1 Pita 1:25 - Aria New Testament

²⁵ E Ida Puda ila pelengon dong vala dong.” Pelengon ane omon itau ka osep tinapapra ke umu.

1 Pita 1:25 ပူးပေါင်းရင်းမြစ်များ

Matyu 5:18

Ngawai lokono ke umu langane. Lama taklak e sirva isak yagos leta kene koke leta emkil kene ke Moses ila sogongon ma polou yagos kovok la lama sogongon tonari polou lokono.

Luk 16:17

E dau langka taklak e sirva tipolou yagos ane engil sasi boto. E langka leta daudeng ke Moses ila sogongon polou yagos ane wan ka engil lokono.”

Jon 1:1

Oglou oglou ari alo ka Ida Tapolngon dau tapol wan gesa kovok gute ka ina sirngen Ida Tapolngon Ila Pelengon dong kap iye e gute tonari iye Ida Tapolngon blang.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

1 Korin 2:2

Aitno lungong langane. Alo ka ngadong kap umu aitno lungong mter ke wan silang blang kovok. Aurou. Aitno lungong la dagar ke Yesus Krais e elio ka iye mana ke ina akai e mete ine.

Efesus 2:17

E langane. Alo ka Krais me polou ke ite iye napapra Ida Tapolngon ila omon itau e iye napapra ke elio ka aitno lite epen pulu. Iye due langane ke osep Yuda ina ka tidong olwo boto ke iye. E ke osep ka isak osep Yuda ina kovok ka tidong mawa ke iye blang.

Efesus 3:8

E angain ngong omba kovok. Aurou. Ida Tapolngon ila osep keniye angainsak timole angain ngong. Lama langane Ida Tapolngon kere ngong ke ila makaingan. E ngapaur Ida Tapolngon ila omon itau ke umu ka osep Yuda ina kovok. Omon tonari palongo udo ke wan keniye ka itau lokono ka Krais kare ke ite e itakaranga iteile aikovoli ine kovok.

Taitus 1:3

Deka taim ka iye rere kodong iye rere osep leklou ma tinapapra ila omon itau. Deka ke elio langane iye due ila pelengon polou malak ma osep tile omur ine. Deka Ida Tapolngon ka lua ite ke udo elio epmes ina rere ngong ma nganapapra ila omon itau.

Hibru 6:5

E tiklingen Ida Tapolngon ila pelengon leklou e tile pelengon tonari iye pelengon itau. E tile ke Ida Tapolngon ila arit ka ma iye plau osep ine.

1 Pita 1:12

Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

1 Pita 1:23

Umopolou osep oku ina langka mimi edimor batne ke Ida Tapolngon ila pelengon ka umoklingen ine. Ngawai pelengon ano langane. Langka osep tiser wit londo ke yage io londo tonari karanga polou okus. E Ida Tapolngon ila pelengon langka londo ka karanga polou okus kovok. Aurou. E mosongon dong ine e ina yagosngon kovok.

1 Pita 2:2

Langka mimi oku aling aling tiwaiki tinim sisu vala ngawaiki aitno lumu la ke Ida Tapolngon ila pelengon vala. E ila pelengon itau e wan sasi dong ine kovok. E pelengon tonari karanga lua umu ma umopolou ngongle ke aitno lumu ila dagar.

2 Pita 1:19

Imeklingen pelengon tonari e aitno limi dagar ke osep napaprangan ina urok pelengon e imeile omur urok pelengon lokono. E umu blang aitno lumu dagar ke urok pelengon ka langka lam ka bublo ke aivoro. Lam bublo ke aivoro la lama iding ke alo ka gaga tito. Bitna langka langane alo ka Krais dong ke aitno lumu langka gigimo marupo bublo.

1 Jon 1:1

Imawai ke umu ke gute ka iye Ida Tapolngon Ila Pelengon ka ila mosongon dong ke iye. Gute tonari dong oglou oglou ari alo ka Ida Tapolngon tapol wan ka pula keniye. E imeklingen ke gute tonari e imavati iye e imakai iye.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.

Pelengon kukwopngon 14:6

Deka ngavati ensel silang kei la ke sirva. Iye napapra Ida Tapolngon ila pelengon itau ka dong vala dong ke osep ka pula keniye ka tidong ke taklak. Iye napapra ke osep ke omur kene kene e osep ke osua kene kene e ke osep ka tiwai tokples bitna bitna e ke osep ka tarna lisak bitna bitna.