1 Korin 8:7 - Aria New Testament

⁷ E osep leklou dau tile omur ine kovok. Kesua ke oglou lila me ke eknikane tididi sapingen gesa langka isak wan lokono. E eknikane alo ka tingen ongwa okurne aitno lisak langka tidue elio opmu ina lokono ke sapingen gesa. Tile omur ine kovok e aitno lisak kaka. E elio ka tikaranga tiwade elio itau e elio soulu iye dagar kovok e tinamani langka tidue elio soulu.

1 Korin 8:7 ပူးပေါင်းရင်းမြစ်များ

Aposel 15:20

Ma itosogo pas gesa ka dangdang isak langane. ‘Ma umangen ngangon ka kakai sapingen gesa angaine e ke elio langane umopolou soulu ke Ida Tapolngon bitna sakam. Ma umodue elio okwa e elio isungon sakam. Ma umangen marau e ongwa ka osep tiger agune e ka ina marau dau dong ine sakam.’

Pas ka Pol sogoe uti la ke osep Rom ina 14:14

Nganeklep ke Ngau Puda Yesus deka ngaile omur langane. Wan gesa dong ka soulu ke Ida Tapolngon bitna kovok. Langka gute gesa aitno mter langka wan gesa dong soulu wan tonari dong soulu ke iye vala.

Pas ka Pol sogoe uti la ke osep Rom ina 15:14

Sipmi. Ngaile omur lumu elio isuk isuk itau. E umeile omur ke Ida Tapolngon ila pelengon e umakaranga umaparere umu pulu ine.

1 Korin 10:25

Umakaranga umangen ong-wa okurne ka osep tidue burong ine ke bilmu. E aitno lumu bitna bitna ine deka umepmi gute ka due burong ine kovok.

1 Korin 8:1

E eknikane ma ngawai ke umu ke elio ka osep tingen ongwa okurne ka tidue elio opmu ina ke sapingen ine. Osep leklou tiwai langane. “Ite ka pula keniye iteile omur ke sapingen.” Pelengon ane lokono e dau ilengen vala due ite ma aitno lite vri ke ite e itakakai angainte ine. E elio ka ite lana ite ke sudo leklou due ite ma aitno lite polou dagar lokono.

1 Korin 8:4

Ke elio ka itangen ongwa okurne ka osep tidue elio opmu ina ke sapingen gesa ine ngawai langane. Iteile sapingen isak wan lokono kovok. Wan langka sapingen isak adai vala. E tapolngon pula tidong kovok. Aurou. Tapolngon kene dong ka Ida Tapolngon lokono.

1 Tesalonaika 5:14

Sipmi. Imawai dagar ke umu ma umodue langane. Umawai ke osep ropo bitna ma tidue elio langane sakam e tiboko vala. E umolua osep leklou ka tilim ke wan bitna bitna ma tilim kovok. E umolua osep ka aitno lisak dau dagar kovok ma tipolou dagar. E umawai molil e umodue mada ke osep ka pula keniye.