1 Korin 9:6 - Aria New Testament

⁶ Lange? Imorwo Barnabas vala ma imoboko ke limem mani ma lua imorwo tona e osep leklou tiboko langane kovok?

1 Korin 9:6 ပူးပေါင်းရင်းမြစ်များ

Aposel 11:22

Ida Tapolngon ila osep ka tidong ke Jerusalem tiklingen omon ke elio ane deka tipagei Barnabas ma iye la ke Antiok.

Aposel 13:50

Ari osep Yuda ina tisruk apmang ngongle ka tidue elio itau e tidue anit ke Ida Tapolngon aitno lisak e osep ngongle aitno lisak deka osep tonari tidue agegeng ke Pol orwo Barnabas. Deka tisik isak e tisongon omur tonari kla.

Aposel 14:12

Deka tiwai Barnabas inarak tapolngon ka angaine Sus e tiwai Pol inarak tapolngon ka angaine Hermes kesua Pol gute meriang ina.

Aposel 18:3

Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

Aposel 4:36

Alo ari gute dong ka angaine Josep e osep aposel tisir iye Barnabas. Angaine Barnabas lana ine gute ka due osep aitno lisak tidong itau. Barnabas gute Livai ina gesa ka ila omur batne aidunu Saiprus.

1 Korin 11:16

E langka gute gesa waiki tuk pelengon ane ma iye ile langane. Imedidi elio silang blang kovok. E Ida Tapolngon ila sios leklou blang urok elio silang blang kovok.

2 Korin 11:8

Alo ka ngaboko ke umu sios pula ke omur leklou tilua ngong ke mani. Are bitna langka ngapanako mani ke isak e ngalua umu ine.

1 Tesalonaika 2:9

Sipmi. Omtomu sisir ke bokongon engil ka imodue alo ka imodong kap umu. Imoboko engil lokono ke oklou e epmes ke wan ka imodue burong ine ma imakaranga imekli limem wan bitna bitna kesua imawaiki imodue elio ka opru umu kovok alo ka imanapapra Ida Tapolngon ila omon itau.