1 Korin 9:5 - Aria New Testament

⁵ Imakaranga imegi apmang ka aitno lisak dagar ke Yesus e imodue isak kla tilila kap imi langka osep aposel leklou e Ida Puda ina saiver e Pita tidue koke aurou?

1 Korin 9:5 ပူးပေါင်းရင်းမြစ်များ

Matyu 13:55

Gute ane gute kamda otno arang. E tna angaine Maria. E ina saiver angainsak Jems e Josep e Saimon e Judas.

Matyu 8:14

Mase Yesus la sep ke Pita ila ninu e iye vati Pita rana apmang paia e tarna engil.

Mak 1:30

Deka lokono osep tiwai ke Yesus ke Saimon rana apmang ka paia e tarna engil ka munu ke ila kova.

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 6:15

E Matyu e Tomas e Jems silang ka gute Alfius otno arang e Saimon silang ka iye gute Selot ina. E osep Selot ina isak osep ka tiwaiki kantri silang plau isak kovok.

Luk 8:20

E gute gesa wai ke Yesus langane. “Aiya e ngap saiver tidong ke dogur e tiwaiki tiwai ke wom.”

Jon 1:42

E iye paur Saimon la ke Yesus e Yesus vati iye deka wai ke iye langane. “Wom Saimon e abo angaine Jon. Ma osep tisir wom Sifas.” E angaine Sifas eriar langka angaine Pita e lana ine opmu.

Jon 2:12

Elio tonari polou deka iye songon Kena e la duru ke Kaperneam kap tna e ina saiver e ila disaipel. E tidong are langka wik kene.

Pas ka Pol sogoe uti la ke osep Rom ina 16:1

Ngawai ke umu ke apmang ka lutodo Fibi. Ngawaiki aitno lumu itau ke iye kesua ila bokongon lua Ida Tapolngon ila osep ka tidong ke armok Senkria.

1 Korin 1:12

Umotuk opmu pulu ke pelengon deka umu leklou umawai langane. “Ngadidi gute Pol.” E gute silang wai langane. “Ngadidi gute Apolos.” E gute silang blang wai langane. “Ngadidi gute Pita.” E gute silang blang wai langane. “Ngadidi Krais.”

1 Korin 7:15

E langka gute arang koke apmang ka aitno dagar ke Yesus kovok waiki songon apmang koke arang ka esna iye karanga didi aitno e songon iye. Iye karanga songon iye la kesua Ida Tapolngon waiki ma umodong itau kap osep leklou blang.

1 Korin 7:39

Langka apmang gesa ila boget dong dau ma apmang dong kap iye. E langka ila boget mete apmang langka neklep ke iye kovok. Langka iye waiki gi gute silang iye karanga gi iye e dau iye karanga gi gute ka aitno dagar ke Ida Puda vala.

1 Korin 7:7

Ngawaiki ma umegi kovok langka ngong ngagi kovok. E Ida Tapolngon kar kerengen kene kene ke osep kene kene. Langka gute kene due kerengen kene ka iye gi e gute silang due kerengen silang ka iye gi kovok.

1 Korin 7:8

E ke apmang koke arang ka tigi kovok e ke apmang ka sasarak timete kodong ngawai langane. Langka tidong e tigi kovok langka ngong are itau lokono.

Galesia 1:19

Ke alo ari ngavati osep aposel gesa blang kovok. Ngavati Jems ka Ida Puda ina aiver vala.

1 Timoti 3:2

Gute ka waiki dong sios ina plaungan ma iye didi elio itau vala ma osep tivati elio soulu gesa vri ke iye kovok. E ma esna kene vala. Ma iye dong itau e didi elio itau vala e plau iye itau. E ma iye kere osep kaulei ka time ke ila ninu. E ma iye karanga parere osep ke Ida Tapolngon ila pelengon.

1 Timoti 4:3

Osep ka langane tidangdang osep ma tigi kovok e tidangdang isak ma tingen ngangon leklou kovok. E Ida Tapolngon due ngangon tonari. E aitno lite la dagar ke iye e iteile ila pelengon lokono. Deka itawai tenkyu ke iye ine e itangene.

1 Timoti 5:2

E omdue elio itau blang ke apmang ka namor langka omdue ke ngap aiya. E omdue elio itau blang ke apmang belbela langka omdue ke sulup. Aitno lugom mter ke elio silang blang kovok.

Taitus 1:6

Emrere osep ka langane. Gute ka iye due elio itau vala ma osep tikaranga tisin elio soulu vri ke iye kovok. E langka iye gi deka ila asap kene vala e langka gute tonari titno tidong deka aitno lisak dagar ke Yesus blang. E titno tididi elio isuk isuk ka soulu ke Ida Tapolngon bitna kovok e tituk sipmarak e titnarak urok pelengon kovok. Kesua langka tidue langane e osep tivati urok elio soulu are itau kovok.

Hibru 13:4

Pelengon silang blang lang-ane. Gingen elio itau e osep ka tigi ma tidue anit pulu. Ma gute due elio kap apmang silang koke apmang due elio kap gute arang silang kovok. Kesua Ida Tapolngon ma wade osep ka tidue okwa e osep ka tiusu pulu.