1 Pita 1:12 - Aria New Testament

¹² Ida Tapolngon nis osep napaprangan ina tonari tiwai ke wan ka ma polou alo ka tidong kovok. Aurou. Tiwai ke wan ka mase ma polou ke umu alo ka tinapapra pelengon ka oku ane umoklingen ine. Mase Ida Tapolngon pagei Ano Itau duru ke omur heven e iye due osep aitno lisak deka tiwai omon itau ke umu. E ensel ka tidong ke omur heven tiwaiki tile omur ke wan tonari ka Ida Tapolngon due ke umu.

1 Pita 1:12 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 11:27

“Livou kar wan ka pula keniye ke ngong e iye vala ile Otno Arang. E Otno Arang kene vala iye ile Ida Tapolngon lokono. E osep leklou ka Otno Arang tonari waiki palongo urok ke Ida Tapolngon ma tile iye blang.”

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Mak 16:15

Deka Yesus wai ke isak langane. “Umala ke omur ka pula keniye ke taklak e umanapapra Ida Tapolngon ila omon itau ke osep ka pula keniye.

Luk 15:10

Ngawai ke umu langane. Eriar langane Ida Tapolngon ila ensel ma tiketir alo ka gute epmes ina kene bauluk aitno.”

Luk 2:26

E Ano Itau nis iye ma iye mete kovok la lama iye vati gute ka Ida Puda rere Krais ka ma lua osep ke urok elio epmes ina.

Luk 9:6

Deka isak kla ke armok armok e tinapapra omon itau e tidue osep ka tipaia tipolou itau blang.

Jon 15:26

“Mase ma ngapagei Lua-ngan silang ke umu. Iye Ano Itau ka iye pelengon lokono batne ka dong kap Livou e me ke umu. Alo ka iye me ma iye palongo lumu ke ngong.

Aposel 10:44

Alo ka Pita dau wai ke isak Ano Itau duru sep ke osep keniye ka tiklingen ila pelengon aitno lisak.

Aposel 16:10

Pol vati ano yagos deka lokono imekere limem wan ma imala ke omur tonari. Kesua aitno limi mter Ida Tapolngon waiki imala ke omur tonari ma imanapapra Yesus ila omon itau ke osep are.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

Aposel 4:31

Tiwai ke Ida Tapolngon yagos deka ninu ka tiduni pulu ine nemilmil. Deka Ida Tapolngon Ano Itau due aitno lisak e tiulou tarna lisak kovok e tiwai Ida Tapolngon ila pelengon ke osep pula.

Aposel 4:8

Deka Ano Itau due Pita aitno e iye wai ke isak langane. “Umu ka osep ngongle e ka osep plaungan ina umoklingen lou pelengon ane.

Aposel 8:25

Pita orwo Jon tinapapra Ida Puda ila pelengon ke osep Samaria ina yagos deka tisongon omur Samaria e tibauluk ke Jerusalem. Alo ka isak dau tididi ekreng ke omur Samaria tinapapra Yesus ila omon itau ke armok pula.

Pas ka Pol sogoe uti la ke osep Rom ina 1:15

Aitno lungong kro ke lou bokongon e ngapara ke alo ka nganapapra Ida Tapolngon ila pelengon itau lokono ke umu osep Rom ina.

Pas ka Pol sogoe uti la ke osep Rom ina 1:17

Ida Tapolngon ila omon itau nis ite ke elio ka Ida Tapolngon due ite itopolou itau e osuk ke bitna. Eriar langka aitno lite dagar ine ma Ida Tapolngon sir ite ila osep itau lokono. Deka udo mosongon ka itau lokono dong vala dong. Oglou osep napaprangan ina tisogo Ida Tapolngon ila pelengon langane. “Osep seisei ka aitno lisak dagar ke Ida Tapolngon ma iye lua isak ma tipolou itau e osuk ke bitna.”

