan kovok.

1 Pita 3:10

Ida Tapolngon ila pelengon wai langane. “Gute ka waiki dong itau e waiki elio itau polou ke iye ma iye wai soulu kovok e yakyak kovok.

1 Pita 4:2

E oku ane la lama iding ke alo ka lumu maglakngan yagos umedidi elio bitna bitna ka pampamu lumu waiki umodue kovok. Aurou. Umedidi Ida Tapolngon aitno vala.

1 Pita 4:4

E oku ane umodue elio soulu bitna bitna tonari kovok. E osep epmes ina tidigrik kesua umodue elio epmes ina kap isak kovok. Deka tiwai soulu ke umu ine.

Pelengon kukwopngon 14:5

Tiyakyak kovok e tidong itau deka elio gesa vri ke isak kovok.