1 Pita 1:13 - Aria New Testament

¹³ Ke batne langane ngawaiki umekere aitno lumu ma aitno lumu mter ke elio isuk isuk ka umodue e umaplau umu itau. Umu arit umu ma umapara ke kerengen ma umodue alo ka Yesus Krais me polou malak.

1 Pita 1:13 ပူးပေါင်းရင်းမြစ်များ

Matyu 20:4

E iye wai ke isak langane. ‘Umu blang umala umoboko ke lou yage e ma ngakli umu ke klingen itau.’

Luk 12:35

Yesus wai blang langane. “Umopou lumu let e umodong redi e umebik lumu lam ma umakaranga umodue Upu Puda ila bokongon.

Luk 17:30

E elio eriar langane ma dong alo ka Gute Ka Polou Langka Osep ma polou malak ke osep amtarsak.

Luk 17:8

Aurou. Ma iye wai ke iye langane. ‘Emkere ngau ngangon e emtnei lem klos itau e amkar ngangon ke ngong ma ngangen e ngainim. Deka ma amkaranga emngen e eminim.’

Pas ka Pol sogoe uti la ke osep Rom ina 13:13

Ma itodue elio itau vala eriar langka osep tidue ke osep ka pula amtarsak langka ke oklou. Ma itekepis kovok. E ma iteinim aki dagar ma amtada balilu kovok. Ma itodue okwa kovok e ma itodue wan ulik ulik kovok. Ma itodue amnga kovok e ma aitno lite soulu ke gute silang kovok.

Pas ka Pol sogoe uti la ke osep Rom ina 8:19

Eknikane Ida Tapolngon ila duengen keniye dong e para ke alo ka iye nis osep ka pula keniye ke osep ka isak Ida Tapolngon titno.

1 Korin 1:7

­Deka Ida Tapolngon Ano Itau lua umu ke Ida Tapolngon ila kerengen keniye ka iye lua ila osep ine. E kerengen gesa dong kovok ka iye lua umu ine dau kovok. Umodong itau e umapara ke alo ka Ida Puda Yesus Krais ma polou ke omtomu.

1 Korin 13:13

E eknikane elio eklu tidong. Elio ka aitno lite ila dagar dong dagar ke Ida Tapolngon e elio ka itapara ke Ida Tapolngon ma iye due elio itau ke ite e elio ka ite lana ite ke osep leklou. Elio eklu tonari tidong vala. E elio ka mgongon lokono iye elio ka ite lana ite ke osep leklou.

Efesus 6:14

Umodong umekere umu itau. Eriar langka gute ola ina pou let ke palma umopou pelengon lokono ke palma lumu. Eriar langka gute ola ina pou wan langka siot kapa ke omun ine umopou elio ka itau lokono ke omun lumu.

Kolosi 3:4

Krais iye lumu mosongon itau batne e mase alo ka iye polou malak ke osep amtarsak umu blang ma umodong kap iye ke ila bublongon.

2 Tesalonaika 1:7

E ma iye due elio ka osep tidue agegeng ke umu e ke imi blang polou yagos. Ida Tapolngon ma lua ite langane alo ka Ida Puda Yesus kap ila ensel pula ka urok arit omba tisongon omur heven e tipolou malak. Deka iye ma polou ke eiou omba.

2 Timoti 4:5

E wom Timoti aitno lugom mter itau ke pelengon itau e emvri dagar alo ka elio polou ka opru wom. Aling aling amnapapra omon itau ke osep e ambabrum bokongon ka Ida Tapolngon kare ke wom.

2 Timoti 4:8

Mase Ida Puda ma wade osep ka pula keniye ke ila elio ka itau e osuk. E iye ma kar kerengen ke ngong ka iye rere ke osep ka timole resis tonari. Ma iye kar kerengen ke ngong ka iye kare blang ke osep ka urok elio itau e osuk. Ma iye kare ke ngong ke oklou ka iye ma wade osep ka pula keniye urok elio isuk isuk ine. E ma iye kar kerengen ke ngong vala kovok. Aurou. Ma iye kar kerengen ke osep ka pula keniye ka isak lana isak ke iye e tipara ke alo ka iye iding me ma tivati iye.

Hibru 10:35

E eknikane aitno lumu dong dagar langka oglou iye dong dagar. E ma Ida Tapolngon kar ila kerengen ka itau lokono ke umu.

Hibru 3:6

E Krais iye Ida Tapolngon Otno Arang ka didi ila pelengon e plau ila osep itau. Isak langka Ida Tapolngon ila ninu. E Ida Tapolngon ila osep tonari ite. Deka ma itodong dagar e aitno lite ila dagar segesege kovok. Ma itodong itapara ke wan ka mase ma polou.

Hibru 6:19

Elio ka itodong itapara ke wan itau ka Ida Tapolngon wai ine lua aitno lite ma aitno lite ila dagar dong langka anka omba ka lua sip lama boitini bakule. Deka aitno lite ila dagar ma dong dagar vala e itala itesep ke eliang daudeng ka dong batne ke molo ka botom lokono.

Hibru 9:28

Krais mete langka wan ka osep tidue elio opmu ina ine aling kene vala. Deka ma iye polou aling silang blang ma kli udo elio epmes ina aling silang blang kovok. Aurou. Iye ma iding e lua osep ka tipara ke iye.

1 Pita 1:10

Oglou osep napaprangan ina tiwai ke Ida Tapolngon ila luangan ka ma me ke umu. Tinana dagar ke Ida Tapolngon ila pelengon ma tikaranga tile omur ke batne ke elio ka Ida Tapolngon ma lua osep ka aitno lisak dagar ke iye.

1 Pita 3:15

Ma aitno lumu mter itau ke Krais e umodue elio molil molil e umodue anit ke iye kesua iye vala Upu Puda. Aling aling umekere umu ma umakaranga umokoli pelengon ke osep ka tipmi umu ke batne ke aitno lumu ila dagar e ke elio itau ka umapara ine.

1 Pita 4:7

Oku ane isuk boto wan ka pula keniye yagos. E ke batne langane ngawaiki aitno lumu mter itau e umaplau umu itau. Umodue langane ma umakaranga umawai itau ke Ida Tapolngon.

1 Pita 5:12

Ngaile gute Sailas aitno ila dagar dong dagar e iye lua ngong ke pas ane. Ngasogo pas ane kesua ngawaiki ngawai ke umu ke Ida Tapolngon ila makaingan. Ngaile makaingan ane Ida Tapolngon ila makaingan ka lokono deka ngawai malak ine. Ngawaiki ngasruk aitno lumu ma umodong dagar ine.

1 Pita 5:8

Umeile umu itau e umaplau umu itau kesua upu oul Satan lila tamtam langka laion ka wai omba e krim Ida Tapolngon ila osep ma iye due pogle ke isak.

1 Jon 3:3

Osep keniye ka tipara ke alo ka Krais iding me ma tidong itau lokono vala e tidue elio epmes ina kovok langka Krais dong itau lokono e due elio epmes ina kovok.