Pas ka Pol sogoe uti la ke osep Rom ina 10:15

E langka Ida Tapolngon pagei osep napaprangan ina ke osep tonari kovok ma tidue sua e tinapapra ila pelengon ke osep tonari? Osep ka tisogo Ida Tapolngon ila pelengon tisogo langane. “Osep ka tipaur Ida Tapol-ngon ila omon itau ke osep leklou urok elio itau lokono.”

Pas ka Pol sogoe uti la ke osep Rom ina 15:19

E Ida Tapolngon Ano Itau lua ngong blang deka ngadue elio arit ina ka nisngen ke osep. E langane. Oglou nganogrum ke armok Jerusalem e nganapapra Krais ila omon itau ke osep. E ngalila ngala ke omur omur la lama ngaiding ke omur Ilirikum.

1 Korin 2:10

Pelengon ke wan tonari oglou dong kukwop. Io Ida Tapolngon Ano Itau due tipolou malak deka iteile omur ke isak. Ano Itau vati wan ka pula keniye e iye vati Ida Tapolngon ila ilengen ka kukwop.

2 Korin 1:22

Iye due ila nisngen ke ite ka nis osep ite ila osep ite e iye kar Ano Itau ke ite ka dong ke aitno lite. Deka iteile omur ma iye kar wan ka itau lokono ke ite kesua Ano Itau dong ke aitno lite.

2 Korin 6:6

E Ano Itau lua imi ke limem bokongon deka imodue elio isuk isuk ka itau vala e imedidi ilengen itau. E aitno limi epen e imodue mada ke osep e imi lana imi ke osep e imayak ine kovok.

Galesia 1:12

Kesua ngadue pelengon ane ke gute gesa kovok. E osep tiparere ngong ine kovok. Aurou lokono. Yesus Krais vala nis ngong ke pelengon ane.

Galesia 1:16

Deka iye didi aitno e nis ngong ke Otno Arang ma ngadue ila bokongon ka nganapapra ila omon itau ke osep ka isak osep Yuda ina kovok. E alo ka Ida Tapolngon rere ngong io ngala ngapmi gute gesa ine kovok.

Efesus 3:10

Ida Tapolngon due ila pelengon ka oglou iye kukwope polou malak ke ila osep kodong. Iye due langane kesua iye waiki ensel keniye ka tivri mgo e tiplau wan ke omur heven ma tivati Yesus ila osep urok mosongon. Deka ma tile omur Ida Tapolngon ila ilengen ombatno lokono e iye ile wan bitna bitna keniye.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 11:13

Osep tonari aitno lisak dagar ke Ida Tapolngon la lama timete e dau aitno lisak dagar ke Ida Tapolngon. E ari tidue wan bitna bitna ka Ida Tapolngon wai dagar ine kovok. Isak langka tivati wan ka dong mawa e tidue kovok. E tiwai langane. “Imodong ke osep silang urok omur e imodong langka imi osep kaulei.”

Hibru 2:4

E Ida Tapolngon due nisngen omba e elio arit ina bitna bitna e iye didi aitno e kar Ano Itau ila kerengen ke ila osep. Iye due langane ma osep tivati e tile omur pelengon tonari pelengon lokono.

Hibru 4:2

E iteklingen Ida Tapolngon ila omon itau langka oglou osep Israel ina tiklingen ine. Tiklingen ine e dau aitno lisak la dagar ine kovok deka pelengon tonari lua isak kovok.

1 Pita 1:25

E Ida Puda ila pelengon dong vala dong.” Pelengon ane omon itau ka osep tinapapra ke umu.

1 Pita 4:6

Ke batne ane osep ka timete kodong tiklingen Ida Tapolngon ila omon itau alo ka dau tidong. E lama timete kodong langka osep taklak ina timete oku ane tidong ansak langka Ida Tapolngon dong ano.

Pelengon kukwopngon 5:11

Deka omtongu lila e ngaklingen ensel pula kre lisak. Isak pula pula lokono e ngakaranga ngatik isak kovok. Tivri lelei ke Ida Tapolngon ila kova e ke wan apanal ka tidong langka ansak dong lisak e ke osep namormor isorwo apanal.