1 Korin 9:24 - Aria New Testament

²⁴ Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

1 Korin 9:24 ပူးပေါင်းရင်းမြစ်များ

Pas ka Pol sogoe uti la ke osep Rom ina 6:16

E umeile omur langka umawaiki gute gesa vri mgo ma iye plau umu ma umoklingen ila pelengon e ma umodue ila bokongon. Deka umopolou lumu plaungan tonari ila osep bokongon ina umu. E silang blang langane. Langka umedidi elio epmes ina vala ma elio epmes plau umu e ma umemete ine. E langka umedidi Ida Tapolngon ila elio itau vala ma iye due umu umopolou itau e osuk ke bitna.

1 Korin 9:13

Umeile langane itau kovok i? Osep ka tidue bokongon ke Ida Tapolngon ila ninu tidue inarak ngangon ke urok bokongon tonari. E osep ka tiboko ke bota opmu ina tidue ongwa okurne leklou ka tidue elio opmu ina ine ke osep ma inarak ngangon.

1 Korin 9:23

Ngadidi elio bitna bitna tonari kesua ngawaiki nganapapra Ida Tapolngon ila omon itau ke osep e ma Ida Tapolngon lua ngong gosok osep ka aitno lisak dagar ke iye ke ila kerengen.

1 Korin 9:26

Deka ngasuong ulik ulik kovok. E ngong langka gute ka due evlei kap gute silang itau deka ngauri lungu ulik ulik vala kovok.

Galesia 2:2

Ngala kesua Ida Tapolngon nis ngong ma ngala are. E alo ka ngadong ke Jerusalem ngawai ke osep namormor ka tiplau sios vala. E ngapalongo urok ke omon itau ka oglou nganapapra ine ke osep ka isak osep Yuda ina kovok. Ngadue langane kesua aitno lungong kro lama bokongon ka eknikane ngadue e ke oglou blang ngadue polou adai.

Galesia 5:7

Oglou umeile itau ke Krais ila ekreng. Deka sei dangdang umu ma umeini pelengon ka lokono kovok?

Filipai 2:16

Umodue langane ma uma-karanga umakar isak pelengon ka karanga lua isak ke mosongon ka dong vala dong. Deka alo ka oklou ka Krais iding me ma aitno lungong neser omba ke lumu elio itau ka umodue. Deka ma ngaile lou bokongon airavu ke umu polou adai kovok.

Filipai 3:12

Ida Tapolngon waiki ito-polou itau lokono. E ngapolou langane dau kovok. Aurou. E ngong arit ngong ma ngadue prais eriar langka Krais Yesus due ngong ngapolou ila gute.

Filipai 3:14

E ngong arit ngong ma ngadue wan ka Ida Tapolngon rere ke ngong langka gute ka suong dagar ke resis ma iye due prais. Prais tonari udo mosongon ka dong vala dong ka Ida Tapolngon rere ke ite ke Krais Yesus.

Kolosi 2:18

Langka gute gesa waiki pi lumu wan itau batne ke wan ka iye vati alo ka iye munu ano koke langka iye waiki umepes umu umoduru e umolotuim ensel io umosongon iye ma iye due langane kovok. Gute ka ila elio langare didi aitno oglou ina e aitno mter langka iye itau lokono e iye due ilengen itau.

Hibru 12:1

E osep pula pula tonari ka aitno lisak dagar ke Ida Tapolngon langka tidong lelei ke ite e tinis ite ke elio itau. Deka ma ite arit ite eriar langka osep ka tisuong ke resis ma itodue wan ka Ida Tapolngon waiki itodue. Ma itosongon elio keniye ka dangdang ite ke resis tonari e itosongon elio epmes ina ka kis dagar ke ite.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

Pelengon kukwopngon 3:11

Ma ngame suong ke umu. Deka umekis dagar ke aitno lumu ila dagar lama gute gesa pi upu prais.’”