1 Pita 1:17 - Aria New Testament

¹⁷ Alo ka umawai itau ke Ida Tapolngon umesir iye Pmada. E Ida Tapolngon didi elio kene vala e wade ite kente kente udo elio isuk isuk ka itodue. Deka alo ka umu dau umodong ke taklak ane umodong langka osep kaulei e umodue anit ke Ida Tapolngon ke wan ka pula keniye ka umodue.

1 Pita 1:17 ပူးပေါင်းရင်းမြစ်များ

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 22:16

E tivai urok disaipel kap osep leklou ka tiwaiki gute Herot vri mgo ke isak kla ke Yesus e tiwai langane. “Gute parerengen ina imeile amwai pelengon lokono e amparere osep lokono ke wan ka Ida Tapolngon waiki tidue e aitno lugom mter ke osep leklou urok pelengon kovok. E aitno lugom mter langka gute angaine omba koke angaine daudeng.

Matyu 6:9

“Alo ka umawai itau ke Ida Tapolngon umawai langane. ‘Pmemi ka dong ke omur heven omlua imi ma imodue anit ke angain wom.

Pas ka Pol sogoe uti la ke osep Rom ina 11:20

Lumu pelengon langane lokono. E dau elio tonari batne lokono langane. Ida Tapolngon tuktuk osep Israel ina kesua batne aitno lisak dagar ke iye kovok. E Ida Tapolngon due umu umakasip amunsak kesua aitno lumu dagar ke iye. Deka umeile umu itau lama aitno lumu vri ke umu e umakakai umu tona angainmu. Aurou. Ma umodue anit ke Ida Tapolngon vala.

2 Korin 1:2

Ngawaiki Ida Tapolngon ka Pmada kap Ida Puda Yesus Krais timakai umu e tidue aitno lumu epen.

2 Korin 5:6

Aitno lite mter langare e aling aling elio tonari due aitno lite dagar. Kesua iteile alo ka itodong ke pampamu lite ke taklak ane itodong kap Ida Puda ke ila omur kovok.

2 Korin 7:1

Lou saten. Imodue Ida Tapol-ngon ila promis kodong. Deka ma itopul dogur ke elio soulu bitna bitna ka tidue pampamu lite e ante amum. Ma itodue anit ke Ida Tapolngon e itodue elio itau ka aitno itau ine.

2 Korin 7:11

Umeile elio ka Ida Tapolngon due aitno lumu soulu due elio bitna bitna itau tipolou. Elio tonari langane. Umawaiki umomosi pelengon ka mter umu e aitno lumu engil ke gute ka due elio epmes ina. E umodue anit ke Ida Tapolngon e aitno lumu kro ke imi e umoboko dagar ma umomosi gute ka due elio soulu ila elio. Ke wan ka pula keniye ka umodue umenis imi langane. Elio gesa vri ke umu ine kovok.

Galesia 2:6

Osep leklou tidong langka sios ina plaungan. E langka angainsak omba koke angainsak omba kovok are wan gesa kovok ke ngong. Ida Tapolngon aitno mter ke gute angaine kovok. E osep ka angainsak omba tidue pelengon gesa nepir ke lou pelengon kovok.

Efesus 1:17

Ngapmi Pmada ka Ida Puda Yesus Krais Ina Tapolngon ka ila bublongon e ila arit ombatno lokono ma iye due Ano Itau ma lua umu ma aitno lumu mter itau ke ila elio itau. Ma Ano Itau nis umu ke Ida Tapolngon ila elio itau ma umeile omur ke iye.

Efesus 3:14

E langane. Ida Tapolngon due elio itau lokono tipolou ke umu. Deka ke batne langane ngagrum kongu buno duru ke taklak e ngawai itau ke Pmada ine.

Efesus 6:9

Umu ka osep leklou inarak plaungan umodue elio itau ke osep ka tidue lumu bokongon eriar langka tidue elio itau ke umu. Umeiluk isak soulu sakam lama tilim ke umu. Kesua umu ka osep leklou inarak plaungan e umu ka umodue upu gute ila bokongon Upu Puda ka dong ke omur heven iye kene. E iye didi elio kene deka wade osep keniye urok elio ine.

Filipai 2:12

Sipmi. Ngong lana ngong ke umu. E langka oglou umedidi lou pelengon alo ka ngadong kap umu deka eknikane alo ka ngadong kap umu kovok ma umedidi lou pelengon lokono. Ida Tapolngon lua umu ke lumu elio epmes ina kodong deka eknikane umodong dagar ke aitno lumu ila dagar e umodue anit ke Ida Tapolngon e umoboko ma lumu mosongon ke taklak ane dong itau.

Kolosi 3:25

E osep ka tidue elio soulu ma Ida Tapolngon koli batne ke isak. Ma iye didi ila elio itau ka kene vala deka wade osep ka pula keniye ine.

Hibru 12:28

Deka langane. Mase ma itodong ke omur ka Ida Tapolngon plaue e omur tonari karanga nemilmil kovok. Deka ma itawai tenkyu ke Ida Tapolngon e itolotuim iye ke elio ka aitno itau ine. Ma itodue anit ke iye e iteini iye.

Hibru 4:1

E oku ane Ida Tapolngon ila promis dau dong e wai ma itesep ke omur ka itomtong ine. Deka umeile umu itau lama gute gesa dong airavu ke umu ka karanga sep ke omur ka Ida Tapolngon wai dagar ine kovok.

1 Pita 2:11

Sipmi ka ngong lana ngong ke umu. Umodong ke taklak ane langka osep kaulei e langka osep ka tilila ke omur omur deka ngawai dagar ke umu ma umopul dogur ke elio soulu ka pampamu lumu waiki umodue. Kesua aling aling elio soulu waiki mole umu.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.