1 Korin 9:23 - Aria New Testament

²³ Ngadidi elio bitna bitna tonari kesua ngawaiki nganapapra Ida Tapolngon ila omon itau ke osep e ma Ida Tapolngon lua ngong gosok osep ka aitno lisak dagar ke iye ke ila kerengen.

1 Korin 9:23 ပူးပေါင်းရင်းမြစ်များ

Mak 8:35

E gute ka waiki ila mosongon dong ke taklak ane ma iye bure e ma ila mosongon imina. E gute ka pli tarna e mete kesua batne iye didi ngong e Ida Tapolngon ila omon itau ma ila mosongon dong.

Pas ka Pol sogoe uti la ke osep Rom ina 11:17

E langane. Osep Israel ina isak langka akai oliv ka itau lokono. E Ida Tapolngon tuktuk akai tonari tetna leklou. Deka umu ka osep Yuda ina kovok umu langka akai oliv adai ka omong aitno ina tetna. E Ida Tapolngon due umu umenepir ke akai oliv ka itau ma umakasip akai tonari tetna ka iye tuktuk isak amunsak. Deka eknikane Ida Tapolngon ila kerengen ka dong ke osep Israel ina me duru dong ke umu blang.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

1 Korin 9:22

Alo ka ngadong kap osep ka aitno lisak ila dagar dau dagar kovok ngadidi urok elio ma ngalua isak. Ngadidi osep bitna bitna urok elio kesua ngawaiki ngalua isak ma tipolou Krais ila osep.

1 Korin 9:24

Umeile langane. Osep ka tidue resis isak keniye tisuong dagar e dau gute kene vala due prais. E umu blang umosuong dagar ma umodue prais.

2 Korin 2:4

Alo ka oglou ngasogo pas ke umu aitno lungong soulu e kro lokono e ngakngis ine. E dau ngasogo pas tonari ma aitno lumu soulu ine kovok e ma umeile omur ngong lana ngong omba ke umu.

Galesia 2:5

E imakaranga imodong moli ke urok pelengon kovok. Imawaiki pelengon lokono ka omon itau segesege kovok. Ma aling aling umakaranga umedidie osuk.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

2 Timoti 2:6

E gute ka yage bitna boko engil lokono ma ngangon polou itau. Deka alo ka ngangon anino ma iye due ngangon mgo ke osep leklou.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

Hibru 3:14

Aitno lite tidong dagar ke Krais langka tidong dagar alo ka mgongon aitno lite la dagar ke iye. Langka itodue langane la lama alo ka itemete deka ma itodong kap Krais.

1 Pita 5:1

Ngawai ke umu ka sios ina plaungan. Ngong blang gute plaungan ina e ngavati osep tidue agegeng ke Krais. E mase alo ka Krais me ma ngadong kap iye ke ila bublongon. Deka ngawai ke umu dagar langane.

1 Jon 1:3

Wan keniye ka imeklingen ine e imavatie imanapapra ke umu ma aitno lumu kene pulu kap imi. E aitno limi kene pulu kap Pmada e Otno Arang Yesus Krais.