1 Korin 9:18 - Aria New Testament

¹⁸ E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.

1 Korin 9:18 ပူးပေါင်းရင်းမြစ်များ

Jon 4:36

E oku ane osep ka tipi ngangon tidue inarak klingen ine kodong e titagom wan ma tidue urok mosongon ka dong vala dong. Ma osep ka tiusak wan e osep ka tipi wan tonari aitno lisak neser pulu.

Aposel 18:3

Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

Pas ka Pol sogoe uti la ke osep Rom ina 14:15

E langka emngen wan gesa ka lem aten gesa aitno mter langka wan ari soulu ke Ida Tapolngon bitna deka omdue elio soulu ke iye. E langka omdue langane wom lana wom ke lem aten kovok. Kesua Krais lana iye ke lem aten tonari e mete kodong ma kli ila elio epmes ina. Deka wom lana wom ke lem aten vala e omdue elio soulu ke iye sakam.

1 Korin 10:33

Umakana lou elio ka ngadue. Aitno lungong vri ke ngong kovok e ngadue wan gesa ka lua ngong tona vala kovok. E aitno lungong vri ke osep ka pula keniye e ngawaiki ngadue elio ka aitno lisak itau ine. Kesua ngawaiki ma Ida Tapolngon lua osep pula.

1 Korin 3:8

Gute ka usak wan e gute ka baser aki duru ine isak eriar e isak orwo Ida Tapolngon ila osep bokongon ina. E isak kensak kensak ma tidue urok klingen karanga ke urok bokongon.

1 Korin 7:31

E osep ka tiboko ke wan ka taklak ina ma aitno lisak mter ke bokongon tonari kovok. Iteile isuk boto ma taklak ane e wan ka pula keniye ine ma polou yagos.

1 Korin 8:9

Deka ma umeile umu itau lama lumu elio ka umangen wan bitna bitna due supmu ka aitno lisak ila dagar dau dagar kovok ma tidue elio epmes ina.

1 Korin 9:12

Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

1 Korin 9:15

E ngakaranga ngadue elio langane. E dau ngadue kovok. E eknikane blang ngasogo pas ane ma ngadue wan ke umu kovok. Aurou. Ngawaiki ngamete paide lama ngadue langane. Lama osep tipi lou elio ka ngakaranga ngawai langane batne.

1 Korin 9:17

Langka ngadidi aitno lungong e ngadue bokongon ane ma ngadue klingen ine. E Ida Puda kar bokongon ane ke ngong ma ngadue.

2 Korin 4:5

E imanapapra ke limem elio kovok. Aurou. Imanapapra langane. Krais Yesus iye Ida Puda e imi lumu osep bokongon ina batne ke Yesus.

1 Tesalonaika 2:6

E alo ka imoboko imawaiki umu koke osep leklou umakakai angainmi ine kovok. Aurou.