1 Korin 9:19 - Aria New Testament

¹⁹ Ngadong vala e gute silang dong ka plau ngong kovok. E ke aitno lungong ngapolou langka wokboi nating ke osep pula ma ngadue osep pula tisep ke Krais ila osua.

1 Korin 9:19 ပူးပေါင်းရင်းမြစ်များ

Matyu 18:15

“Langka gute kene ka aitno dagar eriar langka umu due elio soulu ke umu deka umala ke iye e umenis iye ke ila elio soulu. E mgo wom kenwom vala amla e emnis iye kesua elio ane wan ke umorwo vala. E langka iye klingen lem pelengon io umodue umorwo aitno lumu tipolou kene pulu blang.

Pas ka Pol sogoe uti la ke osep Rom ina 1:14

Eknikane lou bokongon ka nganapapra Yesus ina basikngen ke osep epmes ina ka pula keniye dau dong e aitno lungong kro ine. Aitno lungong kro ke osep ka tidong ke armok armok e urok brokngon pula dong e osep ka isak omong aitno ina. Aitno lungong kro ke osep ka tile omur ke sogongon kodong e osep ka tile omur ke sogongon kovok.

Pas ka Pol sogoe uti la ke osep Rom ina 11:14

Ngawaiki lou bokongon sruk lou osua leklou ka isak osep Israel ina aitno lisak ma tingale elio ka Ida Tapolngon due ke umu. Ke elio langane ngawaiki ngadue osep Israel ina leklou tibauluk aitno lisak.

Pas ka Pol sogoe uti la ke osep Rom ina 15:2

Ite kente kente ma itolua sudo ke elio ka due aitno lisak itau ine vala. Itodue langane ma tididi elio itau e ma aitno lisak ila dagar polou dagar lokono.

1 Korin 10:29

Ngawai ke aitno lumu ka wade elio itau e elio soulu kovok. Ngawai ke gute silang langane. Ina lange wan ka gute silang waiki due koke waiki due kovok plau ngong? Ngakaranga ngadidi aitno lungong ka ile elio itau e elio soulu.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

1 Korin 7:16

Wom apmang emile kovok langka ma amkaranga omlua lem boget ma iye polou Kristen koke aurou. E wom arang emile kovok langka ma amkaranga omlua lem asap ma iye polou Kristen koke aurou.

1 Korin 9:1

Lange? Wan gesa dong ka plau ngong? Ngong aposel koke aurou? Koke lange? Ngavati Ida Puda Yesus koke aurou? Ngadue Ida Puda ila bokongon e umopolou osep Kristen ke lou bokongon koke aurou?

2 Korin 12:14

Oglou ngapolou ke umu aling orwo kodong e oku ane ngawaiki ngadue lou langan eklu ina ke umu. E alo ka ngapolou ma ngapang wan bitna bitna ke umu kovok. Aurou. Ngawaiki ngalua umu vala. Umeile agau tikere wan ke sipmarak e titnarak kovok. Aurou. Sipmarak e titnarak tikere wan ke titorok vala.

2 Korin 4:15

Wan bitna bitna tonari tidong ma tilua umu ke lumu mosongon. E ke elio langane Ida Tapolngon ila makaingan kes lila ke osep pula ma tiwai tenkyu ke wan ka Ida Tapolngon kare ke isak e tikakai angaine tito la egim ine.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

Galesia 5:13

Sipmi. Ida Tapolngon gi umu ma umodong fri. E aitno lumu mter langane kovok. Imi imodong fri e imakaranga imedidi aitno limi ke elio oglou ina. Aurou. Ma aitno lumu mter langane. Imi kenmi kenmi imodong wokboi nating ke Ida Tapolngon ila osep leklou e ma imi lana imi ke isak.

1 Timoti 4:16

Ma amplau wom itau ke lem elio isuk isuk e ke lem bokongon ka amparere osep. Langka omdue langane Ida Tapolngon ma lua wom e iye ma lua osep ka tiklingen lem pelengon.

2 Timoti 2:10

Osep tidue agegeng ke ngong e dau ngadong dagar ine kesua ngawaiki ngalua osep ka Ida Tapolngon rere isak ila osep. Ma Krais Yesus lua isak ke urok elio epmes ina e tidue mosongon ka dong vala dong kap iye.

1 Pita 3:1

E umu apmang umeini lumu soboget urok pelengon. E ngaile isak leklou aitno lisak dagar ke Ida Tapolngon ila pelengon kovok. E dau umeini isak ma tivati lumu elio itau e lumu elio itau mter aitno lisak ma aitno lisak la dagar ke Ida Tapolngon.