1 Korin 9:1 - Aria New Testament

¹ Lange? Wan gesa dong ka plau ngong? Ngong aposel koke aurou? Koke lange? Ngavati Ida Puda Yesus koke aurou? Ngadue Ida Puda ila bokongon e umopolou osep Kristen ke lou bokongon koke aurou?

1 Korin 9:1 ပူးပေါင်းရင်းမြစ်များ

Aposel 13:2

Alo ka tiduni pulu tiwai itau ke Ida Puda e tikakai angaine tito la egim. E silang tipli inarak ngangon kesua tiwaiki aitno lisak la ke Ida Tapolngon vala. Deka ari Ano Itau wai ke isak langane. “Umerere Barnabas e Sol ma tiboko ke bokongon ka ngarere ke isak.”

Aposel 14:14

­Barnabas e Pol tiklingen pelengon ke elio tonari e tile omur ine. Deka tidigrik ine e titutrum urok molo e tisuong kla tipolou ke osep pula amtarsak e tiwai omba langane.

Aposel 14:4

E osep pula ka tidong ke armok aitno lisak orwo ke isak. Osep leklou aitno lisak kene ke osep aposel e osep leklou aitno lisak kene ke osep Yuda ina.

Aposel 23:11

Pol dong ke ninu tonari la lama epmes deka Ida Puda vri ke galna e wai ke iye langane. “Wom arit wom vala e emlim kovok. Eriar langka ampalongo osep ke ngong ke Jerusalem ane ma amla ampalongo langane ke Rom blang.”

Aposel 9:15

Deka Ina Puda wai ke iye langane. “Aurou. Amla kesua ngarere iye ma iye polou lou gute bokongon ina. Ma iye napapra ngau basikngen ke osep pula ka isak osep Yuda ina kovok. Ma iye napapra ngau basikngen ke osep pula ka tivri mgo ke omur pula e ke osep Israel ina blang.

Aposel 9:17

Deka Ananaias songon ila ninu e la ke ninu ka Sol dong ine e sepe. Deka iye polou ke Sol e limla duru kai iye deka iye wai langane. “Lou aten Sol emklingen. Ida Puda Yesus ka polou ke wom ke ekreng ka emdidie pagei ngong deka ngame ke wom. Iye pagei ngong ke wom kesua iye waiki emtem polou itau blang e ma Ano Itau due aitno lugom e plau wom.”

Aposel 9:3

Deka Sol songon Jerusalem e didi ekreng ka tito la ke Damaskus. Iye didi ekreng e polou olwo boto ke Damaskus deka lokono bublongon ka mana ke sirva nevlik e bublo omba duru lelei iye.

Aposel 9:5

Deka Sol koli wai langane. “Ngau Puda wom sei?” E gute tonari wai langane. “Ngong Yesus ka omdue agegeng ke ngong.

Pas ka Pol sogoe uti la ke osep Rom ina 1:1

Ngong Pol ka Yesus Krais ila gute bokongon ina gesa ngasogo pas ane. Oglou Ida Tapolngon rere ngong ila aposel gesa. Iye rere ngong ma ngapaur ila omon itau ke osep pula.

Pas ka Pol sogoe uti la ke osep Rom ina 1:5

E silang blang langane. Ida Tapolngon makai imi e rere imi ma imi ila aposel leklou batne Yesus dong. Iye rere imi ma imapaur ila omon itau la ke osep ka pula keniye ka tidong ke omur pula. Iye rere imi kesua iye waiki ma osep ka pula keniye aitno lisak la dagar ke ila pelengon e ma tididie.

Pas ka Pol sogoe uti la ke osep Rom ina 11:13

Deka ngawaiki ngawai ke umu ka osep Yuda ina kovok langane. Ida Tapolngon rere ngong ila aposel gesa ma ngala nganapapra ke osep ka isak osep Yuda ina kovok. E ngakakai Ida Tapolngon angaine tito ine kesua batne ke bokongon ka iye kare ke ngong.

1 Korin 1:1

Ngong Pol ka Ida Tapolngon didi aitno e rere ngong Krais Yesus ila aposel gesa. Ngong imorwo udo aten Sostenes imosogo pas ane.

1 Korin 10:29

Ngawai ke aitno lumu ka wade elio itau e elio soulu kovok. Ngawai ke gute silang langane. Ina lange wan ka gute silang waiki due koke waiki due kovok plau ngong? Ngakaranga ngadidi aitno lungong ka ile elio itau e elio soulu.

1 Korin 10:30

Langka ngawai tenkyu ke Ida Tapolngon e ngangen wan gesa ina lange gute silang wai pelengon soulu ke ngong ke wan ka ngawai tenkyu ke Ida Tapolngon ine e ngangene?

1 Korin 11:16

E langka gute gesa waiki tuk pelengon ane ma iye ile langane. Imedidi elio silang blang kovok. E Ida Tapolngon ila sios leklou blang urok elio silang blang kovok.

1 Korin 3:6

Ngong langka ngausak londo koke wan esle e Apolos langka iye baser aki duru ine. E Ida Tapolngon vala due ngangon polou anino.

1 Korin 9:19

Ngadong vala e gute silang dong ka plau ngong kovok. E ke aitno lungong ngapolou langka wokboi nating ke osep pula ma ngadue osep pula tisep ke Krais ila osua.

2 Korin 10:7

Umawade elio bitna bitna ka umavati. Langka gute gesa aitno mter iye Krais ila gute ma aitno mter langane blang. Imi Krais ila osep eriar langka iye Krais ila gute.

2 Korin 11:5

Umawai osep tonari isak lumu aposel ka angainsak omba lokono e isak osep aposel lokono kovok. E aitno lungong langka timole ngong kovok.

2 Korin 6:1

Imoboko kap Ida Tapolngon e ila makaingan polou ke umu deka imawaiki imawai dagar ke umu langane. Umeile umu itau lama aitno lumu mter ila makaingan wan adai vala.

Galesia 1:1

Ngong Pol ka aposel gesa. Osep tipagei ngong koke tidue ngong ma ngaboko ke osep aposel urok bokongon kovok. Aurou. Ngaboko langane kesua Ida Puda Yesus Krais kap Ida Tapolngon ka Pmada tirere ngong aposel. Ida Tapolngon tona iye gute ka due Krais mole ina denga.

Galesia 5:1

Krais due ite itopolou osep ka itodong fri deka itodong moli ke Moses ila sogongon kovok. Aurou. Deka aling aling umevri dagar ine. Ma itosongon osep tidue ite ma itopolou wokboi nating blang kovok.

1 Tesalonaika 2:6

E alo ka imoboko imawaiki umu koke osep leklou umakakai angainmi ine kovok. Aurou.

1 Timoti 2:7

Ke batne langane Ida Tapolngon rere ngong ma ngapolou ila aposel gesa. E ngaboko ma nganapapra ila omon itau ke osep ka isak osep Yuda ina kovok e ngaparere isak ine. Ma aitno lisak la dagar ke Krais e ma tile ke ila pelengon ka lokono. Ngawai lokono e ngayakyak kovok.

2 Timoti 1:11

Ida Tapolngon rere ngong ila aposel gesa ma nganapapra ila omon itau e ngaparere osep ine.