1 Korin 9:25 - Aria New Testament

²⁵ E osep pula ka tiwaiki timole kolengen bitna bitna ma tiplau pampamu lisak itau ma tipolou dagar. E prais ka tiwaiki tidue mase ma polou okus. E prais ka langka itodue ma polou okus kovok.

1 Korin 9:25 ပူးပေါင်းရင်းမြစ်များ

1 Korin 15:54

Alo ari pampamu lite ka tipolou okus ma tilumus tipolou oku e tikaranga tipolou okus blang kovok. E pampamu lite ka timete ma tilumus tipolou oku e tikaranga timete blang kovok. Deka Ida Tapolngon ila pelengon ka wai langane ma polou lokono. “Ida Tapolngon mole mete-ngen lokono deka metengen yagos.

Galesia 5:23

E itodue wan bitna bitna molil e itaplau ite itau. E wan gesa karanga dangdang elio itau bitna bitna tonari kovok.

1 Timoti 6:12

Gute ka aitno dagar ke Krais iye langka gute ka due resis. Deka omsuong engil ma ommole resis e omdue lem mosongon ka dong vala dong. Omdue mosongon tonari kodong alo ka emvri e ampalongo ke osep pula amtarsak langane. “Aitno lungong dagar ke Krais.”

2 Timoti 2:5

E silang blang osep ka tisuong ke resis tididi elio ka resis tonari ina. Langka tidar elio tonari tikaranga tidue prais ka gute ka mole resis due kovok.

Taitus 1:8

Iye due elio itau e kere osep ka time ke ila ninu itau. E aitno itau ke elio bitna bitna ka itau vala. E iye plau iye itau. Iye didi elio isuk isuk ka itau e Ida Tapolngon ila elio bitna bitna vala. Iye ile iye itau lama iye due elio soulu.

Taitus 2:2

Amparere osep arang ka namormor ma tinim aki dagar ma amtarsak balilu kovok. Ma tile isak itau e tididi elio itau vala. E tivri dagar ke aitno lisak ila dagar e ke elio ka isak lana isak ke osep ka pula keniye. E langka wan gesa polou ka opru isak ma tivri dagar ine.

Hibru 12:28

Deka langane. Mase ma itodong ke omur ka Ida Tapolngon plaue e omur tonari karanga nemilmil kovok. Deka ma itawai tenkyu ke Ida Tapolngon e itolotuim iye ke elio ka aitno itau ine. Ma itodue anit ke iye e iteini iye.

Hibru 12:4

E ngaile umosokluk ke osep epmes ina. E dau umemete batne ke osep tonari urok elio kovok.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

1 Pita 1:4

E itapara ke kerengen itau ka Ida Tapolngon due dong para ke ila osep. Kerengen tonari dong ke omur heven e karanga polou okus koke polou soulu koke polou yagos kovok. Aurou.

1 Pita 5:4

Umu osep plaungan ina umodue langane e alo ka Udo Plaungan Ka Mgongon Ina polou iye ma kar umu lumu prais ka karanga polou yagos kovok.

2 Pita 1:6

Deka umaplau pampamu lumu itau e umodong dagar alo ka wan polou ka opru umu e umodue elio isuk isuk ka Ida Tapolngon aitno itau ine.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”

Pelengon kukwopngon 3:11

Ma ngame suong ke umu. Deka umekis dagar ke aitno lumu ila dagar lama gute gesa pi upu prais.’”

Pelengon kukwopngon 4:10

E alo ka tidue langare osep namormor isorwo apanal tigrum kamsak mgo ke gute tonari ka dong ke ila kova. E tilotuim iye ka dong vala dong. E tidue inarak hat gol e titapre isak la duru olwo boto ke kova bitna. E tidue sakul langane.

Pelengon kukwopngon 4:4

E kova isorwo apanal ka osep namormor isorwo apanal tidong ine lelei kova tonari. Osep namormor tonari titnei klos ka okou e alang. E tisin hat gol langka osep ka tivri mgo ke omur omur tisine.