1 Pita 1:8 - Aria New Testament

⁸ Lama oglou umavati Krais kovok dau umu lana umu ke iye. E oku ane lama umavati iye kovok aitno lumu la dagar ke iye. E umeketir omba ke ketirngen ka mole ketirngen ke taklak e umakaranga umawai pelengon ka wai ke ketirngen tonari kovok.

1 Pita 1:8 ပူးပေါင်းရင်းမြစ်များ

Matyu 10:37

“Langka elio ka osep lana isak ke sipmarak koke titnarak koke titorok arang koke titorok apmang omba mole elio ka isak lana isak ke ngong deka tikaranga tidong lou disaipel kovok.

Jon 14:15

“Langka umu lana umu ke ngong ma umeini lou pelengon.

Jon 14:21

Gute ka due lou pelengon e inie iye gute ka iye lana iye ke ngong. E gute ka iye lana iye ke ngong ma Livou lana iye ke gute tonari. E ngong blang ma ngong lana ngong ke iye e nganis ngong malak ke iye.”

Jon 14:24

E gute ka iye lana iye ke ngong kovok iye ini lou pelengon kovok. E pelengon ka ngawai iye lou pelengon vala kovok. Aurou. Pelengon ane Livou ka pagei ngong ngame ila pelengon.”

Jon 16:22

E umu blang langane. Oku ane aitno lumu soulu e mase ma ngavati umu blang deka ma aitno lumu neser. E ma osep tikaranga tidue lumu ketirngen polou yagos kovok.

Jon 20:29

E Yesus wai ke iye langane. “Aitno lugom dagar kesua amvati ngong. E osep ka tivati ngong kovok e dau aitno lisak dagar ke ngong aitno lisak itau itau.”

Jon 8:42

Deka Yesus koli wai ke isak langane. “Langka Ida Tapolngon pmomu lokono ma umu lana umu ke ngong kesua ngasongon iye e ngame ngadong ane. E ngadidi aitno lungong e ngame kovok. Aurou. Iye pagei ngong ngame.”

Aposel 16:34

E iye paur isak ke ila ninu e tisepe deka iye kere isak ke inarak ngangon. E iye gosok osep keniye ka tidong ke ila ninu aitno lisak neser kesua aitno lisak la dagar ke Ida Tapolngon.

Pas ka Pol sogoe uti la ke osep Rom ina 14:17

Ke omur ka Ida Tapolngon plaue wan ka itangene e wan ka iteinime isak wan omba kovok. Aurou. E elio ka itau e osuk e elio ka aitno lite epen pulu e elio ka aitno lite neser ke Ano Itau isak wan ka omba lokono.

Pas ka Pol sogoe uti la ke osep Rom ina 15:13

Ida Tapolngon wai dagar ma iye kar wan ka pula keniye ka itau ke ite deka itapara ine. Aitno lumu dagar ke iye ma iye due aitno lumu itau lokono e due aitno lumu dong epen e ma aitno lumu neser omba lokono. E ke Ida Tapolngon Ano Itau ila arit elio ka umapara ke Ida Tapolngon ma iye kar wan itau ke umu ma polou omba ke umu.

1 Korin 16:22

Langka gute gesa lana iye ke Ida Puda kovok ma agegeng polou ke iye. E ngawaiki Ngau Puda suong me.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

2 Korin 12:4

Alo ka gute tonari sep ke omur heven iye klingen pelengon ka itosep itakaranga itawai ine kovok.

2 Korin 4:18

Aitno lite mter ke wan ka amtada karanga vati ke taklak ane kovok. Aurou. Aitno lite mter ke wan ka omur heven ina ka amtada karanga vati kovok. Kesua wan ka itakaranga itavati isak wan ka tidong sasi boto vala e wan ka itakaranga itavati kovok isak wan ka tidong vala tidong.

2 Korin 5:7

Eknikane itodong batne ke aitno lite ila dagar e batne ke wan ka itakaranga itavati kovok.

2 Korin 9:15

Ida Tapolngon ila makaingan ke ite itau lokono e udo pelengon karanga wai ine kovok. Ma itawai tenkyu ke Ida Tapolngon e itakakai angaine tito la egim ine.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 3:19

Ngawaiki ma umeile omur ke elio ka Krais lana iye ke umu. Elio ka Krais lana iye ke ite mole itosep udo ilengen e itakaranga iteile omur ine kovok. E dau ngawaiki Ida Tapolngon lua umu ke ila elio ka keniye itau lokono ma ila elio bon ke aitno lumu. Deka ngawaiki ma lumu elio isuk isuk tididi ila elio ka itau lokono.

Efesus 6:24

Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.

Filipai 1:25

Aitno lungong dagar ma ngadong kap umu ma ngakaranga ngalua umu ma aitno lumu ila dagar res polou omba e aitno lumu neser ine.

Filipai 3:3

Ite vala Ida Tapolngon titno lokono e itolotuim Ida Tapolngon batne ke Ano Itau ka iye kar iye ke ite. Aitno lite neser kesua iteneklep ke Krais Yesus. E aitno lite mter ke elio bitna bitna ka itakaranga itodue kovok. Aurou.

Filipai 4:4

Aling aling aitno lumu neser kesua umeneklep ke Ida Puda. E ngawai lumu blang langane. Aitno lumu neser ke Ida Puda.

Hibru 11:1

Aitno lite ila dagar lana ine langane. Aitno lite dagar langka wan bitna bitna ka itapara ine ka Ida Tapolngon wai ine kodong ma polou. E aitno lite dagar langka wan bitna bitna ka dau itavati isak kovok mase ma itavati isak.

Hibru 11:27

Moses aitno dagar ke Ida Tapolngon deka iye songon omur Isip la. E iye ulou ke gute ka vri mgo ke omur Isip ka aitno engil ke iye kovok. E langane. Itosep itakaranga itavati Ida Tapolngon kovok e dau Moses dong dagar langka iye karanga vati iye.

1 Pita 1:6

Oklou aling aling aitno lumu neser ke elio tonari vala. Lama oku ane tokngon bitna bitna polou ke umu e aitno lumu kro ine isuk boto vala.

1 Pita 2:7

Deka umu ka aitno lumu dagar ke Krais umeile omur iye opmu ka itau lokono. Ida Tapolngon ila pelengon wai blang langane. “Osep ka osep ka tiuri ninu ninu tipli opmu are. E dau opmu are opmu mgongon ina ka due opmu leklou ka tiuri ninu ine tinepir pulu.”

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.