1 Korin 9:12 - Aria New Testament

¹² Langka osep leklou tidue wan sasi boto ke umu deka imi blang ma imakaranga imodue wan pula ke umu. E dau wan ka imakaranga imodue ke umu imodue kovok. Imodong vala lama imodue wan ka dangdang osep leklou ma tinapapra Yesus ila omon itau kovok.

1 Korin 9:12 ပူးပေါင်းရင်းမြစ်များ

Luk 11:52

“Aisudo ke umu ka umeile itau ke Moses ila sogongon. Kesua umadangdang osep ka tiwaiki tididi ekreng itau ma tidue ilengen itau ine. E umu tona umedidi ekreng tonari kovok e umadangdang osep ka tiwaiki tididie.”

Aposel 18:3

Ari Pol la dong kap isak kesua isak tigosok Pol urok bokongon kene. Tiboko ke ninu molo ina langka oglou Pol boko ine. E ari tidong e tiboko ke ninu molo ina e tidue burong ke isak.

Pas ka Pol sogoe uti la ke osep Rom ina 15:22

E langane. Lama oglou nga-waiki ngapolou ke umu ngadue langane kovok kesua lou bokongon dangdang ngong ine.

1 Korin 13:7

Gute ka lana iye ke osep leklou io wan gesa karanga mole iye kovok. Aling aling aitno dagar ke Ida Tapolngon e iye para ma elio itau polou ke iye. E alo ka elio polou ka opru iye ma iye vri dagar ine.

1 Korin 6:7

Lokono umapaur osep leklou blang ka tidong ke Yesus limla kla ke kot. Lumu elio ane nisngen langka umegene kodong. Wan ka itau umosongon isak ma tidue elio soulu ke umu. E silang umosongon isak ma tipi lumu wan.

1 Korin 9:14

Deka langane. Ida Puda kar pelengon langane ke ite. “Osep ka tinapapra omon itau tikaranga tidue inarak ngangon e wan bitna bitna ke osep ka tinapapra omon ke isak.”

1 Korin 9:15

E ngakaranga ngadue elio langane. E dau ngadue kovok. E eknikane blang ngasogo pas ane ma ngadue wan ke umu kovok. Aurou. Ngawaiki ngamete paide lama ngadue langane. Lama osep tipi lou elio ka ngakaranga ngawai langane batne.

1 Korin 9:16

Langka nganapapra Ida Puda ila omon itau ngakaranga ngakakai angain ngong ine kovok. Aurou. Ida Puda kar bokongon ane ke ngong ma ngaboko ine. Aisudo. Langka nganapapra omon itau kovok ma ngadong soulu va.

1 Korin 9:18

E ma ngadue klingen sua? Lou klingen langane. Wan ka ngakaranga ngadue ke lou bokongon ka nganapapra omon itau ane ngadue kovok. Ngaketir lokono ke elio ka nganapapra omon itau adai ke osep. E ketirngen ka ngadue ane langka lou klingen.

1 Korin 9:2

Langka osep leklou aitno lisak mter langka ngong aposel kovok dau umeile ngong aposel gesa. Aitno lumu dagar kodong e elio langane nisngen ngong Ida Puda ila aposel.

2 Korin 11:12

Deka lou elio ka ngapang mani ke umu kovok dong. Kesua ngawaiki ngadangdang osep leklou urok pelengon. Tiyakyak e tiwai langka tidue bokongon eriar langka ngadue deka tiwaiki tikakai angainsak ine. E ngawaiki nga-dangdang urok pelengon tonari deka ngapang mani ke umu kovok.

2 Korin 11:20

E ngaile osep leklou tiwaiki tipagei umu e tiplau umu koke tiwaiki tipi lumu wan bitna bitna deka umosongon isak ma tidue langane. Koke tiwaiki tiyak umu ma umedidi isak koke aitno lisak langka isak itau e timole umu koke tiwaiki tiuri limsak ke banga lumu deka umosongon isak tidue langane.

2 Korin 2:12

Oglou alo ka ngapolou ke Troas ma nganapapra Krais ila omon itau Ida Puda klok ekreng kodong ma ngadue bokongon tonari.

2 Korin 6:3

Imawaiki osep tiwai soulu ke limem bokongon kovok deka ke batne langane imodue wan gesa ka karanga pagolgol aitno lisak kovok.